Носиндалава ирийна хасуюдимдей толыркад округханана’’ ненэцие’’ паднава сер’’ нямна хамандавы яля’’ миӈа’’. Ирий’ ямбан хуркари’’ мероприятия’’ маркана, округна’’ хусувэй ӈэсыхына ваераӈгу’’. Ӈокханда юр’’ си’’ив ю’’ мероприятия’’ яндаха’’на ненэцие’’ ма’’лаӈгу’’.
Хуркари’’ выставка’’, паднава’ серкад’ перена’’ вечер’’, конкурс’’, сян’ тэнз’’ ма’’лёва’’ хамадавы’’ ӈэӈгу’’. Этнокультурной центр’, толаӈгова харадхана’, округна’’ музейхана, школаха’’на хамандавы манзая’’ тянё ни’’ӈэӈгу’’. Округханана’’ ӈока тарця хибярина’’ иле’’, ханяӈы’’ илевамдо’ янамбовна нерня’ минредо’, харто’ манзаяханато’ сававна манзара’’, пыдадо’ нерня’ нись’ пэр’’ сава серу’’ сертаби’’. Тарця хибярина’’ тенева’’ тара, пыдо’ сертабада манзаито’ нямна лаханась, паднась. Тарця хибярир’ сяхаӈгарт вэвако вадам’ ӈани’ нянда’ нямна ни’ хэтаӈгу. Тюку’ мэвахана этнокультурный центр’ мякана Филипп Никитич Ардеев’, Екатерина Петровна Тайбарей’ ня’ встреча ваерась. Пыди’ ӈока ихиня сомбой вади мэ’’ӈаханзь. Хусувэди’ харта со’’яма’ ямда мэнеӈаха’, ненэцие’’ культурам’ тю’’ури пэртаха’, тикы’ нямна ӈокавна илеванди’ ямбан манзараӈаха’.
Филипп Никитич Ардеев – теневана ненэць’. Илеванда’ ямбан ӈокавна манзаравы хибяри, хусувэй сертабада серкнанда мел’’, халям’ ня’’марпава серм’ мэнена, ханевам’ харвабтана. Харта ямда саць сахарамбада. Пихиня ядтабнанд’ тикы ненэць’ ӈани хибярихит’ ӈамгэхэртада ни’’яӈг. Иб’ ӈод’’ пыда и’’ӈудата ненэця’, илм’ теневана, нямбара, ӈока ӈамгэм’ сертась мянта. Пыда ӈудаханата сертавы манзаи’’ маниесь, пысаӈгун’. Тамбирувна ӈарка мастер’’!
Филипп Никитич Ардеев Колгов’ ӈохона соявы ненэць’. Тохолкода, сидя ю’’ самляӈг по’’ ӈацекы’’ тохоламбавы. Манзараванда’ е’’эмня грамотыда, дипломда, сян тэнз’’ наградыда ёльце ӈока’’. «Дружбы народов’» орденда, «Спортивная доблесть’» знакда’ таня. Илеванда’ ямбан общественной манзаям’ минрена, тикы’ е’’эмня «Лучшие люди России’» общественной медальта таня.
Филипп Никитич ӈудида мэта хасава, хусувэй серкана мел’’ хибяри. Пыда сертавы манзаида ёльце тёмбека ӈэсьты’’. Хуркари’’ выставкаха’’на танесеты’’, ханяӈыдо’ ӈарка хибяри мядонзэйӈэ’ яӈга сертавы ӈэсьты’’.
Пыда манзаида хуркари ям’ манэ’’мы’’. Яханана’’ манзаида округна’’ музейхана, выставочной залхана, ЭКЦентрхана, санаторной школахана мядонзэйӈэ’ лэтбидо’.
Филипп Никтич харта вадамда мэта ненэця’, декоративно-прикладной творчество’ ӈарка мастер. Харта тененавамда ӈацекэхэ’’ минреда, манэ’’лабтабасьтыда- хурка манзая’’ ханзер’’ сертабада. Округханана’’ манзарана’’ мел’’ ненэцие’’ е’’эмня, технология’ серм’ пэртя тохолкодаха’, декоративно-прикладной творчество’ кружокм’ минренаха’’ мастер-классм’ манэ’’лабтабасеты’’. Нида’’ хусувэй серт’ тохоламбсеты.
Си’’ив ю’’самляӈг пода ӈэбнанда ӈод’’ хусувэй по’ харта соявы’ явнанда ядэрцеты, Холгов’ ӈомда сян сюртевыкэда. Ямда тамбирувна сававна теневабнанда ӈод’’, таняд’ тось ӈани’ ӈамгэхэва несэйм’ тэвраӈгу. Ядэро’’ма яхананда хуркари’’ мэкад’’ сидяӈг’’ сертасеты.
Тюку ирийхана Филипп Никитич Хорей Веран’ хэванзь ятна. Тикы ӈэсыхына илена’’ хибярихи’’, тоходанна’’ ӈацекэхэ’’ ӈока мэкад’’ ӈамгэм’ вадета, мастер-классда тенеӈгу. Илеванда’ ямбан ӈопой яхана хасенам’ ехэрана ненэць’, теда’ ӈод’’ ханяримна ӈэдалёрцеты. Тарця’ нямбара, ямда мэнена, мел’’ хибяри хэвханана’’ иле.
Екатерина Петровна Тайбарей Краснойхана иле, ӈока по’’ ямбан ӈэсыхынанда культура’ мякана манзара. Пыда ненэцие’’ культурам’ тю’’ури и’’илбада нява’’. Екатерина Петровна’ нюмда хаха’’на пилибт’ сосеты. Округханана’’ теневана не, ненэцие’’ сё’’ мэтава’’. Ненэця’ фольклорм’ теневана, вото’ лэтмбада, хибярихи’’ тэврамбада. Тикы некоця Нюдя’ яхана мюсерта ненэця’ мякана соявы. Архангельск’ маркана культпросветучилищем’ ёльцевы, ня’’амвы манзаяда луца’ вадавна хэтась -культурно-просветительской’ манзая. 1981 поход’ Краснойхана манзара.
Илеваханда, манзаяханда ивъер’ сырта не. Ненэцие’’ культурам’ нерня’ минрена. Пыда харта сававна хынота, сё падбада, музыкам’ сертабада. Нюдякоходанда харта вадамда мэта, ненэцие’’ сё намдурта. Вадюданванда’ мальӈгана мякнандо’ илена’’ хибяридо’ малӈэ’ хыно’’та ӈэвыць, лаханако теневана’’. Екатерина Петровна тенебнанда, хадада невхы’ ярабц теневана ӈэвысь, ирида’, нисяда’, небяда’ сё’’ мэ’’мы’’; лаханако’’ тенад’ ихинянда иле’’. Хадахаданда ӈока вадако’’ намдвы. Тикахад’ ӈацекэхэхэ’’ ӈод’’ харто’ лаханако ваде’’мы ӈэсьты’’. Небядо’ хынокад’ ӈэвысь. Тарцям’ нюдякоданда намдурць – ханзер’’ хибярир’ ни’’ хынот, сё’’ ни падбаӈгу?
Ӈобт’’ ма’’лавахана Екатерина Петровна харта падвы сёда мэ’’ӈась. Няръяна март’ «Ненэй сё’» тамна « Ӈодякоця’» коллективда ӈобтарем’ турӈаханзь, мядонда’ хибяри’ сей маймбтаць.
Тарця’ талантливой хибярихи’ маня’’ яханана’’ илеӈаха’, Ӈэрм яханана’’ иленя’’ хибяри манзъяхананди’ майбтамбихи’.
Перевод на русский язык
Я воспеваю свой народ
Ненецкий округ богат не только природными ресурсами, но и уникальными мастерами народного творчества. Именно они сегодня взяли на себя ответственность за сохранение традиций своего народа, его самобытность. Они творят, как говорится, по зову сердца.
В нашем округе есть мастера, которыми мы гордимся. Их имена известны далеко за пределами региона благодаря участию в российских и международных выставках, конкурсах и фестивалях. Но и это, пожалуй, не самое главное. Главное, что они передают свои знания молодежи. И мы можем быть уверены, что не прервется связь поколений, не оскудеет творческий родник ненецкого народа.
В рамках дней ненецкой письменности, которые проходят в эти дни в регионе, в Этнокультурном центре состоялся вечер-встреча «Я воспеваю свой народ». Его герои – Филипп Никитич Ардеев и Екатерина Петровна Тайбарей – рассказали о своем многогранном творчестве. Они любят родной уголок земли, вносят посильный вклад в развитие и сохранение родной ненецкой культуры.
Филиппу Никитичу уже 75, но ему не по душе диванный уют, физический застой. В хорошую погоду отмеряет пешком километры на охоту и на рыбалку, совершает лыжные прогулки. Спешит в поселки, на тундровые просторы – его ждут там и знают по имени.
Филипп Ардеев родился на острове Колгуев в семье оленевода. По образованию учитель, педагогический стаж – 25 лет. За свой труд награжден орденом Дружбы народов, знаком «Спортивная доблесть», которым в СССР удостаивались только чемпионы мира и олимпийских игр. За общественную деятельность награжден медалью «Лучшие люди России».
А еще Филипп Ардеев является признанным мастером. Его эксклюзивные изделия декоративно-прикладного творчества находятся в музеях и частных коллекциях как в России, так и за рубежом. Мастер неутомим, он находится в постоянном творческом поиске. Закончив одну работу, берется за другую. Он бескорыстно передает свой опыт молодым. Уже через несколько дней Филипп Никитич собирается в творческую поездку в Хорей-Вер, где пройдет его выставка и мастер-классы.
Имя Екатерины Тайбарей, руководителя ненецкого фольклорного коллектива «Нянэй сё» из Красного, также на слуху у жителей округа. Вся ее жизнь связана с культурой ненецкого народа.
Ее по праву называют хранительницей национальных традиций. Родилась она в семье оленевода в Малоземельской тундре. После окончания культпросветучилища работает в ДК поселка Красное.
Екатерина Петровна в начальных классах хотела быть учителем, а потом вдруг решила стать трактористкой. Жизнь распорядилась иначе: после школы из-за болезни мамы осталась в родном поселке. И где только не работала – и поваром, и заменяла посудомойку, мыла полы в школе. Но всегда интересовалась песнями своего народа.
– В нашем доме всегда звучали ненецкие песни, бабушка с мамой рассказывали сказки. Мама – великолепная исполнительница песен, бабушка сказочница, отец тоже пел, – рассказывает Екатерина Тайбарей.
Она унаследовала традиции предков. Ее память и душа, переполненные впечатлениями и размышлениями, нашли выход в песнях. В них она воссоздавала то, что когда-то особенно поразило или запомнилось. В ее мелодиях возникают живые картины и образы. Впоследствии в Доме культуры она создала фольклорные коллективы: взрослый «Нянэй сё» и детский «Ӈодякоця».
– В жизни народа ничто не появляется напрасно и никогда не уходит бесследно, – убеждена Екатерина Петровна.
На вечере-встрече она подарила зрителям свои новые песни. А затем на импровизированную сцену вместе с ней вышли ее коллективы «Нянэй сё», «Ӈодякоця», порадовавшие нарьянмарцев своим творчеством.
