Ваеравы ирий’ 22 яляхана округханана’’ соявы, сава теневана няна’’ Филипп Никитич Ардеев 85 пода пангусь.

Филипп Ардеев тенева’’, яханана’’ пуданда хаевы недада’ лата – почётной полярник’, мел’’ ненэць, тохолкода, «Советская Россия» газета’ нертей трансконтинентальной полярной экспедиция’ ясавэйӈэ’ таравы.

Филипп Никитич Холгов’ ӈохона сиднтет ю’’ самляӈг по’’ тяхана хари’’ явнанда мюсерта ненэця’ мякана соясь. Нисянда’ сян ёнар’’ тэда’’ ӈэвысь. Пыда хари’’ ямда мэнена, мята’ тер’’ сахарамбада, хасава нюмда сянда ненэць’ ӈэвысь. Филипп нюдякоходанда пили’’ нисянда’ хэвхана мэсеты, теневась ханзер’’ нисяда тэкоцида мание, ямда лэтби, хусувэй сер’’ ивъер’ пэрта. Тарцям’ маниесь, хасавако ӈарумданась. Нисяда’ хусувэй серкана нюнда’ нертей тохолкодась, хусувэй харта теневанамда хасава нюхунда’ тэврамбидась. Нисяхаданда намдвыда, хасава илеванда’ ямбан минрейдась.

Филипп Никитич 1969 похона Няръяна маркана педагогической училищем’ ёльце’’махаданда, округна’’ ӈэсыхына Индигахана, Краснойхана манзарась. Тикы ӈэсыхы’ школахана ненэця’ вада, физкультура, падтаӈгова, черчение, труд урок’’ минресь.

Тикы’ пуд’’ 1980 похона Холгов’ ӈохона, Бугринохона школам’ нэць, пыда нертей директорӈэ’ таняна хаясь. Сян’ по’’ ваерась Няръяна март’ хэвысь, таняна сян’ по’’ ямбан Хорей-Верской НГРЭ манзарась.

Тамальӈгы похо’’на’’ сян’ экспедициян’ ядэрмысь. Нертей’ ядэрмада «Советская Россия» газета’ полярной экспедиция’ ӈэвысь, Уэленхад Мурманск’ мар’’ ӈэсонд вэнекохо’’на’’ миӈаць, маня’’ нява’’ ясавэйӈэ таравысь. Синдтет ирий’ ямбан ӈэдалёвыць. Тикы’ пуд’’ нябимдей экспедицияхана нида’’ нядабась Филипп Ардеев Карской ямӈгад Каспийской яв’ варан тэвормысь. Тамна Ямало-Ненецкой округ’’мана ӈэдалёрмада таневысь, таня тэвормы экспедиция’ хибяри’’, тикы яхана илена’’ ненэця’’ ил’ мэсым’, традиция’’ тохолабвыць.

Янамбовна Филипп Никитич мяд’ терсавэй нянэювна Нарьяна-Март’ илелъяць. Манзараванзь этнокультурной центр’ ненэцие’ отделан’ еримысь, по северным художественным промыслам и ремеслам мастерӈэ таравысь.

Филипп Никитич ӈудида’ мэта ненэць ӈэвысь, манзаяда’ сейхананда лимбякась, минрена серта’ ивнанда ӈэвысь.

Тарем’ манзарась, по’’ ваерась ӈарка мастерӈэ’ хая, пыда хусувэй сертабада манзаяда’ тёмбекавна сертавы ӈэсеты, паской, сэвхана лимбяка, маймбцо. Тарем’ манзарась пыда ненэця’’ мадавы’’ тохолась, ты нямдхад сомбой манзаяко’ маторпась пявысь, ненэцие хару’’ сертабась тухусь, тынзя’’ паӈгалпасеты. Хуркари’’ манзая’’ ӈудаха’’нанда серо’’ӈаць. Тамальӈгана пыда пензер’ сертаба пясь, ханзер’’ невхы похо’’на’’ тадебя’’ пензер’ сертабавы, тохолавэдась; тикахад невхы сё’’ мэ’’мам пясь.

Тикы’ поӈгана мел’’мана манзарана нява’’ ӈани’’ хибяри’’ ни’’ паӈгалпась, Нухуко’’ сэдабась, лэ’’эмна’’ маторась тохолабидась.

Ивнанда’ ӈэда манзаямда Филипп Никитич харвась минредась, пили’’ несэюмдабсетыда. Ӈокавна манзаранась, ӈопой манзаям’ ёльцесь, ида’ ӈани’’ манзая’ нямна ядэрцеты. Нява’’ илм’ мэнена, нямбара, хибяри’’ нядабаванзь едтёда ненэця’ ӈэвы.

Филипп Никитич Ардеев’ хасенавам’ ехэрана, пили’’ нерня’ минда хибярись, Холгов’ ямда ӈока сюртедась, сава нумӈгана ядась ханеванзь, ёрмась тэворцеты, ламбяхана ядэрмам’ мэненась.

Округна’’ ӈэсыхы’ тэворцеты, хойхана мэсеты, соя’’ма Холгов’ ямда нисеты юрбю, ханярина нямбара хасавам’ янда’ тер’’ хибяри’’ маймбась ядабтабсетыдо.

Филипп Никитич Ардеев хусувэй теневана серта’ ӈацембой няхата’’ тэврабсетыда, ӈока хибярим’ мел’’мана манзарась тохолавы.

Тарем’ маня’’ Филипп Никитич’ тенева’’, пыда ихинана’’ пили’’ илевнда. 2018 по’ октябрь’ ирийхана няна’’ ил’ ныклысь, си’’ивумдей по’ хэвханана’’ ни’’ мэ’’. Тарем’ ӈод’’, тюкохона мэвада со’’. Пыда ӈудамда’ тохолавы нита’’ манзая’’амна маниева’’…

Перевод на русский язык

Мастер, учитель, путешественник...

В этом году исполнилось бы 85 лет уроженцу Ненецкого округа Филиппу Никитичу Ардееву.

Легендарный Филипп Ардеев – почётный полярник, народный мастер, каюр – оставил неизгладимый след в истории региона.

Он родился на острове Колгуев, в семье оленевода-единоличника, в хозяйстве было несколько тысяч оленей. Отец не знал грамоты, вместо подписи ставил изображение родового клейма. Мужчина очень любил свою землю, семью, единственного сына. Филипп с рождения был рядом с отцом и видел, как он трепетно, с особой любовью, относился к оленю – главному богатству тундры.

Именно отец во всём стал для сына первым учителем.

После окончания педагогического училища в Нарьян-Маре началась трудовая деятельность Филиппа Никитича. С 1969 года работал в Индиге и Красном, преподавал ненецкий язык, физкультуру, рисование, черчение и труд. В 1980 на острове Колгуев, в Бугрино, открыли школу, он стал первым директором. Затем переехал в столицу округа, несколько лет успешно трудился рабочим в Хорей-Верской НГРЭ.

Участвовал в полярной экспедиции газеты «Советская Россия» от Уэлена до Мурманска на собачьих упряжках. Экспедиция продлилась восемь месяцев, три из которых путешественники прошли в условиях полярной ночи. Во второй своей экспедиции Филипп Ардеев прошёл путь от Карского до Каспийского моря. Также наш земляк участвовал в экспедиции, связанной с исследованиями по сохранению обычаев и традиций ненецкого народа в Ямало-Ненецком автономном округе.

Затем Филипп Никитич вместе с семьёй осел в Нарьян-Маре и занялся творчеством. Работал в отделе национальной культуры этнокультурного центра, был мастером по северным художественным промыслам и ремёслам.

Филипп Никитич творил, как говорят, по зову сердца.

Он великий мастер, человек, чьи творения поражают нас фантазией, необычной красотой и оригинальностью. Он изучил ненецкие узоры, резьбу по кости из рога оленя, делал ненецкие ножи, мастерски плёл тынзей. Стал восстанавливать технологию изготовления шаманского бубна и возрождать пение старинных легенд под бубен. На многочисленных мастер-классах рассказывал о секретах изготовления цветных поясов, ненецких кукол нухуко, проводил уроки резьбы по кости. Всё ладилось в его умелых руках!

Народный мастер был неутомим во всём, он находился в постоянном творческом поиске. Много трудился, закончив одну работу, брался за разработку другой. И до конца жизни сохранил огромное жизнелюбие, душевную щедрость, умение сопереживать.

Филипп Ардеев не один раз вдоль и поперёк прошёл остров Колгуев, в хорошую погоду километры мерил пешком, ходил на охоту и рыбалку, совершал лыжные прогулки. На малой родине его ждали и с радостью встречали земляки. Часто выезжал в посёлки округа, на тундровые просторы.

Он бескорыстно передавал опыт молодым. С таким человеком мы были уверены, что не прервётся связь поколений, никогда не оскудеет творческий родник ненецкого народа.

Вот таким мы помним Филиппа Никитича Ардеева, таким он живёт в нашей памяти. Мастер, учитель, путешественник... Человек-созидатель, человек создающий!

Филипп Ардеев ушёл из жизни в октябре 2018 года, его нет с нами шесть с половиной лет, но он всегда рядом. Штрихи творчества мастера мы видим в работах его учеников.