Маня’’ округханана’’ мале си’’ив ю’’ сидя по’’ ямбан санаторной школа-интернат манзара. Теда’ ненэцие’’ санаторной школаӈэ нюмдебидо’. Таӈок’’ по’’ ямбан’ округхы’’ ӈэсыхыт товы’’ тивак’’ едям’ мэта’’ ӈацекы’’ тоходана’’, сиддо’ лекарь’’ савумдаби’’. Ӈокавадо’ ӈацекы’’ едядо’ тивак’’ хабцяӈгат пере. 

Ӈацекы’’ ня тохолкода’’, воспитатель’’ тохолкова по’ ямбан манзара’’. Ӈацекыдо’ хусувэй сава серт’’ тохолабидо’. Хусувэдо’ нюдякоходанда харта сояма’ ямда теневабнанда нив’ тара’’, тикахана илм’ теневанаӈэ’ вадюда’’. Тикан’’ ӈацекыдо’ тарця школахана ӈани’’ тохолабидо’. Невхы иринато’, хадунато’ илм’ тенебнандо’, пангдо’ нибнандо’ юрбю’’, харто’ ямдо’ теневабнандо’, мэнебнандо’. Тарем’ тикы’ школахана манзаидо’ минрейдо’.

Вэба’ ирий’ нертей яляхана мань тикы школан’ тэворнадамзь, школандо’ директор’ Наталья Корепанова мято’ манэ’’лабтась.

Тоходанава’’ хардадо’ пихид маниесь невхы. Мюня’ тюсь нир’’ тумдӈгу’’: яля, иба, хусувэй ӈаворидо’ сомбоковна сертавы’’. Мято’ мюня’’ хусувэй лохондо’ нювм’ ненэця’ вадавна падвы. Таняна манзарана’’ хибяри’’ школамдо’ сахарамбидо’, хусувэй тарана ӈамгэм’ харто’ сертабидо. Ӈацекэхэ’’на сава ӈэва’ е’’эмня идо’ пилибт’’ няркнасеты’’.

Наталья Васильевна мась: – Маня’’ школаханана’’ ӈацекына’’ нертей классхад тетимдей класс’ ӈэсонд’ тохоламбина’’. Пыдо’ сава хибяриӈэ’ вадювандо’ е’’эмня ӈокавна теда манзарась тара. Нюдяко ӈацекым’ нир’’ тэмбараӈгу’’, пыда ӈарка нянда сёнзям’ мюняхад хамадамбида. Ӈацекэхэна хуркан’ӈэӈгун’, пыда ӈод’’ нянанд’ тарця ӈэӈгу. Маня’’ классна’’ ӈарка ни’’ӈа’’, сомбоювна хамадамбэй’’. Ӈацекы’’ классан’ тюбнандо’ ихиняндо’ сава ӈэсьты’’. Тоходанван’ саць харвасеты’’. Та’ мальӈгана тоходанва мя’’ма’’ тянембовна сулурпиваць: ӈаволава’ лохова’’ савумдаваць, ваӈгхана манзаи’’ сертаваць,сян’’ хонёлова лохом’ несэювна хамадаваць. Ӈацекына’’ тоходанвандо’ пуд’’ ныланавандо’ е’’эмня теда яӈга хамадавы лоходо’ таня, таняна пыдо’ харвась ма’’люрцеты’’. Лоходо’ нюдя ни’’ӈа’’, яля. Таняна сянакода’’, толаӈгода’’, нито’ ня лаханорта’’.

Тарця’ школава’’ округханана’’ мале ёнар’’ хасуюёнар’’ тет’’ ю’’ тетимдей по’ ты’ ниць’ ирийхад’ таня. Сяӈок’’ хибяри’’ тикахана манзараць, сяӈок’’ ӈацекы’’ тоходанаць хэтва сер’’ ни’ӈа’’. Тюку ялян’ тикахана самляӈг юд’ мян’’ хануй’’ ӈацекы’’ тохдангу’’. «Школаханана’’ хусувэй ӈэсыхыт товы’’ ӈацекы’’ тоходана’’, – вадамда Наталья Васильевна нерня минреда, – Нельмин’ Саляхад ӈацекы’’ ӈока’’ ӈэсьты’’, Краснойхад. Тюку по’ Усть Карахад, Каратайкахад, Бугриноход, Индигахад танеӈгу’’.

Теда’ ӈацекы’’ мале тоходана’’. Тохолкода’’, воспитатель’’ по ямбан нянандо’ манзаравнда’’, тохолкова по ямбан ӈобкана сертавы’’ манзаидо’ тянё’’ ни’’ӈэӈгу’’. Школандо’ ервота ӈод’’ харта манзаянанда нида’’ хусувэй серкана нядабаӈгуда.

Санаторной школахана манзарана’’ нина’’ манзаядо’ сававна миӈая, сава сёнзяхана манзаяхандо’ ядая’’, ӈацекы’’ харвась тоходаная’’, сенз’’ ӈэя’’. 

Перевод на русский язык

Тепло родной школы

Вот уже 72 года в нашем округе работает уникальное учебное заведение – Ненецкая санаторная школа-интернат. За это время она не изменила своего статуса, сюда прибывают дети с ослабленным здоровьем со всего округа.

Учителя воспитывают ребят в народных традициях, обучают их особенностям жизни в тундре, а главное – вкладывают в них уважительное отношение к предкам, любовь к земле, гордость за принадлежность к своему народу.

– Ведь многое в человеке возникает не само по себе, а закладывается в детстве, – убеждена директор школы Наталья Корепанова.

Она согласилась провести для нас экскурсию по школе. Здание двух-этажное, деревянное, с виду совсем не примечательное, но внутри все радует глаз. Педагоги и воспитатели создают теплую атмосферу.

– В школе учатся дети со второго по четвертый класс, – рассказывает директор. – Мы понимаем, как много значит для формирования личности внимание к маленькому человеку. У нас даже классы внешне отличаются от обычных школьных. Летом мы провели незначительный косметический ремонт – в кухонном цехе, коридорах, частично в спальнях. Оборудовали комнату отдыха и психологической разгрузки для детей. В результате комната стала намного просторнее и светлее, и дети с удовольствием спешат сюда после занятий. Одну из спален пере-оборудовали в классное помещение.

История санаторно-лесной школы берет начало с мая 1944 года. Сегодня здесь учатся и проходят курс оздоровления более пятидесяти ребят.

По словам Натальи Корепановой, в школу поступают дети практически из всех поселков округа.

– Много ребят из Нельмина Носа, есть дети из Красного. В этом году к нам приедут ребята из Усть-Кары, Каратайки, Бугрино и Индиги, – рассказывает директор.

Накануне 1 сентября Наталья Василь-евна готовилась к встрече с детьми, давала последние напутствия коллегам: «Что пожелать вам, педагоги, в эти сентябрьские дни, когда люди всех профессий и рангов вдруг вспоминают, что у каждого в жизни были учителя? Пожелаем вам плодотворного труда, с оптимизмом смотреть в будущее. Удачи в благородном труде!»