Ямал’ яхана манзарана’’ паднана’’, хусувэй по’ тюку ирий’ 19 толыркана минрена’’ манзаито’ хэбидя ялям’ мэцеты’’ – луца’ вадавна тарем’ со’’ – День Ямальских СМИ ЯНАО. Тюку по’ «Няръяна Ӈэрм» газетандо’ 95 пом’ ядабтаць.

Ӈахы’ хаювы 1931 похона Саляхард’ маркана « Няръяна Ӈэрм» – «Красный Север» нюбета нертей газетадо’ тарпыць, те’ ёльцянд 95 по’ ваера’’.

Газетадо’ ненэцие’ вадавна нюмдевысь, таняна падвыдо’ сидя вадавна сертабада’’ ӈэвыць, луца’’ вадавна тамна ненэця’ вадавна.

Такы похот’’ Ямал’ няна паднана’’ харто’ яндо’ юн’’ таняна падаби’’, хусувэй падвы манзая’ харто’ яндо’ илм’ вадета’’.

Тамальӈгы’ похо’’на’’ ӈадимы манзаидо’ паднана’’ тё’ ёльцянд минрейдо, нерня’ манзаидо’ миӈа’’.

Редактор’’, корреспондент’’, дизайнер’’, медиа–ресурс’ манзаи’’ пэрта’’ хусувэй яля’ харто’ яндо’ ил’ нямна лахана’’.

95 по’’ ямбан юн’ минрена’’ манзаяхана ӈока несэй ӈамгэ ӈадимясь. Газетам’ сертабада’’ станок’’ мале’ пуняна хаювы, е’’эйдандо’ цифровой платформа’’, социальной сеть’’ ӈадимя’’, паднана’’ манзаидо’ ивъер минрейдо, мэё вадамдо’, яндо’ юн’’ нерняри’ минрейдо.

1953 похона те’ ёльцянд таневы ӈопой газетамдо’ сидя ян’ тярӈадось. Си’’ив ю’’ няхар’’ по’ сидя яӈга’ газетаха’ ӈадиберӈаха’ – «Красный Север» – луца’’ вадавна, «Няръяна Ӈэрм» – ненэцие’ вадавна. Хари’’ вадавна маня’’ нина’’ падна’’, хари’’ вадам’ нерня’ минрева’’ ӈарка сер’’ минре’’.

Теда’ манзь, Ямалкана хари’’ вадавна падбада газетандо’ история’ ӈарка, паднава’’ сер’’ таняхад миӈа’’. Таӈок по’’ ямбан газетахана нертей яляхад падарм’ теневана’’ хибяри’’, паднана’’, ненэця’’ вадавна лаханана’’ Иван Истомин, Иван Юганпелик, Леонид Лапцуй, тамна ӈани’’ ненэця’’ паднаць. Ӈока по’’ ямбан газетандо’ нерм’ пэртяӈэ’ Хабэча Яунгад тарась.

Тюку ялян’ газетам’ ня’’амбадаӈэ’ Марина Яр тара. Гыданской хойхана соявы, хой’ тер’’ некоця, тохолковы манзаяда’ – филолог, газетан’ манзараванзь 1998 похона тэвыць. Сидя ю’’ по’’ ваерась, 2018 похона ненэцие’ вадавна падбада газета нерм’ пэртяӈэ’ хаясь.

– Маня’’ манзаяханана’’ я’’авлада ненэця’’ серо’’ӈа’’. Нянэй ненэця’’ илм’ теневана’’, ӈэрм’ ям ниня’’ пилюта’’ ӈэбнандо’. Газетаханана’’ тет паднана’’ хибяри’’ манзара’’. Тамна сид’’на’’ нядабадина’’ тане – сава нина’’. Пыдо’ Россиянана’’ яндаха’’на’’ иле’’ – Наръяна маркана, Таймыр’ няна, Ямалкана. Пыдо’ сиципой’ ханзер’’ ӈэвндява’’ – тарця вади’’ нерм’ пэртями’ си’’ими’ ядабтась хэтась.

«Няръяна Ӈэрм» хусувэй си’’ивхана ӈопоймэвна ӈадиберӈа, падтавы’’, сидндет полосада. Тиражда’ – 3600 экземпляр’’. Мале’ сян пудана’’ по’’ ямбан хой’ тер’’ вада’ хавна газетахана пэдара’ няюна илена’’ ненэця’’ вадавна падвы’’ манзая’’ ӈадиберӈа’’, Ненэцие’ округхад, Таймыркад товы’’ юн’’ танесеты’’, фольклор’’ таняна хова’’ пир’ ӈэсеты’’, «Мынеком’» нюбета яӈга ӈацекы’’ е’’эмня хамадавы газета’ тане. Нина’’ соцсетьхана ханзоць манзара’’, видеоклип’’ сертаби’’, яндекс-переводчик’ ненэця’’ вадан’ сертабавахана нядаӈгуць.

– Маня’’ ӈокава’ нива’’ӈа’’, тетӈэ’ газетам’ сертабива’’, дизайнерва’’ тане.

Яна’’ юн’’, тыбэрта’’, халям’ ня’’амарпада’’ ненэця’’ ил’, манзарава’’ нямна паднава’’, хари’’ вадакуна’’ падбасетыва’’ – тарця тема’’ ӈадиберцеты’’. Командировкаха’ ӈэдалёрцетыва’’, толыродо’ тянё ненэця’’ мероприятияха’ тэворцетыва’’, хари’’ яханана’’ мэсетыва’’, ӈани’’ ян’ ханцетыва’’. Илембэй ненэця’’ манзаян’ тэврабсетыва’’, тарем’, Яр Саляхана тохолкодам’ ховаwь. Пыда е’’эмнян сканворд’’, кроссворд’’, ребус’’ хамадабсеты, тикахад няна’’ ӈэдтабсетыда. Маня’’ газетахана паклесетына’’. Мэкад сер’’, ненэця’’ харвабтасетыдо. Мякнандо’ пэвсюмб ма’’лаӈгуд’’, газетамдо’ ня’’амгу’’, толанзёда’’, тасалкода’’, идо’ ядэрта’’ – тикахана ӈэмгэ вада паклёбнанда.- Марина Яр ваде’’ӈада.

«Няръяна Ӈэрм» газетам’ толамбада’’ ӈояк’ Ямальской, Тазовской, Приуральской, Надымской, Пуровской районха’’на’’, ханяӈы маркана иле’’. Таняюв газетам’ почтахана тэврамбидо, таняхад хойхана илена’’ тыбэртаха’, ёрта’’ факторияха’ «Ямал потомкам» общественной организация’ манзаи’’ минребда ненэця’’ тэврамбидо. Пыдо’ манзаито’ сер’’, таняюв етри’ тэворцеты’’. Вындер’ нидо’ тарана серкана нядабасетыдо.

– Маня’’ ӈод’’ таня тэворцетыва’’, таняхад паднасетыва’’, сидянг’’, видео’’ сертабасетыва’’. Хой’ няна вадам’ теневана’’, хой’ илӈгана илена’’ ненэця’’ манзаидо’ пэрӈа’’. Таняна маня’’ ныхыдава’’ пэрӈава’’, несэй вади’’ ма’’лабива’’. Газета манзаями’ илани’ ӈокаюв пеля’ минрев. Мань газетами’ мэнев! – пуданана’ Марина Тэтакучевна тарця вади’’ хэтась.

Перевод на русский язык

Я люблю свою газету

Журналисты Ямала отметили 95-летие окружной газеты «Няръяна Ӈэрм» – «Красный Север».

Первый номер вышел в свет 19 апреля 1931 года в Салехарде. Газета печаталась на русском и ненецком языках.

Именно тогда был заложен фундамент, на котором сегодня прочно стоит профессиональная команда ямальских СМИ. Журналисты всех сфер – редакторы, корреспонденты, дизайнеры и другие специалисты медиа – непрерывно рассказывают о жизни на Ямале.

За 95 лет произошли заметные перемены. Печатные станки заменили цифровые платформы и социальные сети, но неизменным осталось главное – серьёзное отношение к печатному делу, уникальная подача материалов. По сей день слово журналистов имеет весомое значение. Они рассказывают о достижениях региона, поднимают важные темы и помогают землякам получать достоверную информацию.

В 1953 году издание разделилось на две самостоятельные газеты. С тех пор издаются «Красный Север» – на русском и «Няръяна Ӈэрм» – на ненецком. Сохранение национального языка – главная задача журналистов уникальной ненецкой газеты.

Её история тесно связана не только с появлением на Ямале первой региональной газеты, но и с созданием письменности и литературного языка ненцев. В разные годы руководителями редакции были образованные люди, писатели, прекрасно владеющие ненецким языком: Иван Истомин, Иван Юганпелик, Леонид Лапцуй и другие. Долгие годы руководил газетой Хабэча Яунгад.

Сегодня издание возглавляет Марина Яр. Уроженка Гыданской тундры, тундровичка, филолог по образованию пришла в газету корреспондентом в 1998 году. Через двадцать лет, в 2018-м, возглавила творческий коллектив национального издания.

– В нашей работе нельзя быть букой. Нужна харизма, нужно быть психологом, понимать менталитет северных народов. В штате нашей газеты работают именно такие журналисты. Ещё помогают наши внештатники – золотые люди! Они живут по всей России – в Нарьян-Маре, на Таймыре, на Ямале. Без них никак, – сообщила при встрече со мной главный редактор.

«Няръяна Ӈэрм» выходит раз в неделю на восьми полосах в полноцвете. Тираж – 3600 экземпляров. С недавних пор публикуются материалы на тундровом и лесном диалектах ненецкого языка, отдельные полосы отведены новостям Ненецкого округа и Таймыра, для фольклора, издаётся детская газета «Мынеко». Активно ведутся соцсети, десятки тысяч просмотров набирают видеоклипы, снятые прямо в тундре, а ещё отметим яндекс-переводчик на ненецком.

– Коллектив наш небольшой, всего четыре человека, у нас свой дизайнер. Новости региона, о жизни и труде оленеводов, рыбаков, охотников, фольклор – вот темы наших публикаций. Ездим в командировки, участвуем во всех мероприятиях, связанных с коренными малочисленными народами, не только в округе, но и за его пределами. Привлекаем к работе молодёжь. Так, например, молодой педагог из Яр Сале присылает нам сканворды, кроссворды, ребусы. Это очень интересный досуг для тундровиков, да и не только. Когда вечером в чуме берёшь газету и читаешь, то рассуждаешь и думаешь – какое же слово спрятано, – рассказывает Марина Яр.

Читатели национальной газеты живут в Ямальском, Тазовском, Приуральском, Надымском, Пуровском районах и в городах округа. В населённые пункты газету доставляют почтой, в стойбища оленеводов, в рыбацкие фактории – благодаря местным активистам общественной организации «Ямал потомкам!». Именно они, частые гости тундровиков, помогают в решении многих вопросов.

– Мы с коллегами любим выезжать в стойбища, бывают случаи, когда отпуск проводим среди родных людей в традиционных местах проживания наших народов, там, где кипит жизнь истинных носителей языка. Оттуда везём материалы для публикаций, снимаем много фото и видео. Там мы набираемся силы для творчества, подкрепляем свои знания.

– С этим изданием связана большая часть моей жизни, – резюмировала Марина Тэтакучевна. – Я люблю свою газету!