Тюку по’ ваеравы ӈацекы’’ Всероссийской фестивалян’ Башкортостан мардета маркана яндахат товы’’ ӈацекы’’ ма’’лыць.
Всероссийской фольклориада Уфа маркана саво ирий’ сидя ю’’ тетимдей толыркана манзаямда пядась. Советской нювм’ нюбета площадьхана нэдонзь.
Ӈацекы’’ тамбир’ ӈарка ма’’лёва Россиянана илена’’ хибяри’’ пон’ таславы, «Народное творчество – детям» тарця программавна хамадавы.
Самляӈг яля’’ ямбан 78 регионхат’’ товы’’, сидндет ю’’ коллектив’’ ӈобня’, ӈопой яхана ма’’люрӈаць. Таӈок яля’’ ямбан’ няхато’ харто’ яндо’ илм’, харто’ тэнздо’ культурам’ манэ’’лабтамбиць. Фольклориадан’ товы’’ программадо’ ӈаркась, таняна хаювы’’ ялудо’ пон’ тамна ихинандо’ илеӈгу’’, сян яля’’ ямбан ӈарка яна’’ культурам’ маниесь, маймбиць; яханана’’ танеда хуркари’’ тэнз’ мэта хибяри’’ ил’ мэсым’ торомдабиць.
Саво ирий’ сидя ю’’ тетимдей яляхана таня товы’’ ӈацекы’’ ӈобкана ӈаркая’ Парадхана мэць, нятва хороводхана сюрдець, тикы’ пуд’’ Ленин нювм’ нюбета улицавна ядаць.
Сян’ яля’’ ямбан Башкортостан’ мардета мар’’ хибяри’’ паскоювна падтавы’’ ембдяркат’’, хуркари’’ вадавна мэта’’ cёхот’’, я’’алада тарабцохот’’ ябиресь.
Всероссийской ӈацекы’’ Фольклориадан’ маня’’ яхадана’’ ӈацекы’’ коллектив’ «Ханийко» мэбець манзарась. Ӈацембой артистана’’ пэдаваць! Тарця фестивалян’ хэванзь ивъер’ хамякуць, хусувэй яля репетициедо’ ӈэсеты’’, идо’ няркнасеты’’, инструктаж’ ваертаць, ембдяродо’ хамадабиць, таняна таравнда ӈаворидо’ тасламбиць. Ихина сомбой, паской концертной программамдо’, тамна сидя ненэця’’ сянакови’ хамадаць.
Нертей яляхана, фестиваль’ нэбва мальӈгана, маня’’ ӈацекына’’ Глеб Бриленков нябю Владимир Канев пензеркана ханзоць муно’’ӈаханзь, нерняна тарем’ ядӈаханзь, нито’ сехэрым’ нэбидинзь. Тарцям’ маниесь, сиддо’ паднана’’, сидяӈг сертабада’’ таминда’ сэвтэйдонзь. Тадтамбидонзь, лаханась ня’’айдонзь. Хынокад некоця Елизавета Корабель’ вадам’ мэ’’ӈась, ӈацекы’’ коллектив’ нямна лаханась, маня’’ округна’’ мардета мар’’ хурка ӈэвам таняна илена’’ хибярихи’ хэтась, тамна мась, Няръяна
мар’’ – Ямал ни’’ӈа’’. Ӈокаюв’ тарем’ ибедор’’ ним’, е’’эмняндо’ ӈоб’’ пир’’.
Самляӈг яля’’ ямбан Россияна’’ хусувэй регионхат’’ товы’’ ӈацекы’’ ивъер’ манзараць, тарця серт’ маймбиць, нясъюмбиць, ихинандо’ мал’ савась. Ӈацекы’’ фестивалькана ваеравы’’ ялудо’ пон’ тамна ихинандо’ илеӈгу’’. «Ханийкова’’» пэдава, культурава’’ манэ’’лабтадо’! Пэдёй’ ӈэбнандо’ ӈод’’, хусувэй яля’ ныхыць манзараць, ныхыдамдо’ ма’’ла’’, едэй нядамдо’ хо’’! Сава ихина мякандо’ тэвыдаць! Нерняна тамна ӈокавна манзараӈгу’’, несэй программа’’ хамадабӈгу’’.
Перевод на русский язык
Фестиваль дружбы и радости
Коллектив из НАО стал участником Всероссийской детской фольклориады.
Мероприятие прошло в столице Башкортостана.
Масштабный детский форум приурочен к Году единства народов России и реализуется в рамках федеральной программы «Народное творчество – детям».
На пять дней в Уфу приехали 80 коллективов из 78 регионов страны. Организаторы подготовили для участников насыщенную программу. Фольклориада – это уникальная возможность познакомиться с богатейшей культурой страны, традициями разных народов.
Открытие началось с грандиозного парада участников. Ему предшествовал хоровод дружбы, который плавно перешёл в масштабное шествие по улицам города.
Яркое разноцветье костюмов, звонкие песни на разных языках, заводные подтанцовки украшали в эти дни столицу Башкортостана. Наш детский коллектив «Ханийко» тоже стал частью большого праздника.
Юные артисты ежедневно репетировали, волновались, проходили инструктаж, готовили костюмы и реквизит.
В итоге представили красивую концертную программу и несколько ненецких народных игр.
На торжественном открытии наши артисты Глеб Бриленков и Владимир Канев уверенно и громко сопроводили бубнами проходку «Ханийко», чем привлекли внимание журналистов и фотографов. Вокалистка Елизавета Корабель в интервью местным корреспондентам рассказала о коллективе, познакомила со столицей округа и объяснила, что Нарьян-Мар – это не Ямал, как думают многие.
Юные таланты со всей России несколько дней провели в атмосфере радости, творчества и дружбы. Ребята из «Ханийко» набрались сил, энергии, обрели новых друзей. С новыми идеями и прекрасным настроением участники из округа вернулись домой.
