Хаювы си’’ив самлязимдей яляхана округна’’ этнокультурной центр’ мякана «Мел’ Нельмин’ саля» тарем’ нюмдевы выставка нэяць

Хаювы си’’ив самлязимдей яляхана округна’’ этнокультурной центр’ мякана «Мел’ Нельмин’ саля» тарем’ нюмдевы выставка нэяць.

Тарем’ саля’ тер’’ нина’’ тюку по’ ваеравнда Тыбэрта ялу’’ ядабтаванзь идэвыдаць.

Выставкан’ ма’’лавы’’ хибяри’’ ӈокаювдо Нельминхана иле’’, хынокад, мел’ некоця’’. «Маймбава» народной ансамбль’ вокальной группахана хынота’’ тюкумэвахана ваеравы ма’’лёвам’ ихина сомбой сёкоцяхана нэдонзь. «Мел’ манзарана» сём’ намдаваць.

Нельмин’ Саляхад товы’’ хынокад не’’ ӈани’’ манэ’’лабтадонзь, сямбир и’’нутна, хари’’ тэнздо’ ил’ мэсым лэтбада’’ хибяри’’ нюдя яхана ӈахы похот’’ иле’’. Сёдо’ ёльце сававна хыйнасеты’’.

Выставкахана манэ’’лабтабада манзая’’ тянё ни’’ӈа’’, Нюдя я’ тер’’ мел’ хибяри’’ сертавы’’ манзая’’ ӈока. Поӈгнандо’ не’’ сэдвы’’ – нойча’’, хасава ни’’, не’’ паӈгалмы ни’’ тане, ӈодякохот’’ сертавы’’ судор’’, ӈацекы’’ ной’ савок’’, тэм’’, ты’’ падта’’маӈэ мэта’’ ӈавори’’ тане, сян’ тэнз’’ пад’’, туця’’, тикы поӈгана тены похо’’на’’ ил’ мэсым тасламбая, харвась несэювна сертамбада ӈояк’ манзая’’. Тикы’ хавна Саляхана илена’’, тоходанана’’ ӈацекы’’ падтавы’’ манзая’’ тане.

Выставкан’ тэвравы’’ ӈавори’’ ӈокаювдо Саляхана культура’ хардахана кружокха’ турта’’ не’’ ӈудаха’’нато сертавы’’.

Саляхана культура’ хардахана мел’ хибяри’’ е’’эмня сидя кружок’ манзара. Таняна не’’ манзаяхат’ ныланавандо мальӈгана сэдораванзь ма’’люрцеты’’.

«Маня’’ мел’’ма’’», кружок’ манзаям’ минрена Мария Михайловна Талеева, нябиюм’, «Мелад’ не» кружок’ пэрта, Людмила Степановна Коновалова.

– Тюку яля маркана этнокультурной центр’ мякана нертеймэвна тарця выставкам’ нэмбива’’, тюкона ӈопой ӈэсыхына илена’’ мел’мана сэдорана’’ хибяри’’ сертавы’’ манзаи’’ манэ’’лабтамбива’’. Нельмин’ Саля тэри’’ тарем’ тэравы ни’’ӈа’’, мел’ хибяри’’ таняна ӈока’’, таня ӈамгэм’ манэ’’лабтась, – тарця вади’’ ЭКЦ’ ӈуда ӈылы Ольга Латышева хэтась. – Тарем’ маня’’ манэ’’лабтаван’ харвава’’, сяӈок ханзоць ӈудидо’ мэта’’ хибяри’’ тикы ӈэсыхына иле’’, мал’ пыдо иринато’, нисянато’ ил’ мэсым тасламбахая, нядандо’ намдвы’’ теневанидо нерня’ минрейдо, несэюмдамбидо, паскоювна, тёмбекавна сертамбидо.

Нельминхана соявы’’ хибяри’’ хари’’ паӈгудо тенейдо, хари’’ яхандо тэворцеты’’.

Тарем’ Людмила Лаптандер теда’ теневана мел’ не. Юкад’ вата по’’ тяхана пыда сэдораванзь творческой лабораториян’ тэвысь, тамальӈгана таняна ма’’лёда не’’ ненэцие’ ембдяр’’ сэбдась тоходанаць. По’’ ваерась, тюку ялян’ хэтась Людмила Васильевна округханана’’ теневана’’ мел’’мана сэдорана не.

Вероника Ивановна Талеева округна’’ культурахана ӈока по’’ ямбан’ манзара, теда’ соявы ӈэсынанда культурахана манзарана’’ нида’’ нядамби. Пыда выставкан’ хари’’ сертавы ты’’ падтама’’ӈэ’’ мэта ӈавори’’ тэвравысь. Выставкам’ нэмбава’’ мальӈгана малоземельской сельсовет’ нерм’ пэрта Николай Марюев харта янда’ тер’’ хибярихи’ ӈарка вадам’ хэтась. Харто’ тэнздо’ ил’ мэсым лэтамбада хибярихи’ ихид’ минда вадида’’ хэтась, мась: тамна нерня’ харвась сэдорада’’, паской манзаи’’ сертабида’’, мал’ теневанида’’ вадюданана’’ ӈацекэхэ’ тэврамбида’’, нюта’’ ню’’ тохолабида’’. Яӈга ӈока сава вади’’ няданда Федосья Ивановна Шамсутдинова, Анна Николаевна Талеева, Анна Григорьевна Апицына нямдаць.

– Тюку выставкахана мань няхар’’ манзаями’ – ной’ паны, няровэй сярсавэй не ни’’, тамна тянё’’ саӈговота ӈавори’’, паской, тарцям мэць не ядбата махада ирт’ ӈэӈгу, ни’’ холе’’наӈгу – Анна Талеева лахана. – Маня’’ паӈгхадана перена’’ не’’ сяхари’ сэдорась теневаць, мел’’мана сэдорана’’. Тикы нерцюна сувенир’’ сертабасетыдм, ӈухуко’’омна сэдорасетыдм, тикахад «Маймбавахана» хыноць пябнани’, ной’ паны’’ сэдбась пядамзь. Теда’ мэта нойцями’ тетимдейми’. Ӈокаювамда ӈудаханани’ сэдавась, ӈобт’’ машинкахана ма’’лавась – Нельминхана илена мел’’ не тарця вади’’ хэтась.

Анна Апицына Саляхана тет юкад’ вата по’’ ямбан школахана манзарась, пыда нюдяко ӈацекы’’ тохолкода. Тюку яля’ нита’’ хэван тось, Анна Григорьевна сейда маймби.

– Пудана’’ похо’’на’’ маркана иледм’, нюни’’ нядабидм’. Сэдорава’’ сер’’ ӈобтарем’ таневав, харвабтав. Ной’ паны’’ сэдбасетыдм, пиви’’, сувенир’’ сертабасетыдм. Выставкам’ хамадавы’’ хибярихи’ ӈарка вада. Ёльце ихина сава, маймбцо, Саляхана илена’’ нина’’ манзаи’’ маниесь – тарця вади’’ некоця хэта.

Выставка Няръяна маркана этнокультурной центр’ мякана пилю’’ ирий сидндтимдей яӈганя толыр’’ ӈэсонд манзараӈгу.

Перевод на русский язык

Нельмин Нос – посёлок мастериц

Выставка народного творчества «Мел” Нельмин саля» – «Мастеровой Нельмин Нос» открылась на днях в столице округа.

На этот раз специалисты Этнокультурного центра НАО посвятили её Дню оленевода – и решили показать в Нарьян-Маре работы мастеров Нельмина Носа.

Открыли праздничное мероприятие жители посёлка, участницы вокальной группы народного ансамбля «Маймбава». Женщины исполнили на родном языке песню «Хорошая мастерица», её мелодичное красивое звучание подарило всем присутствующим праздничное настроение.

В экспозиционном зале ЭКЦ множество рукотворных изделий, искусно выполненные работы мастеров Малой земли – паницы из сукна, детские суконные совики и подвязки для тобаков, мужской пояс, женские тканые пояса, украшения для упряжного оленя, ненецкие сумки-пад и тучейки, судоры из бисера.

Также выставлены на обозрение зрителей современные стилизованные изделия, выполненные в духе времени, со знанием дела и соблюдением народных традиций. Украшением зала стали детские рисунки поселковых школьников.

Большинство экспонатов – работы участников клубов «Мы – мастера» и «Искусница», работающих на базе филиала ЭКЦ НАО. Женщины в свободное время посещают кружки, где опытные наставники Мария Михайловна Талеева и Людмила Степановна Коновалова учат народному мастерству.

– Такую выставку мы организовали впервые – здесь показываем работы мастеров одного поселения. И не случайно начали с Нельмина Носа, – отметила, открывая мероприятие, заместитель директора ЭКЦ Ольга Латышева. – Хотим показать, как много в посёлке талантливых, сохраняющих знания и умения своих предков, чутких к красоте, трудолюбивых и аккуратных во всём людей.

Отрадно и то, что уроженцы Нельмина Носа не прерывают связь со своими корнями. Такие люди были в зале. Например, Людмила Лаптандер – одна из первых когда-то пришла в ЭКЦ и начала заниматься в творческой лаборатории. Прошли годы, и сегодня Людмила Васильевна – известная в округе мастерица по пошиву традиционной ненецкой одежды.

Вероника Ивановна Талеева многие годы работает в культуре, а сегодня трудится в поселковом филиале ЭКЦ НАО, занимается рукоделием. Она представила на выставке свою работу – украшения для упряжного оленя.

Не остался в стороне от значимого события и глава Малоземельского сельсовета Николай Марюев, обращаясь к собравшимся, он поблагодарил мастеров за приверженность традициям своего народа и пожелал землякам активно передавать умения и таланты детям и внукам.

Отдельное спасибо было адресовано именитым мастерицам: Федосье Ивановне Шамсутдиновой, Анне Николаевне Талеевой, Анне Григорьевне Апицыной…

– На этой выставке представлены три мои работы – суконная нойча, женский пояс с медной бляшкой, которая служит оберегом, и женское головное украшение из сукна, бисера и латуни. Оно тяжёленькое и служит для того, чтобы женщина держала прямо спину, не сутулилась, – рассказала Анна Талеева. – Умение шить у меня заложено в генах, женщины нашего рода были мастеровыми. Раньше я увлекалась сувенирами, ӈухуко шила, а когда пришла в ансамбль «Маймбава», – стала шить суконные паницы, эта уже четвёртая нойча. Её я полностью сшила вручную, только боковые швы прострочила на машинке. Раньше женщины тундры всё шили руками – сказала мастерица из Нельмина Носа.

Анна Апицына. Ветеран образования более сорока лет проработала учителем начальных классов в родной школе. Сегодня она среди земляков. И как отметила Анна Григорьевна, очень рада такому событию.

– В последние годы живу в городе, помогаю детям. Давно увлекаюсь рукоделием, народным творчеством. Шью суконные панички, обувь, сувениры – моё хобби. Отличная выставка, спасибо организаторам! Душевно, тепло, красиво, есть чему поучиться у мастеров моего посёлка – поделилась радостью уроженка Нельмина Носа.

Посетить выставку «Мастеровой Нельмин Нос» мастеров посёлка ещё не поздно, она будет работать в ЭКЦ НАО до 18 августа.