Саво’ ирий 12 толыр’’ ӈарка яляӈэ таславы – Россияна’’ яля. Тикы яляхана Валентина Николаевна Фомина наградам’ ня’’мась.
Нельмин’ Саляхана Малоземельской сельской совет’ ӈэвахана мэна Николай Марюев тамбир’ наградам’, нагрудной знак «За заслуги в развитии художественного творчества» ненэцие’ народной ансамбль’ вокальной группахана хынота нен’ тэврась.
Валентина Николаевна, Нюдя хой’ я’ тер’’, пыда 1957 по’ ты’’ ниць ирий’ тетимдей толыркана соясь, нисяда’ Николай Арсентьевич, небяда’ Парасковья Николаевна ӈэсыхынандо’ сахарамбада, манзарась теневана хибярихи’ ӈэвэхэнзь.
Валентина ӈарка семьяхана вадысь, ханяна хусувэй ӈацекы’’ вадёванда’ сер’’, школамда ёльце’’махад тамна нерня’ тоходанаванзь едтёдась. Тарем’ ӈод’’ Валя, школанда’ пуд’’ Архангельск’ маркана танеда кооперативной техникуман’ тоходанаванзь хэвысь.
Мале’ 1978 похона ӈацьмбой товаровед-организатор’ хари’’ соявы яханда тэвыць, Нижне-Печорской рыбкооп табековна манзараванзь Великовисочной ӈэсын’ еримясь. Тарем’ тикы ӈэсыхына Валентина Марюева манзара пядась.
Нись’ пон пирибцяком’ иланда яб’ хось. Павел Фомин, таняна соявы, вадювы ӈацьмбой хасавако, те’ ёльцяӈгана мале’ Ленин’ нювм’ нюбета колхозхана электростанцияхана дизелистӈэ манзаравысь.
Тамальӈгы похо’’на’’ ӈацьмбой хибяри’’ манзарась, ныланась теневаць. Ныланавандо’ мальӈгана тараванзь тэворцеты’’, нидо’ торомдабсеты’’. Тарем’ ӈод’’ Павел Валентинамда’ сэвтэвэдась. 1979 по’ ӈарка пэвдэй ирий’ 15 яляхана тюнди’ ваераць. 1980 похона Фомин’’ семьяхана нертей не нюди’ соясь. Сян’ по’’ ваерась Валентина, Павел Фоминха’ мяд’ терсавэй Нельмин’ Салян ямдэйӈаханзь, пыдо’ Валентина сояма ян’ илеванзь тэвыдаць.
Нюдя ян’ илелъядаць
Валентина Николаевна хари’’ яхананда лавкахана манзара пядась, вэсакода’ Павел Дмитриевич, мале’ манзаямда теневана хасава, И.П. Выучейской нювм нюбета колхоз’ дизельной станциян’ тось. Тарем’ пыдо’ Нельмин’ Салян’ илелъядаць.
1987 похона ӈарка мяд’ тер’’ небя лавчик’ манзаямда хаедась, ӈани’’ манзаяхана ныхымда хораць идевыць. Тарем’ пыда колхоз’ мехпошиван’ тэвыць, таняна сэдорась пядась. Тикахана манзаравы’’ мел’’мана сэдорана’’ не’’ нямдо’ харвась ядабтадонзь, хэвханандо Валентина ӈока сэдорава серкана тарана ӈамгэн’ тоходанась. Ты’’ ӈэ’ хырабась, пени’’ тыртабась, напась, бурка’’, тапочка’’ сэдбась, хойхана мюсерта’’ мяд’ ея’’ сэдбась тухусь. Хусувэй таняна тохолавэда нерня’ илевахананда таралъядаць. Мяд’ тер’’ нита’’ е’’эмня сэдорасеты, не нюкцида иба’ ембдяр’’ мэцеты’’.
Манзараванда’ хавна Валентина Николаевна ӈэсыхынандо’ танеда’’ культура’ хардан тэворцеты, таняна танеда творческой коллективхана нита’’ хэвхана хыноцеты, тарасеты.
Саляхана илевадо’ сававна миӈась, манзаяхана сидди’ саву’’цеты. Пыди’ «Ветеран труда Ненецкого автономного округа» званием’ нямӈаханзь.
2019 похона Фомин’ семьянди’ тет ю’’ по’ панысь, тикы похона Валентина, Павел грамотам’, медаль’ «За любовь и верность» нямӈаханзь.
Валентина Николаевна теда’ ӈод’’ ӈопой яхана ни’’ хасена, пыда ӈэсындо культура’ хардахана танеда’’ cян’ коллективхана мэсеты – «Маймбава» Народной ненэцие’ ансамбль вокальной группахана хыно’’ӈа, «Хынота не» хорхана сё’’ мэ’’ӈа, «Вадако’ мя’’» театральной кружокхана сянаку.
Валентина Фомина нябаконда’ ня невхы ненэцие’ хынабц’ теневанаха’, ӈобкана хынотыхы’. Тарем’ ӈока янди’ тер’’ сею’’ маймбтембасетыхы’. Мал’ тикым небяхаданди’ минреди’, небяди’ Парасковья Николаевна Марюева теневана хынокад’ некоцясь.
Ӈока по’’ ямбан Валентина Николаевна Фомина ненэцие’ культура серкана манзара, хари’’ тэнз’ культурам’ тю’’у минрена, тикад ня’’амвы наградыда’’ тянё ни’’ӈа’’, хаювы яляхана тамна ӈопой нядэяць – нагрудный знак «За заслуги в развитии художественного творчества».
Ӈоб’’ нерня’ ӈарка серм’ минре, Валентина Николаевна! Хусувэй ӈамгэ илӈгананд’, минрена серк’’нанд сава нэя!
Перевод на русский язык
Труженицу из Малоземелья поощрили
12 июня в День России наградили Валентину Николаевну Фомину.
В Нельмином Носе глава Малоземельского сельсовета Николай Марюев вручил участнице народного ненецкого ансамбля «Маймбава» нагрудный знак «За заслуги в развитии художественного творчества».
Валентина Николаевна, уроженка Малоземельской тундры, родилась 4 мая 1957 года в семье трудолюбивых, уважаемых в посёлке людей Николая Арсентьевича и Парасковьи Николаевны Марюевых.
Выросла в большой дружной семье, где каждый ребёнок стремился после школы получить специальность. Так и Валя, окончив школу, поступила в Архангельский кооперативный техникум.
Уже в 1978 году молодой товаровед-организатор вернулась в округ и по направлению Нижне-Печорского рыбкоопа поехала в село Великовисочное. Там и началась трудовая деятельность Валентины Марюевой.
Вскоре героиня нашего материала встретила свою судьбу. Павел Фомин, местный парень, дизелист, не первый год работал на электростанции колхоза имени Ленина. Познакомились на танцах, влюбились и 15 декабря 1979 года сыграли свадьбу. В 1980 году в молодой семье Фоминых родилась первая дочь.
Через несколько лет уже многодетная семья Фоминых переехала на малую родину Валентины в посёлок Нельмин Нос.
Обосновались в Малоземелье
Валентина Николаевна в родном посёлке продолжила трудиться в торговле, а Павел Дмитриевич, опытный дизелист, попал в дружный коллектив дизельной станции колхоза имени И.П. Выучейского. Так и обосновались в Нельмином Носе.
В 1987 году хозяйка большой семьи решила сменить вид деятельности и перешла работать швеёй в мехпошив колхоза. Здесь многому научилась у опытных мастериц. Занималась обработкой и выделкой камусов, шила бурки, тапочки из меха и кожи оленя, нюки для чумов кочующих оленеводов. Всё, чему научилась, пригодилось и в дальнейшей жизни. Шила тёплые вещи для семьи, наряжала девчонок.
Валентина Николаевна стала активной участницей творческих коллективов местного Дома культуры. До сих пор принимает активное участие во всех мероприятиях посёлка.
За многолетний труд оба супруга удостоены звания «Ветеран труда Ненецкого автономного округа».
В 2019 году семья Валентины и Павла Фоминых награждена грамотой и медалью «За любовь и верность».
Валентина Николаевна занимается в нескольких коллективах культурного учреждения посёлка – поёт в вокальной группе Народного ненецкого ансамбля «Маймбава», хора «Хынота не» и играет в театральном кружке «Вадако мя» («Чум сказок»).
Валентина Фомина и её старшая сестра радуют земляков исполнением старинных ненецких песен. Этот талант им достался от мамы, прекрасного знатока эпических песен своего народа Парасковьи Николаевны Марюевой.
За преданность делу сохранения, развития и пропаганды ненецкой культуры Валентина Николаевна получила множество наград, на днях к ним прибавилась ещё одна – нагрудный знак «За заслуги в развитии художественного творчества». Мы от души поздравляем Валентину Николаевну Фомину с заслуженной наградой! Желаем больших творческих успехов!
