Тюку по’ округна сиднтет ю’’пом’ ядабтаваць. Ӈарка ялуна’’ваеравы си’’ивна маттамдэй яляхана Няръяна маркана мэ’’ӈаваць. Ӈока ихид’ миндя’’ вади’’ округна нямна намдаваць, яндахат’ товы’’ мядондина’’ ӈокаць.
Вы здесь
Ялумд’’
Мэта’’ ирийна хусуюдимдей яӈганя толыркана округна еркы маркана хари’’ яна со’’яма ялям мэ’’ӈаваць. Тикы яляхана хуркари’’ ихиня сомбой сер’’ ваераць. Яля ямбан маркы « Марад’ сейм’» нюбета площадьхана хувэхэд’ хибярина ма’’лыць, яля ямбан музыка сось.
Санкт Петербург маркана ӈока яна’ тер’’ хибяри’’ тоходанаць, ханяӈыдо’ теда таняна иле’’, манзара’’. «Нятва» нюбета землячество округхадана тарпвы’’ хибяри’’ ӈоб’ня ма’’ ламби, округна Предствительство манзара. Маня’’ яна’’ ӈацекы’’ тарця паской маркана танеда университетхана, институтхана тоходана’’.
Пухуця тумда пятада. Си’’ми лимбикако панэхэ’ емба’’ӈа. Саць тянюмбовна си’’ми ӈавалаӈаха’. Ӈавала’’махаданди’ си’’ми хонабталаӈаха’. Ӈани’ пи’ сеӈгава’’ юркына’’.Тейхад ӈокаркавна ӈавалаӈаха’. Си’’ив си’’ми тарем’ ӈаволамбихи’. Си’’ив ӈэсоӈгана си’’ми ненэйвана ӈаваламба пяӈаха’. Ти илем’. Мерця мунли со. Тас по’ илева’’. Тас по’ ямбан’ хоным’. Тас по’ ӈэсонзь мань тарем’ мадм’: -Пин’ тарпаба’’н вэвав’?
Маня’’ яханана хуркари’’ тенз’ мэта хибяри’’ хынёси’’ илевамдо’ ӈобкана минредо’. Хусувэй тенз’ мэта хибяри’’ харто’ вадамдо’ мэ’’ӈа’’, харто’ паӈгудо’ тенесь иле’’, харто’ культурамдо’ няхато’ манэ’’лабтамбидо’.
Тюку по’ маня’’ округна сиднтет ю’’ самляӈг пода панысь. Яна’ со’’яма яляӈэ’ неняӈг’’ ирий’ самлязимдей яӈганя толыр’’ таславы. Сиднтет ю’’ самляӈг по’’ тяхана ӈэрм’ няна сямянд’ нюрте ӈадимы Национальный округ.
Мэта’’ си’’ивна маттамдэй яляхана Няръяна маркана округна со’’яма ялям’ мэтава’’. Мал’’ теневава’’- тюку по’ маня’’ илесь яна’ сиднтет ю’’ поданда хая.
Маня’’ яханана пирдырма серкана ныхыта’’ хибярина тянё ни’’ӈа’’, поӈгнандо’ северное многоборье, ханяна национальные виды спорта нина’’ манэ’’лабтаби’’. Тарця пирдырмахана хибярина ныхы’’ӈа’’.
Вэба ирийна тетимдей яӈганя толыркана Россияна илена’’ хибяри’’ тэранзёва’’ ялям’ мэ’’ӈаць. Маня’’ округханана ӈод хаювы ныланава яляхана тэранзюваць. Тюку’ по’ маня’’ яханана илена’’ хибяри’’ округна ӈэвахана мэнадава, округна депутатха’’, тикахад’ Заполярный районна’ Советхана манзаравндаха’, маркана иленаӈэ’ Няръяна маркы Совет’ депутатӈэ’ таравнди’ тэрабиваць.
Тюку яля’ М.И.Талеева падвы пьеса тамна ӈопой пелямда толада’’. Си’’ив пеляда маля «Ялумдханана» падвыць, теда сиднтетимдей пеляда.
Мал’’ хибяри’’ ӈаябад’ хэван ма’’лэяд’’, ӈаябарӈа’’. Еване парабэй ӈамзи ӈокавна та. Ты’’ ва’’ны’’. Хаер’ пэсьда, я’ ӈаха ӈади’’. Вэн’’ ӈо’’ мунзи,нюсялмбэй яхадери сертялмби, нявотарӈа, туруӈа.
Округна школахана тоходанна’’ ӈацекы’’, ненэця’’ вадам’ пэртя’’ тохолкода’’ тюку по’ мядонзэйӈэ’ Р.И.Канюкова падвы « Ненэця’ вада» ненецкий язык 2 класс учебной пособием’ ня’’амаць. Ёльце’ сомбовна сертавы манзая, хуркари’’ материал’’ мюнянда ӈока. «Хобцокунда» лаханаком’ толада’’.
Пэвсюмбы ӈаворо’’махад хибяри’’ нылана. Марина Тайбари ебцотаханда хобцоку мэ’’ӈа. – Вэй! Мань хэбцокомей! Стёпако, хобцокоми ход! Сидя меӈга: няби меӈга ёря, няби меӈга тора.
Тюку по’ округва сиднтет ю’’ самляӈг помда ядабта. Ӈарка ялява мэта’’ ирийна сидя ю’’ нюртей толыркана мэтава’’. Округна еркы март’, Няръяна март’, яндахат’ мядонда’’ тута’’. Сиднтет ю’’ самляӈг по’’ тяхана Ӈэрм’ яхана сямянд’ нюртей ӈадимы округ’ – маня’’ илесь ява’.
Маня’’ илесь ява’ нюдя ни’’ӈа’’. Тюку по’ округна сиднтет ю’’ самляӈг пода панысь. Со’’яма яляданда неняӈг’’ ирийна самлязимдей’ яӈганя толыр’’ толы. Таӈок по’’ ямбан ява’ хусувэй по’ несэюмдана, сэвхана маниесь савумдана.
Маня’’ округва ӈэсыхыт’ пере’’, хусувэй ӈэсыхына хибярина иле’’, манзара’’, нюдо’ вадаби’’. Ӈопой мар’’ма – округна еркы мар’ – Няръяна мар. Маркана сидя ю’’ самляӈг ёнаркад’ вата хибярива иле’’.
Маля ӈока по’’ ямбан Россиянана толырто’ тянё хуркари’’ тенз’’ мэта ненэця’’ харто’ ӈарка ассоциациядо’ таня. Луца’’ вадавна нюмда таремъюв’ со’’: Всероссийская ассоциация коренных малочисленных народов Севера, Сибири и Дальнего Востока. Сидя ю’’ самляӈг по’’ тяхана толырто’ тянё ненэцие’’ хуркари серкана нядамбава’’ е’’эмня ӈадимясь.
Вэба’’ ирий’ нюртей яляхана ханярина илена’’ ӈацекы’’ тоходанась пядось. Хойхана мюсерта’’ ненэця’’ ӈацекы’’ ӈод та’ ямбан нисянато’, небянато’ хэвхана выӈгана иле’’мяхад’ харто’ тоходанва’’ яхато’ янамбовна тэвотыд’.
Страницы
- « первая
- ‹ предыдущая
- …
- 58
- 59
- 60
- 61
- 62
- 63
- 64
- 65
- 66
- …
- следующая ›
- последняя »
