Хуркари манзаяхана ӈокаюв’ хибяри’’ харто’ минрена’’ манзаидо’ харвась’ минресьтыдо’. Тарця хибярина поӈгана тохолкода’’ тянё ни’’ӈа’’. Тохолкода’’, хуний ныхыдо’ малӈэ манзаяхандо’ масьтембсетыдо’. Тарця тохолкодидо’ ӈацекы’’ ӈод школамдо’ ёльцесь пон’ тамна тенесетыдо’, ханяӈы хибярир’ тохолкодамда илеванда ямбан тенеӈгуда.
Вы здесь
Ялумд’’
Мякы мякад Хардяӈг’’ не ня тарпарахавонда. Тарем’ мамонода: – Харючи’ нюдя ню ӈаха’’на тось, мякананда мэ. Нюдя Хардяӈг ӈани’ вахалмонда: – Не ӈацекы ян’ сиякан. Ся’’ня тута. Тикари’ минанда тальняюна торахаванода. Ӈуда’ маханя’ нём’ тядэда. Няби ӈудахана пэмда ня’’амбида. Ту’ хэварин’, лат’ ни’ ӈамды’’. Нерденя терм’ тю’’у’ нэкалӈада. Ӈани’ вабтада, пыда тарси’’ ма: – Не янэ’’ӈэ тикар хор’’. Недко папами пиняку’ паӈгамй’’: – Тикы ӈаварадм вунив пэр’’. Ябе няӈэ ва’’ав ний няр хынибэй ӈэӈгу. Мань няюни пыхыдасавэй вэсы сюрахалъй’’. Тикари минда ӈэта ни’ санэй’’. Нё пунда хаи.
Ӈарка пэвдэй ирийхана округна еркы маркана сян’’ мероприятия’’ ваераць. Ханяна ӈэрм’ тенз’ ненэця’’ ма’’лёвандо’ сер’ илӈгана танеда серудо’ тасламбиць. Тарця яля’’ мальӈгана маркана ма’’лавы’’ хибярина поӈгана мядондина’’ таняць.
Округна хусувэй школахана тохолкодина манзара’’. Хусувэй тохолкода харта предметм’ пэртя, мал’’ пыдо’ ӈацекына тохоламби’’. Ӈокаюв ӈэсыхына ненэця’’ вадам’ пэртя’’ тохолкодина’’ таня’’. Ханяӈы тохолкодина маля пон’ манзара’’. Тохолкода’’ ӈацекына тохоламби’’.
Сидя ю’’ самляӈг по’’ тяхана Няръяна маркана ӈарка пэвдэй ирийна нябимдей яӈганя’ толыркана округханана илена’’ ненэця’’ ӈарка ма’’лёйм’ мэ’’манзь ма’’лэйдаць. Хибяри’’, хуний минрена’’ иландо’ несэювна сылыдаць. Хибяри’’, хуний харто’ ныхыто’ енась нерня илевамдо’ тасламбась пядось. Хибяхартан’ нись ена’’ харто’ серудо’ минреван’ харвэлыдаць.
Тюку ненэцие’’ лаханако’ Елена Николаевна Окотэтто’ падвы. Тикы не Я’малкана иле’’, маля ӈарка хибяри. Харта яхананда илеванда ямбан образование’ серкана манзарась, нюдяко’’ ӈацекы’’ е’’эмня книги’’ падбада. «Тыто» лаханаком’ ӈацекына толабато’ сава ӈэӈгу.
Ӈарка Хардяӈг тарем’ мамонода: – Тай’ сырӈада’’. Тарця ненэцям’ тюку яхана навэдм’ манэс’’. Мядм’ пэртяда хыбя ӈэдакы. Недя ӈэбтав’? Няда ӈэбтав’? Нена’’ мэбе’’мы! Ӈопойриӈэ мята есебида. Нюдя Хардяӈг нява’’ нисисяню’’. Няна’’ неӈэ ёльце саванё’’!
Сидя ю’’ самляӈг по’’ тяхана ӈэрм’ яхана илена’’ ненэця’’ ассоциации’’ ӈадимдебиць. Сямянд’ нюрте тарця ассоциациямдо’ Ханты-Мансийский округхана илена’’ толырто’ тянё ненэця’’ сертаць, пудандо’ хэвхы округхана илена’’ ненэциена «Ямал потомкам» ассоциациямдо’ ӈадимдець.
Ӈарка пэвдэй ирийна няхарамдэй яляхана «Арктикам’» нюбета КДЦмякана этно-культурный центрана ненэцие’’ отделкана манзарана’’ нина’’ ӈани’’ сидна’’ ма’’лаць. Ненэцие’’ культурам’ савовна теневана’’ хибярина нямна «Я воспеваю свой народ» вечер хамандаць.
Сян яля’’ ваерась едэй пом’ ядабтаӈгува’’. По’ пудана’’ яля’’ха тэвась, хусувэва тасалкосьты: хаёвнда по’ хурка ӈэса? Ӈамгэ савада танясь, хурка сер тоенась миӈась? Сидя ёнар’’ тетимдей яӈганя по’ вэва нись’ ӈа.
Яханана ӈока’’ сава сер’’ таняць, ненэциена манзаито’ минрева сер’ ханяримна ӈэдалёрӈаць. Хусувэй манзаям’ пэртя хибярина ӈоб’ нерня миӈаць. Тарем’ ӈод тохолкодина’’.
Сидя ю’’ самляӈг по’’ тяхана ӈарка пэвдэй’ ирийна нябимдей яӈганя толыркана Няръяна маркана ӈока’’ ненэця’’ ма’’-лэйдаць. Округна хусувэй ӈэсыхыт’ товы’’ хибярина таняць, ӈани’’ яхат’ товы’’-мядондина таняць.
Выӈгана хаер’’ мале ям’ сававна юдабидась, ханяӈы лахацяко’ ниня, ед’ ӈарувна варё’’ пармидець’’. Валакада нюртей сую’’ сояӈгу’’. Выӈгад Пэяха’ ӈэсын’ илелъмы тыбэртя’’, мал’’ харто’ мякнато’ илець. Нарэй сава хаерцавэй ялякохона Ӈарка яхана Пэяха’ ӈэсыхына таӈго мяд’ мюня Варӈэ’ ирий 11 яляхана 1948 похона Павел Егорович Тайбарей соявысь.
Сава юн мер’’ ӈэсы’ мяд’ помна хаясь, хасава ӈацекы сояван’ хасава маймбасьты, нисямда нядабада соя. Харвабта тыбэртя, ханена, ёртя ӈэӈгу, илева таслаӈгуда.
Харвась’ тоходанась
Маня’’ округханана культура’ похона хуркари’’ ихиня сомбой сер’’ танесеты’’. Культура манзаи’’ пэртя’’ нина’’ тикы е’’эмня ӈокавна манзара’’. Тамна тарця хибярина яханана ӈока’’, хуний хуркари’’ серка’’на мэбе’’ӈа’’.
Ӈэсыхынана’’ ӈани ханяӈэхэ’’на маймба илемась, ӈани ханяӈэхэ’’на тябихутась. Ты мядо’ хэван’ танабто’, саць сава ӈэсьты. Сеӈгако’’ тайна’’, тобако’’ лакадарӈа’’. Ненэця’’ я’’авлахамзеты’’, ӈаркаркавна тёрырцеты’’.
Я’малкана илена’’ ненэциена ваеравы’’ яля’’хана Саля’хардахана ма’’люрӈаць. Хусувэй маркад’, хусувэй районхад’ товы’’ хибяридо’ тянё ниць’ӈа’’. Тюкумэвахана пыдо’ округандо’ еркы март’ «Ямал потомкам’» нюбета ассоциацияндо’ ӈарка ма’’лёйм’ мэ’’манзь’ тоць.
Тарця ялям’ мэ’’мась ӈани’’ яхад’ товы’’ мядондидо’ таняць, хуний «Ямал потомкам» ассоциацияна манзаранаха’ харто’ хэтувнда вадидо’ тэвраць. Таймыркад’ товы’’ таняць, Ханты-Мансийск’ маркад’, Няръяна маркы ненэця’’ таняць, Тюмень, Тобольск, Санкт-Петербург’, Москва маркад’ хибяри товыць.
Страницы
- « первая
- ‹ предыдущая
- …
- 60
- 61
- 62
- 63
- 64
- 65
- 66
- 67
- 68
- …
- следующая ›
- последняя »
