Мэта мя’’на’’ мюня’’тетва’’. Паханзеди’’ тэта нека’’ями, пухуцянда ня’, пыди’ нюсавэхэ’. Тетам’ тивтяди’ нюди’ нив’ таня’’. Мяд’ сиди’’мана сидя ю’’ хурёда. Тэхэвава’’ тэва’’ няхар’’ ёнре’’э. Тёныӈы мя’’на’’ ерв Тай маӈгацями. Не нянда ня’ ян’ сидярихи’.
Ярабцм’ хо’’махад няхар’’ по’ илева’’. Хубта’ няна нека’’ями манзь ханада: – Едва’’ пия.
Лукерья Валей ненэцие’’ паднана, пыда падвы’’ книгада маля ӈока. Ӈацекы’’ е’’эмня падвы стихда’, иле’’мида таня. Тоходанна’’ ӈацекына паднана няндо’ манзаи’’ харвась толабасьтыдо’. «Сэдоранако» лаханако ӈани пыда падвы манзаяда. Нянэй мякана вадювы некоця харта иле’’мида падбива’’.
Тамальӈгана мань саць нюдямась. Мякана иба, еся печьм нерохона пятамбиць. Печь’ Нина ӈамзэ’ едко, сяйник ти валакада пиӈгу’’.
– Небяков, тюку яля’ ӈамгэм’ пэртан?
Хибя округханана «Илебц» театрава ехэрада? Маня’’ округва ӈарка ни’’ӈа’’, мар’’ма ӈод нюдява’’. Ӈодьбянда маркана иленаӈэ’ малӈэ’ нина’’ теневына’’. Ненэцие’’театрхана сянакода’’ нина’’ӈод малӈэ’ теневана’’.
Сиднтет по’’ тяхана ненэцие’’паднана Алексей Ильич Пичков яӈгумась.Пыда ненэць’ ӈэбнанда ӈод луца’’ вадавна паднанась. Товнда похона Алексей Пичков сиднтет ю’’ пом’ ядтаӈгува’’. Тарця яляха’’ хибярина маля хамяку’’.
Алексей Пичков ӈэрм’ ненэцие’’ паднана’’ поӈгана теневана’’ паднана. Пыда мэбета паднанась, илеванда мальӈгана падвы книгида тянё ниць’’ӈа. Яӈгу’’махаданда хаювы манзаяхататта’’ сян едэй книгам’ Литературной объединение «Заполярье» манзаям’ пэртина ма’’лаць.
Та’ мальӈгана ӈокаюв’ хибярина ныланасьтыд’, ныланавандо’ сер ӈани’’ ян’ тэворцеты’’. Валакада культурахана манзарана’’ хибярина таӈы ямбан манзаито’ нямна ӈэдалёрцеты’’. Тамальӈгана янда’’хана хуркари’’ фестиваль’’ танесеты’’, выставка’’манзарасьты’’.
Округна со’’яма ялям’ мэ’’манзь Няръяна март’ яндахат’ хибяри’’ турӈаць. Москвахад, Санкт – Петербургхад, Архангельскхад товы’’ мядондина’’ тюкумэвахана тянё ниць’ӈа’’. Хусувэй турмы хибяри харта программада танясь, ханяна округхана мэвада таславысь.
Я’мал няна илена не Нейко Янгасова илеванда ямбан ненэцие’’ лаханако’’, вадако’’, иле’’ми ма’’ламби. Тарця ма’’лавыда книгаӈэ’ хан’’ӈа. «Ненэця’’ вадако’’, сюдбабц’’, ярабц’’» книгахана «Нямд Пай Вэсако» лаханако падвы.
Сенз’ ӈэва’ сер’ яля’’, ирий’’, по’’ мер пуняна хаюрӈа’’. Тамна нись’ ӈахакуна теда мэта’’ пом’ ядабтабиваць, теда маниесь маля няхар’’ ирий’’ ваерась пона’’ пудана’’ яляха’ тэвӈгуна’’. Хусувэй похона хуркари’’ хэбидя’’ ялуна танесеты’’, хуркари’’ манзаяхана манзарана’’-хибяри’’ манзаито’ ӈарка яля’’ танесеты’’.
Маня’’ яханана харто’ӈудидо’ мэта’’ хибярина маркана , округна хусувэй ӈэсыхына таня’’. Тарця хибярина сертавы’’ манзаи’’ маркана танеда’’ выставкахана маниесьтына’’, ханяӈэхэна ивнянд’ ӈэда ӈавориком’ тэмдасетыва’’. Ӈокаюв’ мел’’ хибярина нюбидо’ теневына’’. Мел’’мана’’ манзаранина’’ хэвханана иле’’, харто’ манзаидо’ сертамби’’, хусувэдо’ яӈга манзарана.
Хор’’ ириян’ тэвына’’. Тюку ирийна нюртей яляха’’на ӈармбэй хибярина ӈарка ялям’ мэцьтыва’’. Тарця ялям’ маля сян по’’ ямбан ядтамбива’’. Ӈармбэй хибярина яляхана янда’’хана илена’’ нина’’ ныланавась ма’’ласьтыд.
Вэба’’ ирийна тетимдей яӈганя толыркана Россиянана илена’’ хибяри’’ тэранзёва ялямдо’ мэ’’ӈаць. Маня’’ яханана ӈани’’ тэранзюваць.
Ӈэрм яхана сидя ю’’ самляӈг по’’ тяхана ханярина хибярина ӈобт’ ма’’лась, харто’ янандо’ илена’’ толырто’ тянё ненэциедо’ нядабава’’ е’’эмня ассоциации’’ ӈадимдець. Маня’’округханана тамальӈгана «Ясавэйва» ӈадимясь, ӈобтарем’ сидя ю’’ самляӈг поданда хантана. Тарця ялуна’’ тюку по’ ӈарка пэвдэй ирийхана мэтына’’.
Тюку’ по’ваеравы тэранзёвахана округна сян’’ ӈэсыхына илена’’хибярина Советандо’ ӈэвахана мэнадамдо’ тэрабиць. Тарця ӈэсы’’ поӈгана Коткино, Бугрино, Амдерма.
Тюку по’ округна сиднтет ю’’пом’ ядабтаваць. Ӈарка ялуна’’ваеравы си’’ивна маттамдэй яляхана Няръяна маркана мэ’’ӈаваць. Ӈока ихид’ миндя’’ вади’’ округна нямна намдаваць, яндахат’ товы’’ мядондина’’ ӈокаць.
Мэта’’ ирийна хусуюдимдей яӈганя толыркана округна еркы маркана хари’’ яна со’’яма ялям мэ’’ӈаваць. Тикы яляхана хуркари’’ ихиня сомбой сер’’ ваераць. Яля ямбан маркы « Марад’ сейм’» нюбета площадьхана хувэхэд’ хибярина ма’’лыць, яля ямбан музыка сось.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а