Харта янда’ илебцом’ Ваня Истомин нюдякоходанда илеванда яӈэ’ мэ’’ӈадась. Пыда харта ямда тохолабидась, яхананда танеда ӈаворихи’ майбасеты, харта яхаданда манзараванда е’’эмня ныхыдамда пэрцеты. Паднанаӈэ’ хэсь падвы манзаяханата харта янда паской ӈэвам’ манэ’’лабтадась, хурка хибяри’’ тикы яхана иле’’ мал’ тикым’ падвы манзаяханата теда’ маниева’’.

Ямалкана илена’’ хибяри’’ Иван Григорьевич Истомин нертей ямал хынотаӈэ нюмдембидо’. Паднана ненэць’ 1917 по’ яра’ ирий 7 толыркана Шурышкарской район’ Мужи ӈэсыхына соявысь, нисяда ёртя ӈэвысь. Нюдякоданда яха’ хэвхана вадюданась. Няхар’’ покоцяхананда ханзоць хаӈгулавыць, саӈговота хабцяӈгаданда инвалидӈэ хэвысь. Хасую’’ походанда костылькана ядэрӈась.
Хабцяӈганда нись’ выдара’’ илеван’ харвана хасава ӈацекы нерняри’ миӈась. Школахана харвась тоходанась, тикы’ пуд’ 1938 похона национальной училищем’ ёльцесь, саць сававна тоходанавысь. Училищехэна тоходанванда’ мальӈгана мале паднавысь, таняна литературной кружокм’ нэвахана нядаӈговысь, нита’’ ня’ «Ямал тату» журналм’ сертабавыць. Падвы манзаидо’ таняна манэ’’лабтабидось . «Ты» тарем’ Иван Истомин нертей падвы стихотворениемда нюмдевэдась. 1936 по’ март ирийхана тарпвыць. Тикы пуд’ мэбець падна пявэдась. Пыда рассказда, стихда, очеркада округханандо’, областьханандо’ танеда газетахана падвы ӈэсеты’’. Нертей книгада 1953 похона Ленинград маркана тарпвыць, «Наш Север» нюбе’’ӈась. Тикы книган’ те’ ёльцянд падвы стихда ма’’лавыць.
И.Г.Истомин ӈэрм’ яхана тохолкодаӈэ манзарась, ӈацекы луца’, ненэця’ вадан’, падтаӈго’ тохолабись. 1950 похона «Няръяна ӈэрм’» газетан’ манзаравась товысь, ненэця’ вадавна паднась.
И.Г.Истомин ӈокавна паднась, 1955 поход член’ Союза писателей СССР. 1958 по’ ӈарка пэвдэй ирийхад Тюмень маркана илесь, издательствохона манзарась. Паднана сидя юкад вата книгам’ падась, Тюменской, Средне-Уральской, «Современник», «Советский писатель», «Художественная литература» издательствоход книгида ӈадиберӈаць. Иван Истомин повестьда, рассказда, стихда ненэця’, ӈысма’, луца’ вадавна падвы. «Живун», «Встань –трава»’ романда хибя нисьтыда толабю. Паднава’ хавна Иван Истомин тамна падтаӈго мел’’ ӈэвысь. Падтавы’’ манзаяхананда Ямал ям’ паскойӈэ маниева’’, ёрти, ханени манзаям’ манэлабтамби. Пыда падтавы манзаида ӈока’’ Салехардхана, Тюмень’ маркана ваеравы’ выставкахана хибяри’’ маниесьтыдо’.
И. Г. Истомин тохолкода, паднана. Пыда манзараванда’ ямбан’ сертавэда тянё ни’’ӈа’’. Сававна манзаравамда орден’ «Знак Почета», медаль’ «За трудовую доблесть» ваде’’яди’. Тюку по’ яра ирий си’’ивумдей яляхана Иван Истомин юр’’ пода панысь. Паднана соя’’ма ялян’ Саляхардахана И.С.Шемановской нювм’ нюбета музейно-выставочной комплексхана тюку яля’ выставка нэяць. «Творящий силой духа» выставкахана Иван Истомин сертавы манзаи’’ манэ’’лабтаби’’.

Перевод на русский язык

Творящий силой духа

...Вокруг царила тишина, и вдруг ее нарушил шелест листьев карликовых березок, чириканье маленьких желтогрудых воробьев, подбиравших музыку к колыбельным песенкам для своих новорожденных птенчиков. Под сенью ивовых, мшистых берегов тундровых речек весело смеялись изумрудные ручейки, спеша в объятия матери родной – реки Оби...

Родная природа севера для маленького Вани Истомина была не просто средой обитания. Познавая удивительный мир, окружавший его, ища в нем защиты и радости для души и сердца, будущий писатель, художник в своем литературном творчестве стремился органично сплетать судьбы героев своих произведений с красотой природы и своеобразием животного мира Заполярья.
Первый певец ямальского севера Иван Григорьевич Истомин родился 7 февраля 1917 года в селе Мужи Шурышкарского района в семье коми-рыбака. Детство прошло в низовьях Малой Оби. В трехлетнем возрасте мальчик тяжело заболел и на всю жизнь остался инвалидом. С девяти лет он передвигался на костылях...
В 1938 году Иван с отличием окончил национальное педагогическое училище. В стенах педучилища он стал одним из организаторов национального литературного кружка и рукописного журнала «Ямал тату» («Искры Ямала»). Первое стихотворение Ивана Истомина «Олень» было опубликовано в марте 1936 года. С тех пор его рассказы, стихи, очерки постоянно печатались в окружных и областных газетах. Первая книга – сборник стихов на ненецком языке «Наш Север» – издана в 1953 году в Ленинграде.
В 1955 году Истомин был принят в Союз писателей СССР. В декабре 1958 года он переезжает в Тюмень и работает заместителем главного редактора по национальной литературе в книжном издательстве. В издательствах Тюменском, Средне-Уральском, «Современник», «Советский писатель», «Художественная литература» увидели свет более 20 книг Истомина – повести, рассказы, стихи на ненецком, коми и русском языках, романы «Живун», «Встань-трава».
Иван Истомин обладал и талантом художника. Карандашом, тушью, красками изображал родную ямальскую природу, рыбаков, охотников, Обь. Его полотна неоднократно выставлялись на выставках в Салехарде и Тюмени.
Педагогическая и литературная деятельность И.Г.Истомина отмечены орденом «Знак почета», медалью «За трудовую доблесть». В Салехарде к 100-летию писателя в музейно-выставочном комплексе имени И.С. Шемановского откроется выставка «Творящий силой духа», где будут представлены картины Ивана Истомина, многочисленные наброски, документы и фотографии. Среди экспонатов – книги отзывов посетителей художественных выставок, которые прошли в Салехарде в 1947 и в 1948 годах.