Ӈэрм’ яхана яра’ ирий тамна тецьда ирийӈэ толы. Хаер’’ тю’’уна мэбнанда ӈод’’ ибада тамна ни’’ со’’. Ирий’ ямбан’ яханана’’ сата, япда мерця посарцеты, ирий ӈокаюв ялуда’ тамна тецьда’’ ӈэсеты’’.
Ненэцие’’ ватовна, товы ирий ӈэвахана хаер’’ яля ер’ ӈэсонд’ ӈэбнанда падер’’ – нарава’’ мер’’ тута. Иба яхад мерця поснабнанда – товнда та сарё ӈэӈгу, ханзо по’ ӈэвнда. Ирий еркы яля’’ ӈэсонд’ хад ӈэбнанда – тикы ӈоб’’ ханзо таӈым’ пэрӈа. Сава яля пэвсюмбы’ пеляхана нумда нумгыляӈг ӈэбнанда, тикы’ поӈгана нумда насуртабнанда – хад яля тута. Пий нумдгана нумгы’’ тянё’’ ӈэбнандо’ – хад пэрӈа. Сава яля пэвсюм’ няна мантырта’’ нумгы’’ манэп’’ – ӈэрм’ хад ладаӈгуда, нумда мерцемда. Нерняна’ товнда ирийхана ӈод’’ мерця яля танеӈгу.
Яра’ ирий хурка тецьда, хань’ нибнанда ӈа’’ ӈод’’ хойхана иленяко’’ мунодо’ янамбовна ханярина ӈадиберӈа’’. Нерокоця поӈгана лэ’’морэця’’ малнасеты’’. Хабэвко’ мандалмана хоювна тирӈа’’.
Хаер’’ хусувэй яля тю’’ури пэрӈада, яля’’ ваерась ядёмда намдурць пяӈгува’’.
Хойхана мюсерта’’ хибярина’’ тарця серт’ маймбасьты’’. Нерняна’ яля, иба яля тута’’, ил’ нерняри’ миӈа. Харто’ манзаидо’ минресь илевамдо’ нерняри’ минредо’.
Перевод на русский язык
Яра ирий – месяц поворота солнца
Февраль на севере – холодный зимний месяц. Солнце уже высоко поднимается над горизонтом, но пока не греет. Весь февраль на просторах тундры могут дуть порывистые пронзительные ветра, стоять сильные морозы.
По народным приметам, если в начале месяца солнце часто светит до полудня – будет ранняя весна, дуют южные ветра – к дождливому и холодному лету. Если в ясную погоду вечером на небе звезды мерцают, а небо тусклое – к метели. Редкие звезды на вечернем небе – к вьюге, а звездопад в феврале – к сильным морозам или ветрам в следующем месяце, марте.
Но каким бы ни был февраль холодным и студеным, тишину густого ольховника нередко может нарушить щебет мелких пташек, тундровых воробьев – лэ’’морэця’’. На всю тундру слышится квохтанье куропаток.
К концу месяца день заметно прибавляется, а солнце с каждым днем все выше поднимается над горизонтом.
Жители тундры кочуют в поисках богатых ягелем пастбищ. В течение февраля продолжается охота на песца и лисицу. Темными февральскими вечерами ориентиром для тундровиков служат луна, звездное небо, сугробы, отточенные последним движением ветра.
