– Хойхана илевав маймбцо. Тюкона таӈго, ява’’ сямбир лата, паской,- тарця вади Олег Талеев лаханакурць пябнана нерде’ ханась, тикы’ ненэць’ Нюдя яхана тыбэртяӈэ ӈахэт манзара. – Хойхана саць сава, хардана илеван’ нидм’ харва. Тын’ тюкона таня’, манзаяв тюкона ӈа, хасава нюхуюн’ Герман, Владимир’ хэвханан’ манзараӈаха’.

– Тыбэртя’’ тэсавэй пили’’ илець, нидо’ нядабась нерня’ миӈаць. Ненэця’ тыдо’, ямдо’ теневаць. Ӈацекы’’ нюдякоходандо’ хой’ илм’ торомдабидось, хойхана вадюданаць. Ӈарка ненэця’ сиддо’ тохолабидось.
Теда’ тарця ни’’ӈа’’. Ханяӈэхэна ты’’ харто’ хадырць ядэрцеты’’, тыбэртя’ сацьри нисьты сыр’’. Тарем’ ты’’ юхуборӈа’’. Илекар танява’’. Вэвковна маниена тым’ ханаӈгуда. Невхэна’ маня’’ нисянана’’ тарем’ ниць манзара’’. Пыдо’ тыдо’ ялэ’, пи’ ямбан’ маниесьтыдо’. Тэкоцидо’ сяньзьтыдо’. Тарем’ ӈэбнанда нив’ тара. Ты’’ тэри’’ тарем’ ядэрпата ни’’ серос’’. Нянэй ненэць’ тыда пэрпата нив’ тара. Ӈахы’ похот тарем’ миӈа, нерняна ӈод’’ тарем’ ӈэбнанда тара.
Олег Владимирович Талеев Нюдя яхана соясь, теда’ 55 пода. Школахананда хасую’’ классм’ ёльцесь хойхана манзараванзь хаись, тет ю’’ по’’ ямбан’ ивнянда’ ӈэда манзаямда маля пэрӈада. Ӈани’’ сер’’ нись’ ӈэӈгу, пыда мякана вадёвы, тоходанванда’ мальӈгана каникулда пили’’ хойхана мэцьтыда, нисямда, небямда хусувэй манзаяхана нядабасетыда. Хой’ илм’ нюдякоходанда маниедась.
– Нисяда, небяда илеванди’ ямбан’ Выучейской нювм’ нюбета колхозхана манзараӈаханзь, таняхад пенсиян’ тарпъяханзь. Ӈацекэӈэ мякнана’’ самляӈгваць.Теда’ мал хойхана манзарава’’. Колхозна’’ тахарась маня’’ семейно-родовой общинам’ нэваць. Тына’’ пэрӈава’’, хэвханан’ хасава нюхуюн’ мэӈаха’. Тына’’ толыр’’ янамбовна вадабива’’, манзаина’’ таслабива’’. Хамадабива’’, тюку яля’ манзаравахад нерня’ илевава’’ перевнда,- Олег Владимирович тарем’ лахана.
Тарем’ Талеев мяд’ тер’’ харто’ ныхыто’ енась теневана манзаидо’ нерня’ минрейдо’, харто’ тыдо’ вадабась илевамдо’ мэ’’ӈадо’. 2018 по’ маня’’ яханана’’ тыбэртя серкана манзарана’’ поӈэ’ нюмдевы. Тарця юн’ хойхана мюсерта’’ нина’’ ихиня савараха. Харвабнанда пыдо’ сёдо’ намдвы ӈэӈгу.
Невхэна тыбэрма’’ серт’ ивъер’ сырӈаць. Ненэця’’ харто’ явнандо’ мюсерць илець,тыдо’ пэрӈаць, нюдо’ хэвханандо’ вадюданаць. Манзарана’’ тэворӈаць, ӈацекы’’ нисянато’ пуд’’ хоян’ манзараванзь хаюрӈаць.
Тикахад тарця похо’ тэвынаць, ся’’ня яханана’’ ям’ хулцупада’’ харто’ манзаидо’ пэрманзь тэвыдаць. Несэй манзаи’’ пэртя’’ ӈадимяць. Тыбэртя’’ нина’’ ханзер’’ мюсерӈаць, тарем’ илець. Недо’ нюсавэй хардан’ илеванзь ха’’мыдаць, ӈацекы’’ садикан’ ядэрць пядось, школан’ тоходанавась хэсь ханяӈыдо’ интернатхана илець. Хой’ иламдо’ янамбовна юрадось.
Ӈодьбянда теда’ ӈацембой ненэця’ хойхана илеван’ ни’’ харва’’, тыбэрма серм’ пилю’’ӈадо’. Тыбэртя манзаян’ ӈацекым’ ханзер’’ ныхыри’ тохолаӈгу’’ нир’’. Тарця серт’ нисянд’ хэвхана валакада тухудан’. Тарця нив’ ӈа’’?
Тына’’ танева’’ е’’эмня теда’ ибедорць тара. Ява’’ танеӈгу, тына’’ танеӈгу’’, ненэця’ илеӈгу. Нянана’’ ӈока тара вуни’’.- тарем’ Олег Талеев тасламбида. – Тына’’ е’’эмня есякоцям’ нямарпабнана’’, тикахад убойной пункт’ танябнанда, тикахана тына’’ ӈамзам’ мясокомбинатан’ мипӈгуваць. Тикахад илеӈгува’’. Теда’ тына’’ таня’’, мирдапась я’’мына’’. Тедари’ тарем’ есякодава’’ хомбива’’- хар’’на ӈэсынана’’ илена’’ хибярихи’’ тына’’ ӈамзам’ мирдапива’’. Ханзеркава илесь нив’ тара. Тикахад сава связь’ нянана’’ тара, радион’ инзелеван’ харвава’’. Округна’’ юн’’ нина’’ намдур’’. Мюсерта’’ поӈгана ӈацембой хасава’’ тянё ни’’ӈа’’, пирибцидо’ яӈгу’’. Тены’’ пирибця’ хойхана илеван’ ни’’ харва’’. Хой’ илм’ теневана’’ некоця ним’ тара, хойхана мюсерман’ харвана’’. Тарця серу’’ таслабнана’’ сава ӈэӈгусь. Ӈани’’ тоенанада хой’ илӈгана яӈгу. Хусувэй таранамда хар’’на’’ таслаӈгува’’, маня’’ теневава’’ ханзер’’ хойхана илесь.

Перевод на русский язык

Тундра – жизнь моя

– Простор, раздолье, красота кругом. Жизнь в тундре для меня в радость, – так начал рассказ Олег Талеев, ветеран оленеводства. – В деревню и не тянет вовсе. Здесь олени, работа, сыновья Герман и Владимир трудятся со мной.

– С незапамятных времен человек и олень жили рядом, выручая друг друга. По утрам, выходя из чума, хозяин прихватывал щепотку соли, чтобы угостить спутника, который служил верой и правдой. Олень, подобно собаке, знал свои обязанности. Знал свои обязанности перед ним и человек. Скажите, например, можно ли запомнить каждого оленя в тысячном стаде? Можно, ответит опытный пастух. Но многим молодым оленеводам это не под силу, – сокрушается Олег Владимирович. – Потому нередко и работа страдает. Теперь бывают случаи, что стадо кочует как бы само по себе. За ним пастух не сильно успевает, не спешит. И волки чувствуют себя вольготно. Отцы-то наши гонялись за ними на лыжах неотвязно. А нынешний оленевод выглянет из чума, выстрелит из ракетницы в небо – и вся забота. Да много ли толку от такого выстрела? И олени пропадают. Бывшие пастухи растеряли свои навыки, стали оседлыми. А чем заняться в поселке? Руки-то учились держать хорей и ружье – иного не знают. В тех местах, где исчезли олени, что-то неладное начало твориться с людьми…
Олег Талеев родился в Малоземельской тундре, недавно отметил свой 55-летний юбилей. Трудовой стаж у него внушительный – 40 лет. После окончания 9-го класса остался в бригаде. Иначе и не могло быть: вырос в чуме, школьником все каникулы проводил в стойбище, во всем помогал родителям.
– Отец и мама всю жизнь трудились в колхозе имени Выучейского, оттуда и вышли на пенсию. Нас пятеро детей было у родителей. И все мы связали свое будущее с оленеводством. Распался колхоз, создали семейно-родовую общину. Здесь и пасем оленей, рядом со мной работают сыновья. Хозяйство развивается, постепенно увеличиваем поголовье стада, работаем на перспективу, – делится планами ветеран оленеводства.
Рассчитывает семья Талеевых исключительно на собственные силы и знания.
– 2018 год объявлен в регионе Годом оленеводства. Такая новость обрадовала нас. Может, нас услышат. В Ненецком округе пропустили время, когда шла смена поколений в оленеводстве, хозяйства начали «хромать». Надо было заботиться об условиях жизни пастухов, поднимать престиж профессии. Но тогда слишком увлекались новыми перспективами: шла успешная разведка полезных ископаемых, а исконной отрасли не всегда уделяли должное внимание. А в жизнь входили юные северяне, которые попадали в ясли, потом шли в детский сад, оттуда в интернат. И так на всем готовом, без нужды и забот, в самых настоящих тепличных условиях жили почти до 20 лет. Где им знать тундру и оленя! Первая жизненная трудность многим казалась непреодолимым препятствием. На сегодняшний день предпринимаются попытки возродить былую значимость оленеводов, охотников, рыбаков Севера. Надо сохранить тундру и оленей. Это нелегко. Но надо думать, как это сделать. Нам много не надо, потребности скромные. Хотелось бы получать материальную поддержку со стороны государства. Например, дотации на частное поголовье. Нужны убойные пункты, тогда и забой будем проводить организованно, сдавать оленей на мясокомбинат. А пока не можем этого делать. Понемногу забиваем и продаем мясо, что называется, частным образом. Жить как-то надо. Связь бы хорошую нам, раньше радио хоть слушали и новости окружные знали. Да и молодежи у нас много, невесты нужны. Девчонок надо хозяйственных, которые хорошо знают тундровую жизнь. Вот эти задачи решить – и было бы прекрасно. А все остальное нам по плечу, мы справимся.