Тюку яля’ маля лимбя ирийна тетимдей’ яӈганя толырта. Сидя си’’ив яля’’ ямбан едэй товы сидя ёнар’’ мат’’ яӈганя похона илева’’. Юкад’  вата ныланава ялуна мэць’ округна хибяри’’ манзаяхато’ лапцеядаць. Тюку по’ едэй пом’ яханана сава ихиня ядтаваць, вэвко серкат’ нум’ сидна лэтрамбись. Сидя ёнар’’ маттамдэй яӈганя похона яханана хусувэй серуна саваривна миӈая’’, яханана хусувэй хибяри сававна илея’’. Товы пова хаювы поход’ вэварка нёя’ ӈа’’. Хибярина манзаядо’ таняя, тэкоцида сенз’ ӈэя, нянэй ненэцяӈэ’ хари’’ вадава, культурава тю’’ури таминдя’ саваркавна минрехова’’. Вадава янда’’хана собнанда, ӈацекына харвась вадамдо’ тохолабая. Сава ихиня хибярина хусувэй товы ялям’ ядтамбая ‘’, маймбась илевамдо’ мэ’’ӈая’’.

Хусувэй хибярива сенз’ ӈэя’’, мята’ тер’’ нёя’’ хаӈгур’’, нюкцидо’ небянадо’, нисянадо’ сава серкана маймбтембая’’, харвась’ тоходаная’’.