Март’ ирий нертей яляхана ӈэрм’ яхана, Сибирькана, Дальний Востокхана илена’’ толырто’ тянё ненэця’’ Ассоциация’ «Ӈэрм я’ сё» паднана’’ конкурс сертась. Тарця конкурс’ манэ’’лабтаӈгуда ханяна Россиянана’’ толырто’ тянё ненэця’’ харто’ паднанидо’ таня,  ханзер’’ пыдо’ харто’ иландо’ нямна падна’’.

Конкурсан’ манзаи’’ пилю’ ирий нертей яляхад ӈатейдонзь. Пилю’ ирийна’’ 30 яляхана мале «Ӈэрм я’ сё’ – «Голос Севера» паднани’’ конкурс’ жюри товы’’ манзаи’’ манэ’’сарӈась. Товы’’ манзаяхат 25 тэраць, тикахад’ сямянд сава манзаи тэраӈгу’’.
Тарця конкурсан’ хусувэй хибяри паднась мян’’ӈадась. Валакада паднана хибяри харта манзаяхананда ӈэрм’ ненэцие’’ илм’, традиция, обычай, манэ’’лабтабабнанда.
Товы манзаи’’ няхар’’ номинациян’ тярмыць: «Проза». «Поэзия», «Детская литература». Конкурсан’ ӈока манзая’’ това’’ нид «Проза» номинациян’ жюри манзарана’’ «Очерк» номинациям’ нядаць.  
Самляӈг ирий’ ямбан март ирий нертей яляхад пилю’ ирий нертей яля’ ӈэсонд’ 473 манзая’’ 266 паднанахад’ 60 регионхад, си’’ив ближней няби дальней зарубежьехэд тоць. Хибяри’’ тарця конкурсан’ харвась паднаць, манзаидо’ тэвраць.
Конкурс жюри’ председатель, Ассоциацияна’’ литература серу тасламбада вице-президент Андрей Васильевич Кривошапкин вадавна – тарця конкурсхад’ ӈэрм’ яхана илена’’ толырто’ тянё хибяри’’ литература нерня’ мима’’ переӈгу.
« Тарця сава сер’’ нерня’ илевада танебнанда тара, тарця конкурс’ ӈэрм’ яхана’’ илена’’ хибярихина тарабнанда. Маня’’ пон’ тарця серм’ сертавась ятнаваць, пон’ тарця серт’ миӈаваць. Ти’, сертава’’. Теда’ нерня’ ӈацекэдарев’ вадабаӈгува’’. Мань ивнан’ тарця конкурс’ государственной статус’ ӈэсонд’ вадёбнанда тара», - тарем’ Андрей Кривошапкин лахана.
Ӈока манзаяхат жюри 85 манзаям’ яӈгресь, тикахад нерня’ тарвыдо’ тэраць. 25 хибяри’’ манзаи’’ жюри ватовна шорт-листан’ яӈгревы, тикы манзая’’ нерняна’ сертавнда сборникхана падвы’’ ӈэӈгу’’.
Тарця конкурс’ манзаи’’ толась Россиянана’’ хуркари’’ тэнз’ мэта хибяри’’ толырто’ тянё ненэця’’ илм’ хурка ӈэвам’ теневаӈгу’’. Хибяри’’ харто’ тэнздо’ ил’ нямна паднава ӈарка сер’’.
Конкурсхана нердевы хибяри’’ нюв’’ хуняна’, вэба’ ирий 15 яляхана Москва маркана нюмдеӈгудо’.
Маня’’ яхадана’’ литературной конкурсан’ манзаиди’ Анна Егоровна Сулентьева Несьхад, Матрена Ивановна Талеева Няръяна маркад ӈэдаравэхэнзь. Пыди’ манзаиди’ шорт-листан’ еримяханзь. Нерняна’ ӈадьӈгу ханзер’’ ӈэӈгу.
Теда’ Анна Сулентьева падвы «Ян нямна туё’’ма» манзая’ пелям толада.

Перевод на русский язык

О своей земле мы пишем

1 марта этого года Ассоциация коренных малочисленных народов Севера, Сибири и Дальнего Востока Российской Федерации объявила литературный конкурс «Голос Севера», цель которого – поиск и выявление авторов, пишущих о жизни, быте, традициях и обычаях коренных народов, проживающих на территории России.

Прием конкурсных работ завершился 1 августа. А 30 августа состоялось заседание жюри литературного конкурса «Голос Севера», на котором подвели итоги. В шорт-лист финалистов вошли работы 25 авторов.
В конкурсе мог участвовать любой человек, независимо от возраста, пола, места проживания, рода занятий и увлечений. Главным условием было соответствие работ тематике конкурса – быт, традиции и обычаи коренных малочисленных народов Севера, Сибири и Дальнего Востока Российской Федерации.
Работы оценивались по трем номинациям: «Проза», «Поэзия», «Детская литература». В связи с большим количеством поступивших очерков в номинации «Проза» – члены жюри учредили еще одну номинацию «Очерк».
За пять месяцев, с 1 марта по 1 августа 2017 года, поступили 473 работы от 266 участников из 60 регионов России и семи стран ближнего и дальнего зарубежья. Жюри отметило очень высокую активность участников и их заинтересованность в организации и проведении такого конкурса.
Как отметил председатель жюри конкурса, вице-президент Ассоциации по развитию языков и литературы коренных малочисленных народов Севера, Сибири и Дальнего Востока Российской Федерации Андрей Кривошапкин, сегодняшний конкурс – это пролог будущего литературы коренных малочисленных народов Севера.
– У такого своевременного начала обязательно будет успешное будущее, и конкурс получит прописку у народов Севера. Мы долго стремились, шли, хотя не говорили на эту тему, и породили вот такого ребенка, которого будем воспитывать все вместе. В конечном итоге, я уверен, эта литературная премия обретет государственный статус, – говорит Андрей Кривошапкин.
85 работ отобрано членами жюри для определения победителей. Из них по итогам работы жюри в шорт-лист включены работы 25 авторов, которые будут опубликованы в сборнике.
– Этим конкурсом мы обратим внимание читателей России на традиции и быт коренных малочисленных народов, но мы должны привлечь внимание и читателей зарубежных стран, рассказывая о народах Севера, переведя сборник произведений на английский язык, – отметил Андрей Васильевич.
Победители конкурса будут объявлены завтра, 15 сентября, в Москве.
Из нашего региона в литературном конкурсе приняли участие Анна Егоровна Сулентьева из села Несь и Матрёна Ивановна Талеева из Нарьян-Мара. Их работы вошли в шорт-лист финалистов.

По материалам информационного центра АКМНСС и ДВ РФ