Вы здесь

Ялумд’’

Нельмин Саляхана илена’’ хибяри’’ ӈокаюв пелядо ненэця’’ тэнз’мэта’’. Харто’ культурамдо’ теневана’’, нерня’ минрена’’, харто’ ӈарка ялудо’ мэцеты’’.

Роза Ивановна Канюкова ӈока по’’ ямбан просвещение манзаям’ нерня’ пэрӈа. Тохолкодаӈэ манзарась, окроно ерв’ ӈуда ӈылӈэ тарась, национальной проблемы’’ тасламбава институт’ ненэцие’ лаборатория ервотаӈэ манзарась. Ненэця’ вадам нерня’ минревахана манзаяда ӈока, теда ӈод’’ вадава нерня’ мима’’ е’’эмня ӈокавна манзара.

Ваеравы си’’ив маттадамдэй яляхана центр Арктического туризма харадхана ӈока хибяри’’ ма’’лыць. Тикы’ яляхана ӈарка пэвдей ирий’ ёльць’ нямна лаханаць.

Мань илеван’ ямбан паданава’’ манзаям’ минредм’, округна’’ хусувэй ӈэсыхына мэдамзь, ӈэрм’ явнана’’ мюсерта’’ ненэциена’’ теневадм’. Ханзер’’ пыдо’ сава ихинандо’ хыно’’цеты’’, намдурӈадамзь. Валакада пудана’’ похо’’на’’ нина’’ хыноць харвабцодо’ яӈгу…

Теневава’’, маня’’ ӈарка яханана’’ миллион’’ ты’’ хадырӈа’’, илебця’’ толырто’ ӈани’’ тамбир’. Иб’ ӈод’’ тарця серт’ маймбась таранараха’, маймбцода яӈгу. Ӈарка яханана’’ тыбэртя’’ манзая’ нямна таславы вато’ тенад’ яӈгу.

Ненэця’ ил’ тэхэт’’ пере…

Хонгурейхана тарця хибяри’’ иле’’, ханяӈы ӈока по’’ ямбан хойхана манзараць, тыбэрӈаць, мяд’ манзаи’’ минрець. Пыдо’ «Няръяна ты» колхоз’ ветеран’’, е’’эмняндо’ Союз пенсионеров региональной отделение манзарана’’ ныланавам хамадаць.

Ваеравы си’’ивхана Няръяна март’ округханана’’ семейно-родовой общинаха’’на’’ манзарана’’ хибяри’’ ма’’люрӈаць, пыдо’ е’’эмняндо региональной правовой семинар’ ваерась.

Округханана’’ ненэцие’’ паднава яля’’ миӈа’’. Тарця яхана’’ ханярина хуркари’’ мероприятия’’ хамадаби’’. Ваеравы ныланава яляхана «Вадава’’ лэтрахава’’» конкурс’ ваерась, таняна округханана’’ танеда’’ учебной’ заведенияха’’на’’ тоходанана’’ пирибця’’, наны’’ поӈгнандо’ пирдырӈаць. Этнокультурной центр’ ненэцие’’ отделкана манзарана’’ нина’’ хамададонзь. Хибя’’ сямянд сававна вадамдо’, традициидо’, культурамдо’ теневадо’ тэрабиць.

Округханана’’ тыбэртя’’ хаводава манзаидо’ нерня миӈа’’. Тюку по’ яханана’’ СПКхана тыбэртя’’, харто’ тыдо’ танеда’’ хибяри’’ ӈокханда 1200 тонна ты’’ ӈамзам’’ ми’’манзь мэ’’.

Нярьяна маркана сайнорма по’ мальӈгана оленнотранспортной батальонха’’на’’ хэвы’’ ненэця’’ ед памятниква’’ таня. Маля сян’ по’’ ямбан округна’’ хибяри’’ сайнормы ненэцие’’ тензебтембась хусувэй по’ таняна ма’’люрцеты’’.

Печальное известие пришло к нам 10 ноября. В Салехарде, на 84-м году жизни, не стало уроженки округа Елены Михайловны Талеевой – краеведа, этнографа, педагога, активного общественного и государственного деятеля Ямала. Всю свою жизнь она посвятила Северу.

Тюку по’ округна’’ хусувэй ӈэсыхына ненэцие’’ вадам’ нерня’ минрева’’ е’’эмня хуркари’’ мероприятия’’ ваераӈгу’’. Яханана’’ ирий’ ямбан’ ненэцие’ вадам’ нерня’ пэрма, лэтамбава, нерняна’’ танева’ е’’эмня ханярина лаханаӈгува’’.

Дина Алексеевна Талеева хойхана харта недада таня. Тюку яхана пыда соясь, тюкохона харта хардада, манзаяда таня’, вэсаконда’ ня’ няхар’’ хасава нюмди’ вадабихи’.

Тюку яля’’ пиркана Москва маркана Россияна’’ хуркари’’ яхад тохолкода’’ ма’’лэйдаць. Таняна луца’ вадавна хэтась – «Всероссийский мастер-класс учителей родных, включая русский, языков» миӈа, тарем’ сидя яӈганя по’’ ма’’люрӈа’’.

Россияна’’ товнда по’ луца’ вадавна хэтанзь тарем’ нюмдевы ӈэӈгу – Международный год языков коренных народов. Ханзер’’ тарця пом’ мэтава’’, тикы’ е’’эмня оргкомитет таславы.

Людмила Максимовна Канюкова тюку’ мэвахана понку округна’’ еркы маркана мядоӈась. Сидя не нюхуюда, не нюта нюкця маркана иле’’, манэ’’ида. Тикы поӈгана хойхана манзарана’’ нита’’ ня семинаркана мэсь.

Страницы