Сидя ёнар’’ маттамдэй яӈганя по – «Илебц» нюбета ненэцие’’ театрана’ е’’эмня юбилейной’ по. Сидя ю’’ по’’ ямбан таняна сянакода’’ нина’’ ненэцие’’ культурам’ манэ’’лабтамбидо’, нерня’ пэрӈадо’.

Таӈок по’’ тяхана ненэця’ паднана’ Прокопий Явтысой’ ватовна ӈадимы сер’’, пыда тамальӈгана со’’явы самобытной’ коллектив нертей директорӈэ’ таралъяць. Ненэцие’’ театр’ ӈадимдевы серкана 1996 похона Прокопий Явтысой’ харта нида’’ нерня’ пэртям’, харта ямда мэненам’, ненэця’ паднанам’ ненэця’ тэнзм’ мэта’’ нида’’ нядадонзь. Тикы хибяри’’ – Надежда Талеева, Анастасия Михайлова, Анастасия Помылева, Нина Хыльма, Александра Коскова, Петр Ледков, Афанасий и Ксения Явтысойха’, Дмитрий Бобриков, Федосья Кауц, Роза Канюкова, Матрена Талеева, Серафима Дуркина, Людмила Булыгина, хибяри’’ ӈокаць, теда’ мал’’ нюмдева серта яӈгу.

Театрахана сянаковы’’ нина’’ сямянд’ нерде’ манэ’’лабтавы манзаядо’ «Пензер’’» Прокопий Явтысой’ падвэвна ӈамдтавы, таняна’ нина’’ манэ’’лабтадонзь ханзер’’ ӈэрм’ яхана илена’’ ненэця’’ советской власть’ тэвравы илм’ ядтадонзь. Нертей режиссерӈэ’ Любовь Лебедева таравысь.

Тикы’ пуд’ мале 1998 по’ нертей ирий пирка’’на маня’’ нина’’ едэй манзаямдо’ манэ’’лабтаць, ӈобтарем’ Прокопий Явтысой падвэвна сертавы – «Тундровые были». Ненэцие’’ вадаковна масетевы спектакльм’ хибярина’’ маймбась ядтадонзь. Тикахад’ театрана манзаяда нерняри’’ минзь пядась.

Ханзер’’ ненэця’’ илевамдо’ хойхана минредо’, мал’’ тикым’ театрхана сянакода’’ нина’’ сцена’ ниня манэ’’лабтабидонзь. Хойхана тарця’ ӈэсетыню’’, не хусувэй серкана хасавидо’ нядабасьтыдо’. Серуто’ поӈгана хыноцеты, вадако хэтбасеты, нюкцидо’ вадаби. Хой’ хибяри’’ нидо’ хусувэй серкана нядабасетыдо’. Хусувэй серкана нядаӈгодадо’ – Нум’ вэсако. Мядм’ лэтбада хэхэкудо’ таня. Тад’ илӈгана вэвако сер’ ӈадимбато’ нина’’ Нумд’ лаханасеты’’. Хой илева’ ватовна – хибярихид’ вэвако сер’’ мимб’’нандо’ ни’’ серос’’. Хибяри ямда сахарамбась илебнанда тара. Тэри’’ тарем’ ӈамгэхэрт сертаба ни’’ тара. Ёрпат халям’ ӈамы пирувна нямарпабат, ханисэй таӈок ня’’амбат сяӈок мят’ терхана тара. Хой’ тер’’ ненэця’’ нумд’ лаханасеты’’ мято’ тер’’ сенз’ ӈэва’’ е’’эмня, ябда илева е’’эмня.

Нумд’ пунрёсь нина’’ илевамдо’ минредось, теда’ ӈод’’ тарем’ иле’’.

Невхы похо’’на иринана’’, хадунана’’ харто’ вадамдо’ саць сававна теневадось, мал’’ лаханаць. Маня’’ теда’ тарця илан’ тэвына’’- хари’’ вадава’’ юрбива’’. Вадамдо’ теневана’’ хибяри’’ хусувэй по’ тянёмдана’’, ӈацекы’’ мале ни’’ лахана’’. Иб’ ӈод’’ тохолабина’’.

«Илебцхана’» сянакода нина’’ харто’ манзаидо’ ненэця’ вадавна сертабидо’, харто’ вадамдо’ мэта’’ хибяри’’ таняна’ теда’ ӈод’’ сянаку’’. Маня’’ нина’’ сценахана хуркари’’ манзаи’’ манэ’’лабтаби’’. Пыдо’ сянаку’’, хыноӈа’’, тарабнанда тараӈгу’’. Хусувэй манзаямдо’ хамадабван’ ивъер’’ сырта’’. Ӈокаюв’ хибярина’’ театр’ хардадандо’ мэтархадо’, маймбась хусувэй репетициян’ турцеты’’.

Маня’’ артистана’’ сянаковандо’ мальӈгана хаярэкораха’ ӈэсьты’’, таӈок иба нядандо’ минзьты’’. Минрена серкандо’ маймбасеты’’, тикым’ хусувэй театрхана сянакода’’ спектаклян’ сырмась товы’’ хибяри’’ маниесетыдо. Нертей товы’’ хибяри’’ тарцям’ маниесь иняндо’ сава ӈэсеты, сейханандо’ лимбяка ӈэсеты.

Театрана’’ нюмда – «Илебц», илм’ манэ’’лабтабада нина’’ таняна’ сянаку’’. Таӈок по’’ ямбан масетевы’’ манзаидо’ мале ӈока’’. Ӈока’’ хибяри’’ манзаидо’ маниейдось. Хусувэй едэй масетевы спектаклян’ сырмась несэй хибяри’’ турцеты’’. Хуркари’’ тэнз’’ хибярихи’’на мэкад’ ӈэсеты. Пыдо’ вадава’’ намдорӈа’’, культурава’’ торомдамби’’. Театрхана сянакода’’ нина’’ манзаи’’ ӈани’’ яха’’на илена’’ хибяри’’ ӈод’’ теневыдо’, маня’’ артистана’’ округ’’мана ӈэдалёрцеты’’, яна ӈарка март’ тэворцеты’’, тикы’ хавна тамна Финляндияхана, Голландияхана, Норвегияхана, Венгрияхана мэвадо’ танясь.

«Илебцава» таӈок по’’ ямбан хуркари’’ российской’, международной’ фестивалька’’, конкурсха’ манзаидо’ тэврабсетыдо’, таняд лауреатӈэ’ тосеты. Ӈока ихиня сомбой юнм’ хари’’ яхандо’ тэврасьты’’.

Теда’ лаханая, театрана сянакода’’ нина’’ репертуархандо’ сян’ тэнз’’ манзая’’, сертавэдо’ тянё ни’’ӈа’’. Поӈгнандо’ Прокопий Явтысой’, Василий Ледков’, Матрена Талеева’ падвы манзаямна хамадавы спектакль’’, ненэцие’’ лаханако’’, илӈгад’ перена сер’’ таня, невхы ярабц’’ ӈэдакы’’.

– Нянэй ненэця’’ вато’ сер’’ пилибт’’ хамадава пир’’. Ӈамгэм’ хэтван’ харвабцова’’ хибяри’ поӈгана ӈади, хуркари’’ тэнз’’ хибяри’’ культура ӈэбнанда ӈод’’ хамадава пир’’, – Серафима Дуркина тарем’ мась. Пыда ӈока по’’ театр’ художественной руководительӈэ манзарась. Тамна вадамда нерня’ вэталада: « Маня’’ нянана’’ мэкад ӈэвам’, ва’’лей ӈэвам’ сертабада спектакльхана манэ’’лабтабиваць, ненэцие’’ культура ӈани’ тэнз’’ хибяри’’ культураха ни’ӈа’’.

Ярославль’ маркана ӈэбэй’’ «Охотничьи комендианты» фестивальхана «Илебц’» театрва’’ сидя диплом ня’’мась, нертей «Самбдава» пьеса е’’эмня ӈась. Тикы пьесам’ Прокопий Явтысой пададась. Няби диплом режиссерна сава манзарава’ е’’эмня, пьесава’’ саць невхы илм’ манэ’’лабтамбись.

20 по сабе ӈока ни ӈа’’,театр ӈоб’’ нерня’ хуркари мэкад пьеса сертабаӈгу. Театр’ артист’’ маймба репетицияхато’ ядӈгу’’. Товнда юбилейханандо’ «Илебц’» театр’ артист’’ хибяри’’ сомбой премьерахана маймбтаӈгуда! 

Перевод на русский язык

Театру «Илебц» – 20

2016 год – юбилейный для ненецкого самодеятельного театра «Илебц». Вот уже 20 лет артисты своими спектаклями воспроизводят и передают зрителям всю красоту и колоритность народных танцев и сказок.

Театр способствует возрождению духовности и родного языка, поддержке национальной культуры, фольклора. Инициатором создания и первым директором национального театрального коллектива стал ненецкий поэт и прозаик Прокопий Явтысый. Но мало создать театр – нужно его еще и сохранить. Это Прокопию Андреевичу также удалось.

Идею создания театра в далеком уже 1996 году активно поддержали представители национальной интеллигенции Надежда Талеева, Анастасия Михайлова, Анастасия Помылева, Нина Хыльма, Александра Коскова, Пётр Ледков, Афанасий и Ксения Явтысые, Дмитрий Бобриков, Федосья Кауц, Роза Канюкова, Матрёна Талеева, Серафима Дуркина, Людмила Булыгина и многие другие. Не являясь профессиональными актерами, они после трудового дня спешили на репетиции.

Первой постановкой театра стал спектакль по пьесе Явтысого «Пензер» («Бубен»), рассказывающий о драматических страницах становления советской власти на Крайнем Севере и о том, как эти перемены сказались на укладе жизни тундровиков. Режиссером первой постановки стала Любовь Лебедева.

А уже в начале следующего года артисты показали зрителям округа новую коллективную работу по пьесе Прокопия Явтысого «Тундровые были». В основу спектакля легли фольк-лорные новеллы по мотивам ненецких народных сказок. Это было началом большого творческого пути самобытного национального театрального коллектива.

В любой постановке зрители видят на сцене традиционную жизнь ненцев. Женщины помогают во всем мужчинам. При этом они поют песни, рассказывают сказки, воспитывают детей. В тяжелое время люди помогают друг другу, верят Нуму, обращаются к духам-покровителям.

Еще в 80 годы прошлого века неравнодушные люди с болью говорили о том, что родная речь уходит из жизни подрастающего поколения. Молодежь не понимает язык своих бабушек и дедушек, кочующих в тундре. Ненецкий язык для многих перестает быть родным. И вот уже 20 лет театр «Илебц» ставит спектакли на родном ненецком языке. Театр – это синтез всех искусств, где артисты должны быть и танцорами, и музыкантами, и певцами, а, главное, драматическими актерами. В этом вся уникальность национального театра.

У артистов таланта и энтузиазма столько, сколько у зрителей, впервые знакомящихся с искусством ненцев, создается ощущение, что ты попал в струю света и радости. Спектакли теат-ра – философия народа, их можно смотреть по несколько раз, и всякий раз увиденное на сцене будет восприниматься по-новому. Наверное, поэтому на сцену сегодня выходят уже дети и внуки тех, кто стоял у истоков театра.

Илебц – значит жизнь. И самобытный театральный коллектив полностью оправдывает свое название. Сделано многое, театр нашел своих зрителей. Обширна география гаст-рольной деятельности, это поездки по округу, городам России. Аплодировали артистам жители Финляндии, Голландии, Норвегии, они стали лауреатами многочисленных российских и международных фестивалей и конкурсов.

На Всероссийском фестивале фольк-лорных театров «Охочие комедианты», который проходил в прошлом году в Ярославле, театр «Илебц» получил сразу две награды – диплом первой степени за театрализованные обрядовые действа и ритуалы «Самбдава» (за основу сюжета обряда была взята одноименная пьеса Прокопия Явтысого) и диплом за лучшую режиссерскую работу и художественную аутентичность в воплощении.

Сейчас в репертуаре самодеятельного национального театра – пьеса «Пензер», спектакль «Синева в аркане» по одноименной повести Василия Ледкова, ненецкие сказки и театрализованные ненецкие обряды, а также спектакли по мотивам эпических песен.

– Язык народного творчества не требует перевода. Он обладает глубинным смыслом, который становится свое-образным мостиком между людьми, принадлежащими к разным культурам, – отмечает Серафима Дуркина, которая многие годы была художественным руководителем театра. – Нам всегда было интересно, с одной стороны показать тайну народного творчества, а с другой, представить это через призму будущего, чтобы выглядеть на сцене как индивидуальный в творческом смысле коллектив. Мы не должны быть ни на кого похожи, у ненцев свое неповторимое лицо.

Жизнь театра не стоит на месте. У живого, энергичного коллектива – планов громадье. Для артистов понятия «жизнь», «творчество», «театр» – синонимы.