Культура’ волонтёр’’ Добро.Медиа’ няюв ӈобнзер’’ « Ненэй» нюбета проектмана манзара’’. Россиянана’’ илена’’ хуркари’’ тэнз’ ненэця’’ ил’ нямна фильм’’ сертамби’’. Таняна ӈарка яханана’’ илена’’ хибяри нямна лахана’’, хурка тэнз’ ненэця’’ тане, ханзер’’ пыдо’ харто яханандо’ иле’’, илм’ ханзер’’ маниедо. Яханана’’ 2026 по’ – Год единства народов России.

Мале сян’ фильм’ сертавыць, ӈопой фильмхана маня’’ яна’ тер’’, нянэй не Ксения Явтысой’ хари’’ янда, иланда нямна лахана.   

Тюку ирий’ 18 толыркана Архангельск маркана «Ненэй» медиапроект’ няхарамдэй фильм’ манэ’’лабтаць. Луца’ вадавна хэтанзь, несэй манзая герой’’ сян’ хибяри, поморкаха’ 29, 39 потаха’, нянэй некоцяха’ 12, 79 потаха’. Пыдо хари’’ тэндо’ культура’ нямна вадидо мэ’’ӈаць, харто’ илӈганандо таневы мэкад сер’’ ваде’’ӈаць, ӈопой яхана нясъюмба илевам’ манэ’’лабтаць.

-  Мань хойхана соядамзь, таняна вадыдамзь, нюдякоходан’ вымна’ мюсерӈадамзь. Мань паӈгун’ таняхад миӈа’’, ӈарциеӈадм’,  мал’ нина’’ мюсермы’’, тэхэ’’на’’ мэнаць. Тюку яля’ ӈэсонд тыбэрта’’ хойхана мюсерць иле’’, тыдо’ те’ ёльцянд тэврэйдо, нерня’ миӈа’’. Ихина маймбцо, ёльце сава. Тарем’ невхъы похо’’на’’ нина’’ илець, маня’’ ӈани’’ теда тарем’ илева’’, иринана’’, хадунана’’ илм’ минресь нерня’ илева’’. Мань’ ӈод’’ хари’’ паӈгуни’ тенедм’, тарем’ илевами’ мэ’’ӈав, – тарця вади’’ округханана’’ теневана’’ не, хари’’ тэнзда ил’ мэсым минрена Ксения Явтысой хэтась.

«Нянэй» медиапроект Россиянана’’ хуркари’’ тэнз’ мэта не’’ нямна ӈа’’. Нертей серияхана Мордовия яхана илена’’ мокши, эрзи тэнз’ мэта не манэ’’лабтамби’’. Пыдо’ иландо’ нямна хамадавы фильм’ проект’ нэсь. Нябимдей фильмхана кабардинка, балкарка манэ’’лабтамби. Няхарамдэй ӈани’’ ӈэрм’ яхана илена’’ не’’ нямна ӈа’’, ӈока по’’ ямбан яв’ вархана илена’’ – помор’’ не хари’’ иландо’ нямна лахана, нянэй некоцяха’ вымна мюсерма’, тэкоця’ хэвхана мэва илевамди’ тензебтебихись.

Няхарамдэй фильм’ мэта си’’ивна нябимдей яляхана Архангельск’ маркана Дом народного творчества мякана ваерась. Несэй фильм’ презентациян’ маня’’ нява’’ Ксения Филипповна Явтысой тэворӈась, пыда «Ненэй» проектхана манзарась.

Тамна мададам’, Ксения Явтысая – нянэй ненэцие’ илм’ мэта не, хари’’ тэнзда ил’ мэсы’’, хой’ илм теневана’’, НАО’ Центра Арктического туризма’ мякана экскурсоводӈэ’ тара.

Перевод на русский язык

Традиции с женским оттенком

Жительница НАО стала героиней медиапроекта «Настоящая».

Проект «Настоящая» – это серия фильмов о женщинах разных народов нашей страны. Подготовлен волонтёрами культуры совместно с Добро.Медиа и приурочен к Году единства народов России.

Участники проекта рассказывают о своей национальной культуре и делятся личными историями из жизни.

Первая серия посвящена мордовской женщине и традициям народов мокши и эрзи. Во второй серии рассказывается о кабардинках и балкарках.

В третьей части зрители узнают о женщинах Поморья, чья жизнь была веками связана с морем, и ненками, издавна кочующими в тундре вместе с оленьими стадами. Одной из главных героинь серии стала Ксения Филипповна Явтысая из Ненецкого автономного округа.

– Я родилась и выросла в тундре, кочевала с детства. Всегда горжусь тем, что мои предки издавна жили такой жизнью. Оленеводство развивается – и я этим горжусь. Мы сумели сохранить свою идентичность до сегодняшних дней. В это дело вложена частичка моей жизни, – рассказала известная в округе хранительница народных традиций.

Премьерный показ третьей серии этносериала состоялся 18 августа в архангельском Доме народного творчества. На презентации побывала и Ксения Филипповна.

О героине фильма

Ксения Явтысая – хранительница очага и традиций ненецкого народа, прекрасно владеет знаниями о жизни в тундре, экскурсовод, специалист Центра Арктического туризма НАО.

Важные слова

Заместитель председателя Молодёжного совета Минкультуры России, руководитель Всероссийского общественного движения «Волонтёры культуры» Милена Богданова отметила:

– Для нас важно говорить о традициях не как о чём-то застывшем. Мы показываем, как локальная культура органично живёт в современности, меняется, находит новые формы выражения и остаётся частью повседневной жизни. Потому что сохранение локальной культуры – это и есть сохранение культуры России.