Ӈацекына теда нылана’’. Ныланавандо’ сер толаӈговамдо’ юрбабто ни’’тара’’. Ненэця’’ ӈацекына харто’ вадавнандо’ толаӈгобнандо’ ӈани’ тара. Пыдара’’ е’’эмня «Пунушка» журналкана тарця вадако’ падвы.
Яв’ салякохона писяко’ ваӈготада ӈэвы. Писякор тарем’ сырпата хайнана ӈо сэре’’эм’ манэ’’ӈа, манзь тёрэй’’: – Ӈо сэре’’эей, тяхакумнов! Ӈо сэре’’э тарцям’ намда вахалъй’’: – Писякои, пыдар пидяханд табтав’’, сюдбя я саляхартан’ нив’’ табцету’’.
Нейко Максимовна Янгасова Саля’хардахана илена не. Пыда – тохолкода. Илеванда’ ямбан харта вадамда сахарамбась’ иле. Тарем’ ӈока хуркари лаханако’’ ма’’лавысь, тикахад’ мал манзаида книгаӈэ’ сертавыдась. «Ненецкие сказки и эпические песни сюдбабц’’, ярабц’’» книгада сидя ёнар’’ нюртей похона тарпыць. Тарця книгахад’ мэвы’’ вадако’ пелям тюку яля’ толара’’.
Округна’’ толаӈгова’ харад ӈэрм’ тенз ненэцие’’ отделкана манзарана’’ нина’’ хуркари’’ сейхана сомбой серу’’ е’’эмняна хамандабсеты’’. Таӈы’ мальӈгана ӈод нина’’ манзаядо’ ни’’тянёмдан’.
Марий Эл республика еркы мар’ Йошкар – Олам’ нюбе’’ӈа, луца вадавна хэтась – Красный город, ӈобтарем’ Няръяна мар’ нюбе’’мы. Маркана няхар’’ юр’’ самляӈг ю’’ ёнар’’ хуркари’’ тэнз’’ мэта’’ хибяри’’ иле’’.
Россия яханана хуркари’’ тенз’ мэта хибяри’’ иле’’. Хусувэй тенз’ мэта’’ харто’ илесь ядо’, харто’ вададо’, харто’ культурадо’. Хуркари’’ тенз’ ненэця’’ паднанидо’ таня’’. Россиянана финно-угорский тензхад’ перена’’ паднана’’ харто’ ассоциациямдо’ сидя ёнар’’ няхарамдэй похона ӈадимдедонзь, тамальӈгана нюртей ма’’лёвамдо’ мэ’’ӈаць.
Округна школахана тоходанна’’ ӈацекына нылана’’, Таӈы няхар’’ ирий’ ямбан нерня тоходанва е’’эмня ныхыдамдо’ ма’’лабгу’’. Тюку по’ школамдо’ ёльцевы’’ ӈацекы’’ ӈод экзамендо’ пуняна’ хаи’’, выпускнойдо’ ваера’’.
Россия яханана хуркари’’ тенз’ мэта хибяри’’ иле’’. Хусувэй тенз’ мэта’’ харто’ илесь ядо’, харто’ вададо’, харто’ культурадо’. Хуркари’’ тенз’ ненэця’’ паднанидо’ таня’’. Россиянана финно-угорский тензхад’ перена’’ паднана’’ харто’ ассоциациямдо’ сидя ёнар’’ няхарамдэй похона ӈадимдедонзь, тамальӈгана нюртей ма’’люрӈаць.
Июнь’ ирий нюртей толырка”на Ханты-Мансийск маркана финно-угорской’ фольклорной коллектив» «Живущие по солнцу» фестиваль-конкурс’ ңась.
Нись ңаха”на саць сава нян си”ивъю самляңг пода панысь. Тикар Клара Петровна Талеева – Я ниня юнета не. Нельмин Саляхана сита хусувэй хибяри теневада. Ңавнанда пыда Няхар” Пуңгара (Три Бугры) терась. Нюдя ңэванда мальңгана нисяда таняна «Чапаев колхоз’» председателясь. Хадада, небяда, перенида мал’ колхозхана манзараць. Ханяңыдо’ выңгана, ханяңыдо’ ңэсындо’ харад” хэвхана.
Нисяв – Нямд Пай’ ню. Небяв не Тавысе’’э. Маньзяван мякана мэб’’на’’ Ирин пулы’’ ниня ӈамдесетым’. Ирин пихина мэб’’ ирин хан пыям’ яркокуцетым’. Нямд Пай вэсако’ ӈокахада сидя ю’’ мята.
Хуна санавами нивэв хамэда’’. Нанако папами сидя падухата лабцарибтав. Манзь ханаӈав: - Няв папаков, нядахаваданд вунидм’ хаёд’’. Ӈамгэмда харамда ваде’’ливнадм’, Тысъя вэсако’ ӈэсын’ тэвына’’. Не’ ервкоми Тысъя’ ӈарка ню неданда мэда. Ӈари’’ мазьсяван ху’ хэвнядм’, нянандо иледм’. Хад по’ пеля иленярахава’’. Хув’ юркына’’ Тысъя вэсако’ манзь ханада: – Вадавэв нюв, сянд ӈопойриӈэ илеӈгунди. Пулэнд хэвад пюбна’’ саванё’’.
Хусувэй хибяри илевада небяхаданда миӈа. Хусувэй хибярихина небя сямянд’ сянда, сямянд’ сахарамбада. Небя ил’ тамби, тикахад’ илеванда ямбан со’’ябтавы нюкцямда маниеда, илан’ табадабида. Нюнда илм’ маниесь харта ӈод’ маймбась илевамда мэ’’ӈада.
Тюку по’ неняӈг ирийна самлязимдейяӈганя толыркана маня’’ округна со’’яма ялям’ мэтава. Тарця яляха’ хамякова’’ миӈа’’. Маня’’ яна сиднтет ю’’ самлязимдей пом’ сава ихиня ядабтамбива’’.
Яханана тарця хибярина ӈока , хуний сяӈгова’ тэровы манзаяхато’ тохось илевандо’ ямбан харто’ манзаидо’ минре’’. Тарця хибярина хуркари’’ манзаи’’ пэртя’’ поӈгана таня’’. Тарця хибярина лекарь’’ поӈгана тянё ни’’ӈа’’. Ӈокаювдо’ маня’’ теневына’’, танейна’’. Хаӈгурпана’’, някундо’ ядсетыва’’. Теневава’’, пыдо’ сидна’’ нядаӈгу’’. Пыдо’ нядандо’ сенз’ ӈэвава пере.
«Самодийский эпос» таремъюв нюмдевы книга’ яханана ӈадимя. Тарця манзаям’ падтаӈгода Надежда Выучейская хамадась. Надежда Алексеевна Выучейская маня’’ яна’ тер не.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а