« Хуркари тенз’’ мэта’ хибяри’’ культурадо’ няхатато’ яӈга, хусувэндо’ харта паӈгда. Тикада сава ӈэ’’нив. Тарця сер’’ нув’ панраха’, ӈопой тебтамда ха’’аврась, минханда ӈани’ сер’’ маниеӈгур’’, – тарця вади’’ Екатерина Тайбарей ненэцие’’ фольклорной коллектив’ «Нянэй сё» ервота хэтась.

«Нянэй сёхона» хыно’’та’’ не’’ харто’ манзаямдо’ харвась минредо’, нида’’ нерня’ пэртя Екатерина Петровна Тайбарей. Тикы’ коллектив’ хибярина’’ теневадо’, сиддо’ ханярина маймбась ядабтабсеты’’, сиддо’ хэбидя яляха’’на, региональной, международной фестивалька’’на ӈатесеты’’.

Ваеравы нара’ Екатерина Петровна «Сокровище Севера-2016» международной выставка-ярмаркан’ тэворӈась, таняна ӈэрм’ тэнз’’ мэта’’ толырто’ тянё ненэця’’ культурам’ минрена’’ «Кочевье Севера» фестивалькана’ манзарась. Пыда минрена манзаянда’ нямна ӈока ихиня сомбой вади’’ намдась. «Нянэй сёхона» не’’ невхы’ сё’’, нись’ ӈана’’ падвы едэй сё’’ мэцьты’’, ханяӈы’’ вадидо’ харто’ падвыдо’. «Ханяӈы’’ сё’’ пон’ мэцьтына’’, – тарем’ Екатерина Петровна таслабида. – Невхэна ненэцяӈэ’’ паднава серма’’ яӈгусьнё, ханзер’’ нина’’ илець. Хуркари’’ илевахана таневы ӈаворидо’ невхэ’’на хынабцаӈэ’ мэцьтыдо’. Ӈокаюв’’ сюдбабц’’, ярабц’’, хынабц’’, вадако’’ невхы похот’’ няна’’ тэвыдаць, тикахад ненэця’’ ханзер’’ илевам’ теневава’’. Ӈацекына’’ ӈод’’ теда’ хусувэй таранан’ тохоламбась тара’’.»

Ӈодьбянда харвабнанда Екатерина Петровна ӈацекы’’ коллектив’ ма’’лавэкы, «Ӈодякоцянда» манзаям’ нерня’ теда’ минреда. Ӈацекы’’ харто’ культурамдо’, вадамдо’ тикахад’ теневаӈгудо’.

Сидя ю’’ по’’ ямбан «Нянэй сё» коллектив’ харта яхананда манзара, таняна не’’ хыно’’ӈа’’, ханяӈы харто’ ямдо’ мэне’’, харто’ вадамдо’ сахарамби’’, харто’ культурамдо’ тю’’ури минре’’. Невхы’ сё’’ илебнандо’ тара, – тарем’ тасламбидо’. Августа Зиновьева, Надежда Вахрушева, Александра Выучейская нертей яляхад’ «Нянэй сехона» хыно’’ӈа’’. Харвась харто’ сёдо’ мэ’’манзь, манзаито’ пуд’ тарця хибяри’’ турцеты’’, тикы’ Любовь Белугина, Надежда Выучейская, Людмила Вылка, Мария Тайбарей. Ӈобкана ма’’лёбнандо’ не’’ хусувэй программамдо’ таслабсетыдо’.

Хор’’ ирий си’’ивумдей яляхана Краснойхана илена’’ хибяри’’ «Нянэй сё» фольклорной коллектив’ со’’яма ялям’ ядабтабиць. Ненэцие’’ сём’ мэнена’’, намдван’ харвана’’ хибяри’’ тарця хэбидя’ яляхана культура’ мякана ма’’лэйдаць. Ихид’ миндя’’ вадидо’ «Нянэй сёхона» хынота’’ няхато’ хэтувнда тянё’’ ниць’ ӈа’’ . «Красновчанка’» хорхана хынота’’ нидо’ ихиня сомбой сёдо’ мядонзэйӈэ тэвраць. Сейхана лимбяка вади округхы’ этнокультурной центр’ манзаям’ нерня’ пэртя’ нява’’ Валентина Зганич хэтась. «Илебц» театрхана сянакода’’ нидо’ ӈод’’ «Нянэй сё» сояма’ ялян’ турӈаць,

«Нянэй сё» ӈод’’ тикы’ яляхана несэй манзаидо’ няхато’ манэ’’лабтаць. Ненэцие’’ культурам’ нерня’ минрена’’ нина’’ ӈани’’ ихиня сомбой программам’ мядоманзь товы’’ няха’’то’ тэвраць.

Тарем’ «Нянэй сё» фольклорной группава’’ едэй – луца вадавна манзь: творческой сезонамдо’ нэсь. Нерняна сиддо’ ӈока манзая’’ ӈате’’, сертавдадо’ тянё ни’’ ӈэӈгу’’. Ӈарка явна мюсерта’’ хибяридо’ нядандо’ едэй манзаи’’ ӈате’’. СПК «Харпхана», «Еврхана» манзарана’’ тыбэртя’’, мяд’ манзаям’ минрена’’ нидо’ нядандо’ ненэцие’’ хынабц’’ ӈате’’.

Сава серм’ минрена’’ нина’’, ненэцие’’ сём’ мэта не’’ мал’’ ӈаворидо’ саворивна миӈая’’, «Нянэй сё» ӈоб’’ нерня! 

Перевод на русский язык

Из глубины веков 

«Каждая культура неповторима своими красками, духовными образами и мироощущением. В том и ценность ее. Это как радуга: убери оттенки цветов - и враз исчезнет удивительное природное явление», - так считает Екатерина Тайбарей, руководитель ненецкого фольклорного коллектива «Нянэй сё» из Красного. Екатерина Петровна со своим коллективом всегда желанный гость на национальных праздниках, региональных и международных фестивалях. Нынешней весной она побывала в Москве на Международной выставке-ярмарке «Сокровища Севера 2016» и приняла участие во Всероссийском Фестивале культур коренных малочисленных народов Севера, Сибири и Дальнего Востока РФ «Кочевье Севера», где получила высокую оценку своего творчества.

В репертуаре «Нянэй сё» эпические и современные лирические песни, немало песен собственного сочинения.

«Знаете, песни живут дольше, чем вещи, — заметила Екатерина Петровна.— Когда у нас еще не было письменности, народная память хранила все самые важные события в преданиях и песнях. С помощью народного творчества наши предки учили потомков познавать и понимать мир, любить его. Из сказок, преданий, легенд дети узнают об обычаях, традициях, своих предков, истории своего народа». Наверное, поэтому Екатерина Тайбарей создала детский коллектив «Нодякоця», где ребята учатся подлинно народной манере исполнения на самобытных песенных первоисточниках…

Говоря об исполнителях, их бесконечном трудолюбии и влюбленности в песни родного края, необходимо особо сказать о тех, кто стоял изначально у истоков возрождения национального фольклора в Красном. Это, прежде всего, Августа Зиновьева, Надежда Вахрушева, Александра Выучейская. Любовь Белугина, Надежда Выучейская, Людмила Вылка, Мария Тайбарей – невзирая на занятость, они не пропускают ни одной репетиции, принимают активное участие в подборе репертуара. Ну и, конечно, не будь у этого национального творческого коллектива такого преданного ему руководителя Екатерина Тайбарей, вряд ли могли мы с вами слышать, понимать и любить песни ненцев. Такие непохожие, но такие незабываемо прекрасные…

Юбилейный вечер, посвященный 20-летию «Нянэй сё» собрал истинных поклонников, ценителей национального творчества. И отрадно, что на празднике было много детей, которые с неподдельным интересом наблюдали за всем, что происходит на сцене. Задорными песнями поздравили коллег участники хора «Красновчанка», много добрых слов было сказано директором ЭКЦ округа Валентиной Зганич. Идейный вдохновитель «Нянэй сё» Екатерина Тайбарей много лет тесно связана с ненецким театром «Илебц». И, конечно же, артисты театра не могли не прийти на праздник коллег. А сценическое действо юбиляров подкупало не только неповторимыми красками национальных костюмов, но и глубиной образов, удивительной философией. Вы видели неукротимую свободу и экспрессию танца, рожденного Природой, зримо представляли гул морской волны, крики чаек, многоголосие упряжных собак, хорканье оленя, молчание тундры. Словом, выступления фольклорного коллектива из Красного - это всегда зрелище, запоминающееся надолго.

Впереди, у «Нянэй сё» новый творческий сезон, предстоит большая работа по сохранению культурного наследия своего народа. Ждут новых программ от любимого коллектива и труженики Большеземельской тундры – оленеводы, чумработницы СПК «Харп» и «ЕРв».

Удачи и больших творческих побед «Нянэй сё» пожелаем и мы.