Хусувэй хойхана мюсерта хибяри тэсавэй хибяри, тэси’’ ил’ нив’ яӈгу. Тэхэд’ хибяри’ хусувэй ӈамгэм’ хомби: тикы ӈавар’’, ембдяр’’, мяд’ ея’’, тэхэ’’на ненэця’’ ӈэдалёрӈа’’. Ты’ сямянд’ тарана’’, тикахад’ ненэця’’ иле’’. Сяхаӈгова «Няръяна ты» колхоз’ мэбета колхозӈэ’ толысь. Тыдо’ ӈокаць, толырта сава похона сидя яӈганя ёнарт’’ тэворцеты. Ӈэсынандо’ илена’’ хибяри’’ ӈокаюв’ пелядо’ колхозхана манзаранаць.

Тюку ялян’ таслась ӈод’’ тыбэрма’ серкад’ тикы ӈэсыхына иле’’. Теда’ хэтась, хойхана сидя ӈэсыдо’ валакада хаи’’ ханяна ненэця’’ тыбэрӈа’’. Нюдя’ явна невхы’ по’’ тотрев’ мюсерӈа’’. Хусувэй по’ тыдо’ забойкан’ тэврамби’’, тикахад’ есям’ хомби’’. Ваеравы похона тет ю’’ тонна’’ ты’’ӈамзам’ ня’’амвыць. Пустозерской сельской совет’ ӈэсыхы’’на илена’’ хибярихи’ ӈамзам’ мирдапидо’. Хонгурей, Каменка, Оксинохона хибяри’’ ӈамзаси’’ нисьтыдо’ хае’’. Небой по’ ӈод’’ тарцясь. Тамальӈгана сидя ю’’ хасую’’ тонна’’ ты’’ ӈамзам’ Няръяна маркы’ ӈамза’ комбинатан’ тэвраць. Ӈанидо’ ӈэсыхына иленя’’ тэмдабидось.

Невхы’’ похо’’на тикы колхозхана манзаравы’’ хибяри’’ масьты’’: сиднтет’ юдимдей похо’’на колхозханана’’ ю’’ ёнаркад’ вата тэваць. Тикы’ пуд’ толырто’ хусувэй по’ тянёмданась, сидя ёнар’’ поход’ ты’’ толыр’’ тет ёнаркад’ ӈодь яӈга. Сидя ёнар’’ мат’’ яӈганя по’ нертей ялян’ колхозхана мат’’ ёнар’’ мян тэдо’. Тикы поӈгана тыбэртя’’ харто’ тыдо’ тане’’. Тыдо’ ӈока ни’’ӈа’’, иб’ ӈод’’ ты’’ хадырць ядо’ тане, нядэйдо’ тэворӈа.

Хусувэй по’ округханана’’ тыбэртя’’ колхоз’’, яӈга бригада’’ поӈгнандо’ пирдырцеты’’. Тикы’ пуд’ сямянд’ сававна манзаравыдо’ ты’ яляхана нюмдебасьтыдо’. Тюку по’ ӈод’’ тарця пирдырма танесь. «Няръяна ты» СПК’ ӈод’’ хусувэй по’ тарця пидырмахана нерденя’ поӈгана нюмдебасьтыдо’. Пирдырма’ мальӈгана таслабсетыдо’: ӈокханда сян’ тэдо’, тикахад’ сяӈок суюм’ ня’’амвыць, сян’ ӈамзам’ юр’’ январьской тэхэт’ ня’’амби’’, тикахад’ тамна толабидо’ – ханзер’’ ветеринарно-профилактической манзаито’ планм’ пандабидо’.

«Нярьяна ты’» колхоз хусувэй по’ тарця пирдырмахана мэсьты. Тюку по’ нябимдей местан’ тарпвыдаць, тикы е’’эмня премиям’ юр’’ сидя ю’’ самляӈг ёнар’’ есям’ ня’’амаць. Тарця манзаям’ тыбэртя’’ минредо’. Ӈокаюв’ теда’ хойхана манзарана’’ ненэця’’ иринадо’, нисянадо’ тикы колхозхана манзаравы’’. Ӈармбэярка тыбэртяӈэ’ теда’ мале’’ самляӈг юкад’ ӈодь’’ вата пота хибяри’’ нюмдебива’’, тикы’’: Герман Алексеевич Ардеев, Валерий Александрович Талеев, Михаил Петрович Выучейской, Тимофей Васильевич Хатанзейской. Ӈани’’ манзарана’’ малӈэ’ ӈацембой. Тарем’ нябимдей бригадахана манзара’’ – сидя няс’’ Степан и Валерий Косковха’, Василий Косков, Руслан Ардеев, Михаил Ледков. Няхарамдэй’ бригадахана – Сергей Косков, Иван Канюков, Иван Талеев, Михаил Косков.

Теда’ тыбэртя’’ сывы’ мюсерць яхато’ тэвыд. Нерняна’ товнда ирийхана тыдо’ забоян’ яӈгрембаӈгу’’. Хусувэй по’ «Нярьяна ты’» колхозхана забойкамдо’ едэй по’ това ӈэсонд’ ёльцесетыдо’. Тюку по’ ханзер’’ ханта, нерняна’ ӈадьӈгу.

Перевод на русский язык

Здесь отчий дом

Трудно представить жителя тундры без оленя.  Олень дает человеку все: пищу, одежду, жилье. Он используется как транспортное средство. Домашний олень - это уют тундры, чума, как подарок, он дает радость общения между людьми, создает условия для уважительного отношения друг к другу. Было время, когда СПК «Нарьяна ты» называли высокорентабельным многопрофильным хозяйством.  Оно приносило до миллиона рублей прибыли ежегодно. В колхозе насчитывалась более 12 тысяч оленей, в сельском хозяйстве работало почти все население поселка.

Оленеводство и сегодня считается основной отраслью хозяйства, за счет этого и держится на плаву. Выпасом оленей занимаются две оленеводческие бригады, выпасающие небольшое поголовье оленей в Малоземельской тундре. Как рассказали в правлении, ежегодно хозяйство заготовляет порядка 40 тонн оленины в убойном весе. Мясо реализуется в основном на территории Пустозерского сельского совета, жители  Хонгурея, Каменки, Оксино не знают проблем с мясом. В прошлую забойную кампанию двадцать девять тонн было доставлено на Нарьян-Марский мясокомбинат.

Как вспоминают ветераны, еще в 80-ые годы в колхозе насчитывалось свыше 10 тысяч оленей. Все последующие годы поголовье уменьшалось и с 2000 года их численность  - 4 тысяч голов. Среди них и частные олени.

Коллектив СПК ежегодно участвует в отраслевых соревнованиях оленеводческих бригад и хозяйств округа. При подведении итогов учитываются такие показатели, как сохранность взрослого поголовья, деловой выход телят, производство мяса на 100 январских оленей и яловость маток, обязательное выполнение плана ветеринарно-профилактических мероприятий. И почти каждый год труженики СПК «Нарьяна ты» занимают лидирующие позиции. Вот и в нынешнем году оленеводческое хозяйство под руководством Прокопия Артеева заняло почетное второе место. В этом немалая заслуга ветеранов оленеводства, чьи отцы и деды стояли у истоков становления и развития хозяйства. Это Герман Алексеевич Ардеев, Валерий Александрович Талеев, Михаил Петрович Выучейский, Тимофей Васильевич Хатанзейский.

Также успешно трудятся во второй бригаде братья Степан и Валерий Косковы, Василий Косков, Руслан Ардеев, Михаил Ледков. В третьей бригаде – Сергей Косков, Иван Канюков, Иван Талеев, Михаил Косков.

Сегодня труженики тундры провели осенний просчет оленьего поголовья, и оленеводы перекочевали на зимние пастбища. Здесь и встретят зиму, в конце ноября постепенно начнут выделять оленей на забой. Как правило, СПК «Нарьяна ты» забойную компанию организованно проводит до нового года. Но все будет зависеть и от природных условий, судя по прогнозам синоптиков и приметам ненцев, настоящая зима еще не скоро по-настоящему вступит в свои права.