Луца’ вадам’ ехэрана’’ ненэця’’

Харто ямдо’ лэтрамбаванзь хэ’’нимэй.

Пуний’ вэкна пыдо’ нивыць мы’’.

Пыдо’ хандо’ тыкуцинэй вадламба,

Сёнзяхана ӈарка енабцьм’ лэтрамба,

Ӈа’’ий сайнормаван’ хэвыцей’’.

Небякова’’ сяхаӈгава вадеса:

«Сайнормахад Павел иримд’, ненэся,

Маня’’ сейхад те’’над ӈатева’’.»

Маня’’ ява’’ ӈэдабава е’’эмня,

Нисей хонё’’, ныхыкудо’ нисей сяй,

Ӈока серо’ ненэця’’ сертавыць.

Сайнормахад ханяӈына’’ нивыць ту-

Ӈокавадо’ ӈэвакудо’ нибкла’’ню’’,

Маня’’ е’’эмнянов нибкла’’ню’’.

Няръяна-Мар’’на’’ ӈока харад’ еркана,

Яӈгумына’’ тензибтембава е’’эмня,

Еся хэкур’’ма’’ теда’ нуӈэй.

Серафима Дуркина падвы