Сайнорма’ мальӈгана маня’’ яхадана оленно-транспортный батальон’’ хаяць. Хойхана мюсермы’’ ненэця’’, тэсавэй, вэнекосавэй, ханудо’ ханась’ яхадандо’ ӈэдалэйдаць. Сайнорма’ по’’ ямбан ямдо’ хэвняхад’ товы’’ вэвко хибярихит’ лэтбидось.

Яӈга оленно-лыжный батальон’’ ӈадимдева е’’эмня Государственный Комитет обороны приказ 1941 по’ носиндалава ирий’ сидяюдимдей толыркана ӈадимясь, И.Сталин пидте’’мя таняна ӈамдтавы. Маля 1941 по’ носиндалава ирий’ сидя ю’’ нябимдей яляхана Постановление’ ӈадимясь, ханяна фронт’ е’’эмня маня’’ яхадана мат’’ ёнар’’ тым’, ёнар’’ сидя юр’’ хану’’, мат юр’’ хибярим’ хамандась’ тарась. Тарця падро’ пандабва е’’эмня маня’’ округханана окрвоенком приказ’ ӈадимясь, тарця приказмана тет оленно- транспортный эшелон’’ хамадаць. Тикы’ по носиндалава ирий’ пудана’’ толыркат’ ӈарка пэвдэй ирий’ нюртей яля’’ пиркана Канино-Тиманской раонхана маля няхар’’ эшелон’’ хамандаць, ненэця’’ сайнормась ӈэдалэйдаць.

Маня’’ ненэциена, тына’’ Карельский фротхана сайнорӈаць. Ӈэрм’ яхад’ товы’’ сава нядаӈгодаць, нина’’ пыдадо’ нись’ сяй ямдо’ сахарамбиць.

Сайнорма’ по’’ хусувэй хибяри’’ ихиня пилибт’ илевнда’’, вадюданна’’ ӈацекы’’ ӈод теневабнандо’ тара. Няръяна маркана оленно-транспортный батальон’’ ед’ по’ тяхана памятник’ ӈадимясь. Тюку по’ июнь’ ирий сидндетимдей’ яӈганя толыркана округна депутат’’ тарця закон’ ня’’амаць. Закон о памятной дате «День памяти участников оленно- транспортный батальонов 1941-1945гг.». Тарця серм’ маниесь округханана танеда «Молодая Гвардия Единой России» проектм’ хамандаць, нюмда «Связь времен». Оленно-транспортный батальонхана ӈэдалавы’’ ненэцие’’ ед’ таславы’’ проект’. Ӈацембой хибяри’’ округна сайнормы по’’ историям’ тохолаць, округханана танеда памятникха’ экскурсии’’ ядэлаць. Июнь’ ирий сидя ю’’ нябимдей толыркана ӈацекы’’ сайнормы’’ хибярина тензебтевась’ памятник’ хэвхана ма’’люрӈаць. Тикахад’ носиндалава ирийна сидя юдимдей яляхана оленно-транспортный батальон’’ памятник’ хэван’ турӈаць, ӈамдэд’ тэвраць.

Тикы яляхана округна музейхана выставка «От Заполярья до Берлина» нэяць, хуний сайнорма по’’ мальӈгана тадтавы’’ сидяӈг’’ манэ’’лабтаби. Сидяӈг’’ сертавы фотокорреспондент Роберт Диамент. Ихид’ сертавы’’ манзая’’ ӈока, ӈэрм’ я’ тер’’ ненэця’’, ты’’ сайнормам’ манэ’’лабтамби’’. Тарця выставка’ округна музейхана тамна манзара, манэ’’ӈара’’.

Яӈга оленно-лыжный батальон’’ ӈадимдева е’’эмня Государственный Комитет обороны приказ 1941 по’ носиндалава ирий’ сидяюдимдей толыркана ӈадимясь, И.Сталин пидте’’мя таняна ӈамдтавы. Маля 1941 по’ носиндалава ирий’ сидя ю’’ нябимдей яляхана Постановление’ ӈадимясь, ханяна фронт’ е’’эмня маня’’ яхадана мат’’ ёнар’’ тым’, ёнар’’ сидя юр’’ хану’’, мат юр’’ хибярим’ хамандась’ тарась. Тарця падро’ пандабва е’’эмня маня’’ округханана окрвоенком приказ’ ӈадимясь, тарця приказмана тет оленно- транспортный эшелон’’ хамадаць. Тикы’ по носиндалава ирий’ пудана’’ толыркат’ ӈарка пэвдэй ирий’ нюртей яля’’ пиркана Канино-Тиманской раонхана маля няхар’’ эшелон’’ хамандаць, ненэця’’ сайнормась ӈэдалэйдаць.

Маня’’ ненэциена, тына’’ Карельский фротхана сайнорӈаць. Ӈэрм’ яхад’ товы’’ сава нядаӈгодаць, нина’’ пыдадо’ нись’ сяй ямдо’ сахарамбиць.

Сайнорма’ по’’ хусувэй хибяри’’ ихиня пилибт’ илевнда’’, вадюданна’’ ӈацекы’’ ӈод теневабнандо’ тара. Няръяна маркана оленно-транспортный батальон’’ ед’ по’ тяхана памятник’ ӈадимясь. Тюку по’ июнь’ ирий сидндетимдей’ яӈганя толыркана округна депутат’’ тарця закон’ ня’’амаць. Закон о памятной дате «День памяти участников оленно- транспортный батальонов 1941-1945гг.». Тарця серм’ маниесь округханана танеда «Молодая Гвардия Единой России» проектм’ хамандаць, нюмда «Связь времен». Оленно-транспортный батальонхана ӈэдалавы’’ ненэцие’’ ед’ таславы’’ проект’. Ӈацембой хибяри’’ округна сайнормы по’’ историям’ тохолаць, округханана танеда памятникха’ экскурсии’’ ядэлаць. Июнь’ ирий сидя ю’’ нябимдей толыркана ӈацекы’’ сайнормы’’ хибярина тензебтевась’ памятник’ хэвхана ма’’люрӈаць. Тикахад’ носиндалава ирийна сидя юдимдей яляхана оленно-транспортный батальон’’ памятник’ хэван’ турӈаць, ӈамдэд’ тэвраць.

Тикы яляхана округна музейхана выставка «От Заполярья до Берлина» нэяць, хуний сайнорма по’’ мальӈгана тадтавы’’ сидяӈг’’ манэ’’лабтаби. Сидяӈг’’ сертавы фотокорреспондент Роберт Диамент. Ихид’ сертавы’’ манзая’’ ӈока, ӈэрм’ я’ тер’’ ненэця’’, ты’’ сайнормам’ манэ’’лабтамби’’. Тарця выставка’ округна музейхана тамна манзара, манэ’’ӈара’’.