Санкт-Петербург’  маркана маня’’ округханана сяӈгова илевы’’, манзаравы’’ хибяри’’ тянё ни’’ӈа’’. Ханяӈэхэна пыдо’ ӈобкана ма’’люрцеты’’, ӈобкана хуркари’’ танеда серудо’ таслабсеты’’.

«Нятва» землячество’ тикы маркана таня, маня’’ яна’ тер’’ ненэцие’’ ӈобт’ ма’’ламбада. Манзаямдо’ нерня’ минренаӈэ’ нюртей яляхад’ Константин Хатанзейский тара. Сайнорма по’’ мальӈгана Ленинград’ маркана илевы’’ хибяри’’ ӈока’’ маям’ манэ’’ӈаць, блокада мальӈгана ӈавраси’ яӈгумы’’ хибяридо’ саць ӈокаць. Тикым’ ӈарка яна’ историяхад’ теневава’’, сайнормы хибярина вадахат’ намдурӈаваць. Теда ханярина илена’’ хибяри’’ лимбя ирий сидя ю’’ си’’ивумдей’ ялям’ ӈарка яляӈэ’ мэ’’ӈадо’. Си’’ив ю’’ сидя по’’ тяхана блокадам’ хавраць. Теда хусувэй по’ тикы яляхана ӈока’’ хибяри’’ Пискарёвской кладбищен’ турцеты’’, сайнормы похо’’на’’ блокада яля’’ ямбан яӈгумы’’ хибяридо’ тензебтебсеты’’. Таняна маня’’ ненэциена’’ сайнорӈаць. Теда хусувэй по’ округна хибяри’’ тикы яляхана тэн’ ян’ тэворцеты’’. Тюку по’ ӈод округна хибяри’’ яӈгумы’’ нина’’ ед ӈэвдо’ хавравась’ таняюв’ тэворӈаць.