Нюдя пэвдэй ирий’ тетимдей яляхана «Арктикам’» нюбета Дворец’ культуры мякана День народного единства’ хэбидя яляхана «Венок дружбы’» ма’’лёва ваерась, таняна яханана’’ танеда’’ землячество’’ харто’ манзаидо’ манэ’’лабтабиць. Ӈокханда сидя юкад’ вата национальной землячество’’, автономной объединения’’ ӈобкана ма’’лыць. Тарця’ ныланава ялям’ этнокультурный центр’ манзарана’’, округна’’ клуб’ земляков манзаям’ пэртя’’ нина’’ хамададонзь. Пыдо’ хибярина’’ сею’’ сомбой программахана маймбтейдонзь.

Яханана’’ хуркари тенз’ мэта хибяри’’ иле’’, мал’’ пыдо’ харто’ илевадо’, харто’ манзарась мэта ӈаворидо’, харто’ ӈаврадо’. Хусувэй ӈамгэмдо’ ваеравы хэбидя яляхана манэ’’лабтабидонзь.

Яля’ ямбан ныланавась товы’’ хибяри’’ е’’эмня хуркари площадка’’ манзараць. Ӈопой яхана самодеятельной коллектив’’ тикы ялян’ хамадавы программамдо’ манэ’’лабтабиць. Пыдо’ хыно’’ӈаць, невхы, те’’ны по’’ сё’’ мэ’’ӈаць, тараць. Товы’’ хибяри’’ ӈод’’ ӈопой яхана ниць хасена’’, пыдо’ ӈод’’ ихиня сомбой сём’ намдась тарабтырӈаць.

Ханзер’’ хэбидя яля’ ӈадимясь? Тикым’ ныланавы хибяри’’ хэтгудо’. Фаина Ледкова, Нельмин Саляхана соявы. Хаювы хэбидя яляхана пыда нита’’ ня стенд’ сертавыць, ханяна Нюдя яхана соявы, вадювы, илевамдо’ сававна мэ’’мы’’ хибярито’ илм’ манэ’’лабтаць. Нюдя яхад’ тарпвы’’ – Семен Явтысой, ненэцяӈгат нертей тиртя ӈаном’ мэ’’мы, нертей паднана Прокопий Явтысой, тохолкода манзаяхана нердевы Клара Талеева, няби тохолкода, ненэця вадам’ нерня’ пэртява, учебник’, методической пособия’’ падбадава Роза Канюкова, тамна ӈока ӈани’’ хибяри’’.

«Маня’’ поӈгнана сававна илебнана’’, сеюна’’ няха’’на майбабнандо’. Тюку яля’ сава вади’’ Этнокультурной центрхана манзаранаха’’ хэтбидм’. Пыдо’ е’’эмняна тарця ихиня сомбой ялям’ хамадаць. «Венок дружбы» – ӈарка ялям’ хусувэй по’ мэцьтыва’’, тикы яляхана няха’’на нясъюмба ядава’’, нина’’ культурам’ маниева’’. Маня’’ мал’’ яӈгава’’, хусувэна’’ харта тэнзда, харта культурада. Тарем’ ӈод’’ нина’’ хамадабась ӈопой ӈарка мякана иленархава’’, маня’’ округханана’’ нясъюмба илевава’’ нерня’ минрева’’, – тарця вади Фаина Ледкова хэтась, пыда Нельмин Саляхад товы хибяри’’ землячествоход’ ӈась.

Дворец’ культуры’ фойехана хуркари’’ этнографической площадка’’ манзараць, ханяна хуркари тэнз’ хибяри’’ невхы похот тэввы’’ манзаидо’ манэ’’лабтабиць. Ваде’’ӈадонзь, ханзер’’ невхы похо’’на иринана’’, хадунана’’ тарця ӈаворидо’ манзаяханандо’, илеваханандо’ мэйдонзь.

Ханяӈы’’ ӈамгари’’ тены’’ похо’’на мале нина’’ мэс’’, илевахадана хэвы’’. Маркана илена’’ хибяри’’, мядонда’’ мастер-классхана поӈгам’ паӈгалпась, ӈэ’ сем’ сэдбась, печм’ кипричхад ӈамтабась тоходанаць. Инзелець: хурка кирпич’’ таня, ӈамгэхэд сертабада, ханяна мэта’’. Ӈока вадам’ тикы’ нямна Сергей Клокотов ваде’’ӈась, пыда некоммерческой местной организация’ «Сообщество Сахалин’» ервота.

– Тены’’ похо’’на илевахана газм’ мэ’’ӈава’’. Невхы’’ похо’’на’’ хадунана’’, иринана’’ хардадо’ печха’’на ядимдабидонзь, тарця печм’ сертась теневаць. Тикы’ мале юрвы сер’’. Ӈодьбянда мань’ тюку яля’ ваде’’ӈав – ханзер’’ печм’ сертабада, кирпичм’ ханзер’’ ма’’ламбада. Екушахана саць сава кирпич’ сертабиць. Тарця кирпичхад маркана танеда няхарамдэй школа сертавы. Мат’’ ю’’ по’’ ямбан ну, тикы харад’ тамна мэёвна нуӈгу.

«Тарця фестиваль’ хибяри’’ ӈобня ма’’лаби, тарцям’ маниесь хамадабива’’ – сямбир ӈарка яхана илева’’. Тарця ма’’лёва сян’ тэнз’ хибяри’’ ӈобня’ пэрӈа’’, нина’’ традиции’’ хамадабась тоходанава’’, – Антонина Сазоновна Аксенова Никитцынской землячество’ председатель тарця вади’’ хэтась.- Землячествова 1989 похона ӈадимясь, тамальӈгана нертей ма’’лэйнаць.

Тарця яля’ танева, хуркари тэнз’ хибяри’’ ӈобня ма’’лаби. Нина’’ манэць маня’’ маймбасьтыва’’, нина’’ севолпасьтыва’’, ӈобкана хыноцетыва’’. Иб’ ӈод’’ мал’’ няхатана’’ яӈгава’’, хусувэна харта ембдярта, харта вадада – нянана’’ хусувэва’’ ӈоб’’пир’’. Маня’’ тярпдава’’ яӈгу’’, нина’’ хамадабась илева’’, ма’’лыва’’. Ӈопой яханана’’, Ненэцие’’ округханана’’, сававна илева’’.»

Галина Сергеевна Михеева Вижас’ ӈэсыхына соясь, вадысь. – Мал’’ маня’’ яханана’’ ӈопой мяд’ терӈэ’ илева’’, ӈопой ӈарка хардава’’, Ненэцие’ округва’’ сертабива’’. Маня’’ яханана’’ хуркари’’ тэнз’ мэта хибяри’’ нидо’ нядабась, мал’’ нясъюмба иле’’. Мань илеван’ ямбан маслозаводхана манзарадамзь. Округвана ӈэдалерцетыдм’, хусувэй ӈэсыхына мэдамзь.Тюку яля’ нянэй ӈарка яля’: хибяри’’ нидо’ маниесь ванерабты’’, маймби’’. Землячество’’, автономия’’ манзаидо’ манэ’’лабтаби’’. Хуркари’’ тэнз’ мэта’’ традициидо’ илелътемби’’. Тикы саць сава сер’. Маня’’ ӈэсыкоцяна’’ нямна книгам’ падаваць.

«Венок дружбы’» ӈарка ялям’ хибяри’’ сава ихиня мададонзь, нерняна ӈод’’ тарця ялу’ ӈатеӈгудо’. 

Перевод на русский язык

В духе единства и добра

В День народного единства во Дворце культуры «Арктика» состоялся традиционный окружной праздник национальных территориальных землячеств «Венок дружбы». В нем приняли участие представители свыше двух десятков национальных землячеств и автономных объединений. Организаторами стали Этнокультурный центр, клуб земляков Ненецкого автономного округа. Они порадовали горожан насыщенной культурной программой.

Представители разных национальностей, проживающие на территории НАО, знакомили гостей с народными ремеслами, угощали различными блюдами национальной кухни.

Теплая атмосфера единства царила как на площади, так и на сценических подмостках. Каждый самодеятельный коллектив подготовил творческие выступления. На празднике звучали лучшие песни – плясовые и хороводные, старинные – в современных аранжировках и в оригинале. А зрители с удовольствием пританцовывали и подпевали.

Каким получился праздник – судить его гостям. Фаина Ледкова, уроженка Нельмин Носа, со своими земляками подготовила стенд, рассказывающий о знаменитых людях своего поселка: о первом пилоте-ненце Семёне Явтысом, о известном ненецком поэте, прозаике Прокопии Явтысом, о ветеранах педагогического труда Кларе Талеевой, об авторе учебников и методических пособий для изучения ненецкого языка Розе Канюковой и многих других. – Самое главное для нас – оставаться людьми и не допускать кризиса в наших душах и сердцах! Хочу поблагодарить руководство Этнокультурного центра за высокий уровень подготовки праздника. «Венок дружбы» – праздник искусства, любви, дружбы, добра и мира. Все мы разные в своих культурах, по национальности и вероисповеданию, но в то же время едины в одном: общий дом каждого Россия, а малой родиной стал наш округ, – отметила представитель землячества «Нельмин Нос» Фаина Ледкова.

В фойе Дворца культуры разместились этнографические площадки, где были представлены предметы народных промыслов. Они напомнили нам о том, как жили наши предки, и что ушло из нашего повседневного быта. На мастер-классах горожане с удовольствием учились вязать сети, подшивать обувь, класть печи, узнали много полезной информации, в том числе о том, какой природный материал использовался при изготовлении кирпича. Об этом рассказал Сергей Клокотов, руководитель некоммерческой общественной организации «Сообщество Сахалин».

– Сейчас в быту мы используем природный газ и таких печей, какие раньше были у наших бабушек и дедушек, уже нет. Отрадно, что подходят молодые люди, школьники, и мы показываем разную технологию кладки печей. Например, из Ёкушанского кирпича построена школа № 3. Уже 60 лет стоит, настолько качественный материал.

– Фестиваль объединяет людей, дарит радость взаимного общения, помогает глубже понять традиции и красоту нашей многонациональной родины, – рассказала председатель Никитцынского землячества Антонина Сазоновна Аксёнова. – Наше землячество образовалось в 1989 году, когда был первый сход его жителей. А этот праздник объединяет людей всех национальностей. Мы рады встрече, обнимаемся, поем. И совершенно неважно, в каких традициях костюм, и на каком языке поют. Фестиваль дружбы народов – уникальная возможность увидеть вмес-те представителей разных народов, что в очередной раз доказывает: Ненецкий округ – территория гражданского мира и межнационального согласия.

А Галина Серафимовна Михеева родилась и выросла в Вижасе.

– Мы живем здесь одной семьей, вместе строим общий дом под названием Ненецкий округ, и я с гордостью могу утверждать, что на нашей земле нет межнациональной вражды, – резюмировала она. – Я всю жизнь проработала на маслозаводе «Вита» начальником производства. Объехала все населенные пункты. Сегодня настоящий праздник: я вижу здесь улыбки людей разных поколений, разных землячеств и автономий. Эти традиции должны продолжаться. Именно мир и спокойст-вие дают возможность стабильно жить, созидать и создавать межнациональные семьи. А о своей малой родине – Вижасе – мы создали книгу.

Масштабным и ярким событием для жителей и гостей Нарьян-Мара стал праздник «Венок дружбы». Красочные одежды, доброжелательная атмосфера, много детских лиц среди зрителей и участников фестиваля. Праздник, где всем было интересно.