Вы здесь

Нюдя пэвдей’ ирий / Месяц малой темноты

Нюдя пэвдэй’ ирий сырэй ёльць. Яля’’ хэбимдана’’, пий’’ ямбумдана’’. Хой’ то’’, яхако’’ мал’’ мале ханимбэй. Хойхана илена’’ ненэця’’ ӈодь саламба нулась поӈгдо’ мярванзь парумби’’.

Тюку ириян’ тэвась ханева ёльць. Хасава’’ ханеванзь ядэрӈа’’, ирий – носиндалава ирийӈэ’ нюмдебидо’. Ирий’ еркы яляха’’на нохо’’, нявако’’, пияко’’ еримдембӈгу’’. Невхы похот ненэця’’ выӈгана иленяко’’ маниесь хэтбасьтыдо’ сырада хурка ӈэвня? Хибяри маниева’ ватовна, хор’’ ирий’ пудана яляха’’на нохонд’ тарта паль’’ ӈэбнанда – сырэйда тецьда ӈэӈгу. Ӈарка пэвдэй’ ирий нертей яля’’ ӈэсонд хой’ иленяко ӈамзадо’ туцавэй ӈэбнанда, товы сырэйда тецьда ӈэӈгу, сырада ӈока ӈэӈгу.

Товы ирийхана тянё сыра ха’’амбата, та’ мальӈгана сарё тянё ӈэӈгу.

Ирий’ пудана яля’’ ӈэсонд тамна хаярэко сэв’ маниеӈгува’’. Хаермана, ирийвана, нумгы’’ымна’’ хойхана илена’’ хибярина’’ маниесьтыдо’ хурка яля’ хуняна ӈэӈгу. Хаер’’ саць няръябнанда, нумда пондан’ вомда.

Едэй ирий’ вадюданвахана мерця’ яля’’ ӈэбнандо’, тикахана ирий’ ямбан мерця ӈэӈгу’’.

Хувы’ ёльцяӈгана, яля’ ер’ ӈэсонд’ ӈадимы’’ паль’’ тир’’ пэвсюмбы’ ӈэсонд ваерабнандо’, няби яляхана нумда сава ӈэӈгу. Нумгы’’ ирий’ сырэй яля’ пэвсюмбы’ пеляхана тасейӈэ’ ӈадимбнанда нумда ӈани’ вомда.

Паль’’ тир’’ пэвсюмбы’ ӈэсонд нибнандо’ ваера’’, тамна паляркаӈэ’ хэбнандо’ – хад’ яляӈэ ханта. Нумгана тиркоця тянё ӈэбнандо’ – ибаӈэ’ ханта. 


Перевод на русский язык

Месяц малой темноты 

По народным приметам, если мех у песца становится густым и пушистым еще в конце октября – зима холодная предвидится. К началу ноября зверьки нагуляли толстый слой жира, жди холодную и заснеженную зиму.

По солнцу, луне и звездам жители тундры определяют погоду на предстоящий день. Если небесное светило над закатом засияет ярко-оранжевым светом, это к наступлению продолжительного ненастья. При появлении молодого месяца стоит ветреная погода – она сохранится на протяжении месяца...