Вы здесь

Сертабаданда малда яӈгу

Ваеравы ныланава яляха’’на Архангельск’ маркана Арктикахана танеда я’ тер’’ нертей международной кинофестиваль ваерась. Яндахат тет юкад вата режиссер’’, продюсер’’, актер’’ ма’’лэйдаць.

Фестиваль шорт-листан’ Финляндияхана манзаранаха’ Анастасия Лапцуй, Марку Лехмускаллио фильм’ «Свято(Puha)» масьтевы. Ӈобкана сертавы манзаяхананди’ пыди’ самляӈг хонарковамди’ масибтеӈаханзь. Я, небя, хибяри, хэхэ’ мя’’ ерв’’ – хэбядяӈэ нюмдева пир’’.
«Проблемы малых коренных народов Арктики» дискуссияхана Анастасия Лапцуй тарця вади’’ хэтась, ханярина илена’’ толырто’ тянё ненэцие’’ тоходанава сер’’ ивъер’’ нерня’ минресь тара, тарця серкана несэй ӈадимы’’ сер’’ сава нядаӈгода.
« Мань ненэцяӈгат лаханадм’, хибя’’ ненэця’ вадавна лахана’’ – тарцяӈэ 35 ёнар’’ хибярива’’. Толырто’ тянё ненэця’’ музей’ ни’’ӈа’’: маня’’ ӈод’’ вадюданава’’, хуркари’’ серкана нерняри миӈава’’, хусувэй едэй ӈадимы сер’’ манзаяханана’’ хорпива’’. Хусувэй едэй ӈадимданнан’ тоходана тара.»
Анастасия Лапцуй Ямалкана соя’’вы не, тюку ялян’ хэтась – пыда мэбета кинорежиссер’, ӈэрм’ тэнз’ ненэця’’ ила’ нямна сертавы фильмада няхар’’ юкад ва’’ӈа’’. Ӈока манзаида международной кинофестиваль манэ’’мы’’.
Теда’ пыда Хельсинки маркана иле. Анастасия Лапцуй Финляндия сямянд ӈарка премиям’ Suomi palkinto ня’’мвы.
–Мань сертамбада манзаяха’’нани ил’ хурка ӈэвам’ манэ’’лабтамбидм’, – Анастасия Тимофеевна мась – Теда’ лаханая, тюку ялян’ хэтась Ямалкана тарця режиссерӈэ ӈопоям’, мань манзаин’ международной сценахана манэ’’лабтамбада. Тарця серкана хусувэй ян’ тер’’ си’’ми нядаби. Пыдо’ ненэцие’’ фильмава сертабада. Хурка кином’ сертась? Тикы’ нямна ими’ нисьты ядэр’’. Ӈамгэм’ мань сававна теневадм’ тикым’ сертабидм’, тарця сер’’ тарован’ пунрыдм’. Сава фильм’ сертава’ е’’эмня ӈокавна манзарась тара.
Мани’ вэсакон’ ня’’, Маркку Лехмускаллио, янамбовна манзарани’. Ӈопой кином’ ханяӈэхэна по’ –по’ ватамбой сертабасьтыми’. Ӈамгэ пон’ манзарани’? Хусувэй ӈамгэм’ хар’’ни’ сертабими’. «Nedarma» кином’ 17 по’’ сертабиминзь.
– Мань ябдана хибяридм’, сян’ мэвна хадам’, – Анастасия Тимофеевна ибедормамда хэтби. – Мань нюни’ ню’’ сэвм’ маниева’ е’’эмня хув’ мерувна юркурӈадм’. Пыдо’ мань хаярми’, тикахад сёнзяни’ мюй лимбяка. Марку, мань вэсакоми’, пыда ирий. Нини’ хэвхана пили’’ мэни’, нини’’ нисьтыни’ хаембю’’. Хасава нин, не нин, пыдо’ нюдо’ – нядандо’ иба миӈа, пыдо’ сейми’ ядимдамби’’. Мяни’ терхат иба миӈа, сими’севолпи, мэне.
Пирибцями’ ӈэвани’ мальӈгана, мань ӈока ӈамгэм’ ниня тарем’ хамадабивась, теда’ хусувэй серт’ несэювна сырӈадм’. Ямал’ яханана’’ нумда пили’’ сава ӈэсеты, яля, хаярт маймбасетыва’’. Теда’ илесь, ӈока ям’ сюртесь хамадабив’. Хусувэй хибярихина, ханярина илебнанда’ ӈод’’ сямянд тарана – тю’’у сырць нумда пили’’ сава ӈэбнанда. Ӈэват ни’ ӈамгэхэрт пэндирта нибнанда ха’’мур’’. Небя сей тикы нямна нибнанда няркна’’.
Мань харвадм’, хусувэй хибяри – ӈацекы, небя, нися, ири, хада маймбась илебнанда, ӈэванда ниня паской хаяр’’ яберея. Ӈобкарт небя хасава нюкцянда’ нямна нибнанда яр’’, пирибця хаюпась хан’’ӈая’’, – тарця вади’’ мань кинов маниенаха’’, толанзёдаха’’ хэтбидм’.


Перевод на русский язык

Мир без границ

В минувшие выходные в Архангельске прошел первый Международный кинофестиваль стран Арктики «Arctic open». На форум прибыли более 40 режиссеров, продюсеров и актеров со всего мира.

В шорт-лист вошел документальный фильм «Свято» режиссеров Анастасии Лапцуй и Маркку Лехмускаллио (Финляндия). В нем авторы попытались ответить на несколько вопросов: священны ли земля, мать, человек, церковь, власть.
На фестивале также состоялась дискуссия, посвященная теме малых коренных народов Арктики. Анастасия Лапцуй отметила, что северные этносы должны уделять много внимания образованию, и в этом им помогут инновации.
– Я говорю только от имени ненцев, владеющих родным языком. Нас 35 тысяч. Мы развиваемся со всем миром и пользуемся техническими инновациями. И на всех уровнях они должны подкрепляться образованием.
Анастасия Лапцуй родилась на Ямале. Известный кинорежиссер, автор трех десятков фильмов о жизни коренных народов Севера, большинство из которых отмечены наградами на международных кинофестивалях. Живет в Хельсинки. Первая иностранка, награжденная Suomi palkinto – высшей государственной премией Финляндии за достижения в искусстве.
– Мне хочется, чтобы в моих фильмах была правда жизни, – подтверждает Анастасия Тимофеевна. – Пока на Ямале я единственный режиссер, который вышел на международную сцену. Поэтому каждый земляк помогает мне. Для фильмов беру то, что отлично знаю, то, во что верю. Успех невозможен без веры и знания темы. Хороший фильм требует много времени. Мы с мужем Маркку работаем очень медленно. На съемки и монтаж одного документального фильма тратим год-полтора. Монтируем сами. Картину «Nedarma» снимали 17 лет.
– Я счастливый человек, бабушка, – делится размышлениями наша собсеседница.  Ради моих внуков поднимаюсь по утрам. Они – солнце, согревающее меня. Мой муж Маркку – луна, с которой я никогда не расстанусь. Братья, сестры, племянники – все они дарят мне тепло. Семья – это то, что согревает, ласкает, любит.
Раньше, когда я была молодой, по-настоящему не понимала, что такое чистое небо над головой. На полуострове Ямал всегда чисто, ясно, мирно. Но сейчас, когда я объездила мир, осознаю, что самое главное, чтобы небо над головой было безопасным. Не только видеть, но даже представить страшно, когда с неба падают бомбы. Ужасно, когда мать с ребенком на руках бегут и прячутся от снарядов.
Я хочу, чтобы над всеми детьми, мамами, папами, дедушками, бабушками, над всеми влюбленными светило только солнце. Чтобы матери никогда не плакали над сыновьями, чтобы невесты всегда выходили замуж. Таковы мои пожелания зрителям и читателям.