Вы здесь

Паской вадахана сяӈок мун’’

На конкурс вышли истинные обладатели искусства устной речи

Няръяна маркана хусувэй по’ конкурс художественного слова танесеты. Тюку по’ тарця конкурсан’ хибяри’’ ма’’лэйдаць. «Ручей хрустальный языка родного» луца’ вадавна тарем’ нюмдевысь. Ӈопой номинациям’ мэ’’ ӈаць – предания, былины, легенды своего народа. Тюку’ мэвахана хамадавы конкурсхана хибяри’’: луца’, ненэця’, чуваш’ вадавна манзаидо’ толабиць. Ӈокханда сидя юкад’ вата хибяри’’ харто’ тохолавы манзаидо’ инзеленаха’ тэвраць. Няхар’’ возрастной категорияхана пирдырӈаць.

– Тюку’ мэвахана ӈацекы’’ ӈокаць, пыдо’ харвась харто’ вадавнандо’ тохолавыдо’ толабиць, – тарця вади’’ жюри председатель’ Светлана Горностай хэтась. – Тюку ялян’ лаханая, хэтась тара – конкурсан’ товы’’ хибяри’’ саць сававна хамяковы’’. Манзаидо’ ханзер’’ тара толабась, таремъюв’ толабидонзь. «Ручей хрустальный языка родного» конкурс – иле, несэюмдана, тарем’ ӈэбнанда нерня’ ӈод’’ таневнда. Хусувэй хибяри харвась хамяковы, толабада манзаидо’ сеяндо’ мюд миӈаць, хусувэй лаханавы вадида’ ханзер’’ тара – таремъюв’ ваде’’ядонзь, ихид’ манзаидо’ толабидонзь.
Ненсянда ӈод’’ конкурсан’ вадамдо’ мэнена’’, сававна теневана’’ хибяри’’ тарпыдаць. Маня’’ нина’’ ӈод’’ танець. «Зрелость» нюбета категорияхана Альберт Ардеев нердесь, пыда’ ненэця вадавна «Сихиртя» легендам’ толась. Вадамда мэнена нява’’ Холгов’ тер, пыда ена- хари’’ вадава’’ нерня’ илевнда. Хибяри’’ ханяӈы тюку яля’ харто’ вадавнандо’ сававна лахана’’, падна’’ вадавнандо’ лаханась нюдо’ тохолаӈгудо’. Харт индамд’ ивъер’вадаханд’ паклебнанд’, вадамд’ илебтеӈгур.
– Ханзер’’ иринана’’, хадунана’’ вадава’’ няна’’ тэврадонзь, сяӈок хынымдо’ таня паклець. Падарм’ сер ехэрась ненэця’ вадава’’ те’ ёльцянд иле. Паской вадава’’ маня’’ ӈод’’ нерняри минребна’’ тара, тикы’ е’’эмня ӈобнзер’’ манзарабна’’. Теда’ ваеравы конкурсхана Альберт Ардеев’ хавна манзаидо’ Надежда Талеева, Нина Баркулева, Фаина Ледкова толаць. Нина’’ мал’’ пэдоваць. Пыдо’ вадана’’ вабцм’ манэ’’лабтаць, толанзёвахандо’ ӈадись сян’ пирувна вадамдо’ мэнедо’ , хари’’ литературамдо’ теневадо’.
Валакада ихиня тикада вэварахась, конкурсан’ инзелевась товы’’ хибяри’’ саць тянёць. Тамбирувна сававна хамадавы конкурс’ ӈока хибяри’’ ма’’лабнанда тара’’ нив’’. Толанзёвы’’ хибярина’’ ӈока ныхымдо’ хамадавы манзаяхато’ масьтець, хусувэдо’ толабавэмда сеянда’ тяха ӈэдарадась.
Художественной вада’ конкурсхана тюку’ мэвахана нердевы’’ – «Мудрость» возрастной категорияхана Зоя Чупрова, «Зрелость» – Альберт Ардеев, ӈацекы’’ поӈгана нерня’ тарпвы – Глеб Мариничев. Пыдо’ Диплом’, мядонзэйм’ ня’’маць.
Хусувэй конкурсхана пирдырмы’’ хибяри’’ Благодарственной письмом’ ня’’мась, ӈобкартадо’ мядонзэйси’ нись хаю’’. Мядонзэйӈэ’ хари’’ ӈудаха’’на сэдвы Варкм’ ня’’маць, тарця сянакоци этнокультурной манзарана’’ мел’’ хибяри’’ сертавыць.


Перевод на русский язык

В нем столько музыки и красоты

В Нарьян-Маре подвели итоги окружного конкурса художественного слова «Ручей хрустальный языка родного». На этот раз конкурсанты соревновались в номинации «Предания, былины, легенды своего народа». Звучали произведения на русском, ненецком и чувашском языках. Всего в конкурсе приняли участие более 20 человек в разных возрастных категориях.

– У детей появился стимул выучить произведения или прочитать прозу на родном языке, – говорит председатель жюри Светлана Игнатьевна Горностай, режиссер Этнокультурного центра НАО. – Мы услышали очень высокий уровень исполнения. Это ступень и осмысления, и глубокого переживания, и искреннего прочтения, и правильного интонирования, и актерского мастерства.
Победитель конкурса в возрастной категории «Зрелость» Альберт Ардеев прочитал на ненецком языке «Легенду о сихиртя» и надеется, что его родной язык будет жить, и те, кто еще владеет языком предков, свободно говорят на нем, пишут, передадут его детям.
– Слово живет, если в него вкладывать душу, – убежден он. – Сколько наши предки потрудились над словом, чтобы сделать его выразительным и проникновенным!
Произведения на ненецком языке в этот вечер звучали также в исполнении Надежды Талеевой, Нины Баркулёвой и Фаины Ледковой. По мнению жюри, они сумели продемонстрировать искусство устной речи, а через него – интерес к литературе и любовь к родному языку. Им удалось полностью погрузиться в произведение и прожить в нем короткую, но яркую жизнь, стать очевидцами событий или их полноценными героями.
Приходится лишь сожалеть о том, что конкурс собрал не так много зрителей и слушателей. Чтецам было что сказать. Победителями конкурса в возрастной категории «Мудрость» стала Зоя Чупрова, а среди школьников – Глеб Мариничев. Они вместе с Альбертом Ардеевым награждены дипломами и подарками. Всем участникам конкурса вручены благодарственные письма, а еще каждый получил в подарок рукотворного Мишку, изготовленного мастерами декоративно-прикладного творчества ЭКЦ.