Хусувэй по’ пилю’’ ирий пудана яля’ мальӈгана округна еркы’ маркана тохолкоди’’ ма’’лёва танесеты’’. Тюку по’ ӈод тарця конференция’ маркана манзаямда мэта’’ ирийна сидя ю’’ си’’ивумдей толыркана пяӈгуда’’.

Няръяна март’ округна школа’’, садик’’ нерм’ пэртя’’, ӈацекы’’ тохоламбава серкана манзарана’’ хибяри’’ ӈобкана нерня манзаравидо’ таславась ма’’лаӈгуд’. Нерняна товнда тохолкова’’ похона хурка серу’’ манэ’’сарта’’, хаювы похона ӈацекэхэ’’на’’ манзаранина’’ серудо’ хурка’’ ӈэса’’?! Тохолкода’’ няюв’ округна ерв’’, уполномоченный по правам человека и по правам ребенка, образование’ серу’’ тасламбада’’ хибяри’’ лаханакурмидо танеӈгу’’. Ненецие’’ агро-экономической техникумхана педагогический чтения’’ ваераӈгу’’. Пилю’’ ирийна сидя ю’’ сиднтетимдей яляхана тохолкода’’ семинаркана ма’’лаӈгуд. Вэба ирий’ нюртей яляхана ӈацекы’’, тохолкода’’ тохолкова помдо’ пяӈгудо’.