Зинаида Михайловна Чупрова сян’ юд’’ мян по’’ ямбан толаӈгова’ хардахана манзарана.
Тюку яля’ пыда нямнанда вадами’ ӈэӈгу, лаханась ня’’амы нява’’ мале’ самляӈг юд’’ мян по’’ ямбан Усть-Кара ӈэсына толаӈгова’ хардахана манзара. Сяхаӈгова тохолавы’’ манзаяда, иланда серӈэ’ хаясь.
Тюку по’ театр’’ Всемирной яляхана «Илебц» нюбета Народной ненэцие’’ театрана’’ сянакода’’ маркана илена’’ нито’ сею’’ едэй манзаяханандо’ маймбтейдонзь.
Няръяна маркана «Пухуця’ ӈопой хасава ню» спектакльм’ манэ’’лабтаць.
Сававна масибтевы, мэкад манзая, ӈока хибяри’’ сянакова’’, нянэювна ненэцие’ культурам’ манэ’’лабтабада.
Ваеравы си’’ив маттамдэй яляхана Нельмин’ Саляхана «Варӈэ’ ялям» ядабтабиць, ӈэсыхына илена’’ хибяри’’ хэбидя яляхана ныланаць.
Хой’ тер’’ хусувэй по’ тарця ялям’ ӈатесетыдо, ивъер’ хамекосеты. Пий’ сата мерця ваера’’махад, хувэда’ савась. Нумда паской ялякоцяхана, хаярэкон’ маймбась хибяри’’ Долгой нюбета то’ няюв миӈаць. Тюку по’ хэбидя ялядо’ таняна миӈась, тэхэ’’на ӈэдалёрмадо’ ӈод’’ таняна ваерась.
Ӈока хибяри’’ ма’’лась, ӈатенавандо’ сер’’ нидо’ лаханась ня’’ӈаць, мят’ тюӈгаць, мирдатна’’ ӈавори’’ манэ’’сарӈаць, тэмдорӈаць.
Тарем’ округна’’ музейхана «Оленные люди» нюбета
выставка презентация’ нямна мава’’ пир’’.
Ты’’ саполана ирий’ сидя юдимдей толыркана маня’’ яна’’ музейхана Светлана Горбатых сертавы’’ сидяӈг’’ выставкам’ нэць.
Тюку яля’ хамадавы вадини’ Любовь Михайловна Белугина нямна ӈэӈгу’’.
Ӈока по’’ ямбан манзаяхана мэбета, ӈацекыда мэнена, сава ня’’ Красной’ ӈэсыхына иле. Пыда – саць мэбета не, няданда илм’ минревам мэва’’ мян’, падтаӈодаха’, паднанаха’ книга’ падась серо’’ӈа.
Ӈацекэӈэ’’ ябдаваць
Ваеравы си’’ивхана округна’’ ӈэсыхы’’на’’, маркана толаӈгова’ хардахана манзарана’’ хибяри’’ семинар’ Няръяна маркана ваерась.
Сян яля’’ ямбан минрена манзаяха’’нандо’ тарана серу’’ тасламбиць.
Ты’’ саполана ирий’ хасуюдимдей яӈганя яля’ А.И. Пичков нювм’ нюбета толаӈгова хардахана мэвы’’ нина’’ манзаравы пудана ялядо’ хэбидя яля’ тотрев ваерась. Тамальӈгана таняна «БиблиоПрофи–2026» нюбета конкурсадо’ ваерась.
Тюку ирий’ няхарамдэй яӈганя толыркана Нарьяна Маркана ненэцие’ театр «Илебц» едэй манзаямда манэ’’лабтась.
Несэй спектакльм’ манэ’’манзь маркана илена’’ хибяри’’ ДК «Арктика» нюдя’ залкахана ма’’лэйдаць. Тюкумэвахана артистана’’ манзаямдо’ Нина Валейской, теневана падтаӈода няна’’ падвы манзаямна сертадонзь.
Нюдяко залхана ӈока хибяри’’ ма’’лы’’, мал’ ӈатена’’, ненэцие’ округна’’ радио’ мун’ намдась, нина’’ манзаямдо’ пя’’. Спекталян’ товы’’ хибяри’’ лэркабт’ ваеравы юр’’ по’ 50-60 похо’ еримондо’, невхы Няръяна март’.
Мат’’ ю’’ самляӈг по’’ тяхана паднана’’ няхаюна Василий Ледков’, Алексей Пичков’ ӈобнзер’ сертавы манзаяди’ ӈэдимясь.
Книгам’ ӈадимдевы Архангельск маркы’ издательство’, 1961 похона таняхад сидя ёнар’’ книга’’ тарпыдаць.
Тамальӈгы’ похо’’на’’ нюдякоця, паскоювна сертавы книгако’ ӈули’’ мер’ хой’ ӈэсыхы’’мна’’, вы’ ненэця’’ помна тахарась.
Книга’ сякана тюрамда ня’’амбада ӈацьмбой тыбэртя падтавы. Саӈода хэвняковна ваерана, паской паным’ мэта пирибтя’ няюв ӈэдаравы. Сэвкуда таси’ ня ха’’авравы, серота ванебтёсь…
Несьхана си’’ив яля’’ ямбан манзаравамда этнографической экспедиция’ ёльцедась.
НАО’ музейной объединение’ этнография няби искусствоведение’ отделхана манзарана’’ няхаюна’ Лариса Латышева, Галина Конькова манзаиди’ минреванди’ сер’’ Канин’ я невхы ӈэсын тэворӈаханзь. Таняна илена’’ хибяри’’ няюв манзараӈаханзь, Канин’ я’ тер’’ мел’’мана сэдорана’’ не’’ манзаи’’ манэ’’сарӈаханзь.
Тюкумэвахана ӈэдалёрмаханди’ сер’’ музейхана манзаранаха’ ӈарка манзаям’ сертаӈаханзь.
Тюку ирий’ мат’’ яӈганя толыркана Санкт-Петеребург’ маркана Ӈэрм’ яхана, Сибирьхана, Дальней Востокхана илена’’ толыродо’ тянё ненэця’’ ӈани’’ Всероссийской этнодиктант’ падбиць.
Тарця диктант’ яханана’’ хари’’ вадава’’ нерня’ минрева’’, толыродо’ тянё ненэця’’ литературам’ толабась харвабцо’ танева е’’эмня, хуркари’’ тэнз’ вада’’ танева’’ ханярина муно’’ма е’’эмня хамадамбада.
Хусувэй по’ акцияхана ӈэрм’ тэнз’ ненэця’’ танесеты’’, мал’ пыдо ӈэрм’ я’ тер’’, тет ю’’ вадам’, диалект’’ мэта’’.
Яханана’’ няхар’’ ю’’ по’’ ямбан’ «Илебц» нюбета театр’ сеюна’’ юдамби
Таӈок по’’ ямбан’ таняна сянакода’’ нина’’ вадава’’, культурава’’ тю’’у минредо’.
Тюку по’ ӈарка пэвдэй ирийхана театрана’’ ӈарка соя’’ма ялям’ мэ’’манзь ма’’лаӈгуна’’. Теда таняна сянакода’’ нина’’ няхар’’ юдимдей соя’’ма ялямдо’ ядабтавась хамяку’’. Артистана’’ манзаядо’ ёльце ӈока’’, несэй сертавнда манзаидо’ мале’ таславы’’.
«Илебцава’’» 2026 пон’ тэвась тарця нювм’ нюбе’’ӈа’’ – Народный ненецкий театр «Илебц».
Ваеравы по’ пудана ирий’ няхар’’ юдимдей толыркана РФ’ министр’’ кабинет’ 2028 по’ ӈэсонд манзаравнда, луца’ вадавна тарем’ нюбета - Концепция устойчивого развития коренных малочисленных народов Севера, Сибири и Дальнего Востока манзаравам’ таслаць.
Ӈарка пэвдэй ирий нертей яляхат’’ Нельмин’ Саляхана илена’’ хибяри’’ товнда пон’ хамяковидо’ ӈадиць.
Ӈэсы’ тер’’ хардадо’ падтамбиць, ханярина паской тукоця’’ ӈыдарабиць. Ӈоб’ пиркана ӈэсыхынандо’ хадеко ӈадимясь, тикы’ пуд’’ хэбидя яля’ ед хуркари’’ мероприятия’’, конкурс’’,
мастер-класс’’ танець. Хибяри’’ хардаханандо’ хадеко’’ масьтевыць.
Юкад’ вата яля’’ ямбан хибяри’’ ӈока мероприятиха’ тэворӈаць. Сава ихина едэй 2026 пом’ ядабтадонзь.
За полярным кругом первые лучи солнца осторожно пробиваются через темноту сразу после Нового года.
Появление солнца у коренных народов Севера испокон веков символизирует начало новой жизни.
В это время традиционно отмечали праздник Едэй хаяр’’ яля – Солнце нового года. Тогда целые семьи выходили из чумов, вставали лицом к первым лучам солнца, пели хэбидя сё и благодарили его, загадывали желания. Возникало ощущение единения с природой и взаимосвязи неба, солнца, огня и человеческой души, настоящий сакральный момент обновления самой жизни.
Этнокультурной проект’’ ӈарка конкурсхана округна’’ «Хасава’ ни» проект’ лауреатӈэ тарпыць.
Ӈарка яханана’’ Год защитника Отечества, международной десятилетие языков коренных народов по’ ед – конкурс’ «Россия: этнический комфорт» сертавы .
Всероссийской смотр-конкурс актуальных этнокультурных проектов России ваерась.
Тарця конкурсан’ ӈарка яна’’ 24 регионхат юр’’ вата конкурсной проект’’, ӈани’’ танеда манзая’’ еримяць.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а