Валакада яхана’’ Тыбэрта яля тута, тикы яляхана манзаидо’ хойхана минрена’’ нина’’ нямна вадина’’ мэтава’’
Тыбэрта яля маня’’ округханана’’ неняӈг’’ ирий сидя ю’’ маттамдэй яляхад пилю’’ ирий самлязимдей толыр’’ ӈэсонд мимнда’’.
Тюку яля падвы вадин’ Елена няби Павел Тайборей’ нямна ӈэнда’’, няхаюни’ «Ямб то» общинахана иленаха’.
Анна Валей: Соявы яханани’ ябдадм, тикахана тароми’ мэ’’маӈадм’
Лаханась нями’ Варнекхана соявы некоця. Пыда тарця вади’’ вади’’ хэтась: Вайгач’ – ныхыдами’ табда ями’.
Анна Варнек ӈэсыхына ты’’сие ниць ирий’ хасуюдимдей яӈганя яляхана ёнар’’ хасую’’ ёнар’’ хасуюр’’ сидндетимдей похона соявы, таняна вадювы, ӈацекы ӈэвы пода’ Варнекхана ваераць. Не ӈацекы мэнена небянда’ Тамара Алексеевна, нисянда’ Андрей Александрович’ хэвхана мэсь.
Неняӈг’’ иры юкад вата самлянзимдей яляхана Ямал’ няна илена’’ ненэця’’ сава теневана няндо’ соя’’ма ялям мэ’’ӈаць.
Тикы яляхана Хабэча Яунгад - паднана няндо’, ӈарка выставкам нэць. «Няръяна Ӈэрм» газета’ манзаям няхар’’ ю’’ мат’’ по’’ ямбан нерня’ минредась.
Теда’ редакцияханана’’ манзарана’’ тохолкодандо соя’’ма ялям хэбидя ялям’ мэ’’ӈадонзь, газетанандо’ тены по’ редакторӈэ манзарана Марина Яр тарця вади’’ падась.
Нельмин’ Саляхана Ёртя ялям’ мэ’’манзь хибяри’’ ваеравы си’’ив пудана яляхана мэ’’лэйдаць.
Ваеравы сер’’
Неняӈг’’ ирий’ няхарамдэй яӈганя толыркана Саляхана илена’’ хибяри’’ Печора’ яха вархана ма’’лэйдаць, «Малоземелье – край рыбацкий» -
тарем’ нюмдевы ныланава’’ ялямдо’ мэ’’ӈаць.
Ёртя яля – округханана’’ илена’’ хибяри’’ е’’эмня сямянд мэнена ӈарка яляӈэ таславы яля, яханана’’ хусувэй по’ ёнар’’ хасую’’ ёнар’’ сидндет ю’’ сидндетимдей поход мэ’’ӈава’’.
Тюку яля вадин’’ Валерий Филиппович, Людмила Петровна Апицынха’ нямна ӈэӈгу’’. Пыди ӈока по’’ ямбан Индига ӈэсыхына илеӈаханзь, таняна хусувэнди’ хари’’ манзаяда танясь.
Валерий, Людмила Апицынха’ Индигахана соявэхэ, ӈопой садикан’ ядэрӈаханзь, ӈопой школахана тоходаӈаханзь, ӈопой тохолкода’’ сидди’ тохолабиць.
Сидндет классм’ ёльце’’махаданда Валерий Няръяна маркана Ненэцие’ школа-интернатхана нерня’ тоходанавамда минредась. Людмила Архангельскан’ ӈэдалавыць, педагогической училищехэна тоходанась пядась.
Валерий и Людмила Апицыны – уроженцы посёлка Индига. Росли в одной деревне, ходили в один детский сад, учились в одной школе, у них были общие учителя и друзья.
После восьмилетки Валерий уехал в Нарьян-Мар и продолжил учёбу в Ненецкой школе-интернате, а Людмила поступила в педагогическое училище Архангельска.
– С детства мечтала, что буду работать в детском саду, так и вышло по жизни, – признаётся спустя годы ветеран образования.
Ихина сомбой юн’ округна’’ этнокультурной центрхад намдаваць.
Тюку ваеравы по’ творческой сезонхана «Ханийко» ненэцие’’ ӈацекы’’ группахана манзарана’’ ӈацекы’’ ӈокавна манзараць. Теда нылана’’, нерня’ манзарава’’, тоходанава’’ е’’эмня ныхыдамдо’ ма’’ламби’’. Ӈэрёйӈэ’ хэсь ӈани’’ манзаяхато’ лапцеӈгуд.
Нэрм’ яхана толыродо’ тянё ненэця’’ ёрма’’ сер’’ табадяр’’ государственной думана’ несэюмдавы’’.
Тарця федеральной закон’ депутат’’ ня’’маць, тарця законмана падарт’ падвы’’ ӈэрм’ я’ тер’’ толыродо’ тянё ненэця’’, община’’ харто’ е’’эмняндо халям’ ня’’марпась мянтадо. Тикы е’’эмня, невхы тотрев, хусувэй по’ заявка’ падаба ни’’ тараӈгу.
Сян’ халям хибяри по’ ямбан нямарпась мянта, тарця сер’’ харто’ яханандо манзарана’’ ервудо’ таслабаӈгудо.
Неняӈг’’ ирий’ пудана яляха’ тэвась, хой’ няюв тирта’’ ӈано’’ тиӈгуд’’. Те’ ёльць, маня’’ ӈод’’ паднанаӈэ, ӈатева’’.
Хойхана мюсерта’’ ненэця’’ сямянд ӈарка – Тыбэрта ялян’ хантава’’. Ханяри’’ тобнана’’ таняна теневана’’ нина’’ тане.
Нина’’ манэ’’тава’’, несэй хибяри’’ торомдаӈгува’’. Мэкад паднамина’’ танеӈгу’’.
Тюку по’ мань «Ямб то» община’ няюв ӈани’’ тэворман харвадм’, теневана няхаюни’ Илья, Варвара Нокрета мят’ тюӈгудм’.
С 1 сентября в России появится новая профессия – работник кочевого жилища.
Это признание юридического статуса чумработниц. Об этом сообщается на портале о развитии Арктики GoArctic.ru.
Ранее официально не существовало профессий, связанных с кочевым образом жизни, кроме животноводов и оленеводов.
Тыбэрта яля – хойхана мюсерта’’ хибярихи’’на’’ сямянхат ӈарка яля. Маня’’ округханана’’ хусувэй по’ 1932 поход мэцетыва’’.
Похонанда ӈопой яля сяха’ тыбэрма серкана манзарана’’, хойхана мюсерта’’ нина’’ хусувэй яля’’ ямбан минрена’’ манзаяхататто’ ныланась мянӈа’’.
Тарця ялян’ маймбасеты’’. Ӈани’’ ӈэсыхына тэхэ’’на’’ мэна нидо’, перенидо’ ядабтаӈгу’’, ервуто’ няюв тарана серудо’ таслаӈгу’’.
Хаювы по’ ямбан ханзер’’ манзаравамдо’ намдгу’’, хоян’ тэвравы юн’’ вадета’’, нерня’ манзаравамдо’ таслаӈгу’’.
Наша встреча со Светланой Поповой прошла в Центре декоративно-прикладного творчества ЭКЦ НАО, на улице Тыко Вылки, 2а. В домике, где по субботам собираются единомышленницы клуба «Мел’ не’’».
Мастер по традиционным национальным промыслам не первый год занимается декоративно-прикладным творчеством.
Увлечённая, талантливая, позитивная собеседница легко пошла на разговор.
Владимир Иванович Выучейской’ я’ иламда хае.
Владимир Иванович – НАО’ ветеран образования, ӈока по’’ ямбан Оксино’ ӈэсыхы школа директорӈэ тарась.
Хурка хибяри ӈэвы Владимир Иванович? Тикым’ не нюда Ирина Выучейской тензебтамбида.
– Нисями’ Владимир Иванович Выучейской 89 по’’ тяхана соявы. Тамальӈгана, 1936 похона, яра ирийхана, пыда тамна небяда, нисяда таӈаханзь. Пилю’’ ирийхана хасавако мат’’ ирийдась, тикахана мале’ небядо няхар’’ ӈацекэмда ӈопойӈэ вадабась хаёвысь.
Саво’ ирий 12 толыр’’ ӈарка яляӈэ таславы – Россияна’’ яля. Тикы яляхана Валентина Николаевна Фомина наградам’ ня’’мась.
Нельмин’ Саляхана Малоземельской сельской совет’ ӈэвахана мэна Николай Марюев тамбир’ наградам’, нагрудной знак «За заслуги в развитии художественного творчества» ненэцие’ народной ансамбль’ вокальной группахана хынота нен’ тэврась.
Тюку ирий’ сидндетимдей толыркана округна’’ тыбэрма сер’’ ветеран ӈарка сояма ялямда мэ’’ӈась.
Афанасий Петрович самляӈг ю’’ сидя по’’ ямбан тэхэ’’на’’ манзарась. Ӈопой яхана, «Няръяна ты» колхозхана мал’ манзаравы пода’ ваераць.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а