Тюку ирий’ маттамдэй толыркана Индига ӈэсы’ культура хардахана манзаидо’ минрена’’ творческой коллектив’’ ӈарка концертадо’ миӈась.

«Харад, ханяна маня’’ илева’’» тарем нюмдевы ма’’лёвадо’ сава сёнзяхана ваерась. Сё’’ мэта’’, тарана’’ хибяри’’ хари’’ паской Тиман’ ямдо’, соя’’ма яндо’ ныхым’ манэ’’лабтамбиць. Хусувэй манзаядо’ нянэювна, сававна хамадавысь.

Тюку ирий’ 28 яляхана Нина Валейской – таневана падтаӈгода, ӈудида’ мэта не, ненэця’ ӈухуко’’ сертамбада’’ няна’’ соя’’ма ялям’ ядабтаваць.

СПК «Харп» маня’’ яханана’’ ӈарка сельскохозяйственной кооператив’. Тюку по’ «Харп» – 95 поданда хая.

Мэта ирий’ маттамдэй яӈганя толыркана Краснойхана илена’’ хибяри’’ ӈэсыхынандо’ манзаямда минрена предприятиендо’ соя’’ма ялям’ мэ’’ӈаць.

Ваеравы юр’’ по’ 30-ей похона ӈадимы колхозан’ 11 хозяйство’ тэвыдаць, 924 тэдонзь, тамна гос.суда е’’эйӈэ 925 тым’ ня’’амаць. Тет по’’ ваерась едэй ӈадимдевы колхозхана мале 32 хозяйствось, тыто’ толыр’’ мат’’ ёнар’’ ӈэсонд ӈарумысь.

Манзаравана’’ сер’’ маня’’ ӈока манзаидо’ теневана’’, мэнена’’, хуркари’’ манзаи’’ минрена’’ хибяри’’ ядабтабсетыва’’.

Тюку ялян’ хамадавы падвэми’, ӈопой нись’ ӈахакуна торумдавы, тохолкода Екатерина Канюкова’ нямна ӈэвнда. Мале самляӈг ю’’ по’’ ямбан Екатерина Филипповна округна’’ образование’ серкана манзара, тикы похот’’ 38 по’’ – Нижней Пёша ӈэсыхы’ школахана.

Ӈули’’ нерде’ таня тобнанда интернатхана ервотаӈэ’ манзарась пядась, тикы’ пуд’’ школандо’ директор’ ӈуда ӈылы’ ӈэвысь, воспитательной манзаям’ нерня’ минренаӈэ ӈока’’ по’’ ямбан таравысь.

Москва маркана вада’ нямна манзаи Федеральной институтхана манзарана’’ тасламбидо’, пыдо’ Россиянана’’ хари’’ вадам’ минрена’’ тохолкода’’ е’’эмня Всероссийской съезд’ хамадаби’’.

Россияна’’ регионха’’на’’ манзаидо’ минрена’’ тохолкода’’ нертей ӈарка ма’’лёвадо’ сидя ёнар’’ сидя ю’’ нябимдей похона ваерась. Тюку по’’ тохолкодина’’ ма’’лёва Москва маркана нюдя пэвдэй ирийхана манзаямда сидя яля’ минреӈгуда, мэта ирий’ сидя ю’’ си’’ивумдей яляхад сидя ю’’ синдетимдей толыр’’ ӈэсонд.

Санкт-Петербург маркана ӈэрм я’ тер’’ толыродо’ тянё ненэцие’’ вада нерня’ таневам’ тасламбиць’’.

Хор’’ ирий няхар’’ юдимдей яляхад няхар’’ ю’’ нертей толыр’’ ӈэсонд Петербург’ маркы площадкахана международной конференция « Фестиваль языков народов Севера» манзаямда минредась.

На Ямале родители из числа коренных малочисленных народов Севера начали получать методическое пособие «Ребёнок от нуля до трёх» на родных языках.

Издание выпущено на русском, хантыйском, селькупском и ненецком. Оно предназначено стать практическим руководством для родителей, ведущих кочевой образ жизни, в самый ответственный период жизни ребёнка.

Методичка создана на основе книги Татьяны Волосовец, координатора федеральных проектов в сфере науки, образования и просвещения «Воспитатели России».