Вы здесь

Сава сём’ ӈани’’ намдаваць

Праздник «Сава сё-2017» состоялся!

Тенебнана’’ округна’’ еркы маркана сидя ёнар’’ похона ӈока хынокад’ хибяри’’ ма’’лэйдаць. «Сава сём’» нюбета конкурсан’ хибярина’’ турӈаць. Няръяна маркана нертей фольклорной фестиваль-конкурс’ миӈась. Тарця конкурс’ яханана’’ Анастасия Федоровна Михайловахад’ миӈа, «Сава сё» – пыда и’ӈута. Тамальӈгана Анастасия Федоровна этнокультурный центрхана ненэцие’’ отдел ервотаӈэ’ манзарась. Ненэцие’’ культурам’ теневана, харта хынокад не манзаямда мэнедась, теневадась. Нертей хамадавы фестиваль’ саць сававна ваерась. Тикы яля’’ хибяри’’ ихина тенад’ иле’’.

«Сава сё» фестиваль’ ӈод’’ тенад’ тане, тены’’ по’’ ӈэсонд’ тэвы’’. Этнокультурный центрхана манзарана’’ нина’’ хусувэй сидя по’’ ваерась хынокад’ хибяри’’ маркана ма’’лаби’’. Фестиваль’ хусувэймэвна несэйворӈа. Хусувэй фестивалян’ турта’’ поӈгана несэй хыно’’ман харвана’’ хибяри’’ ӈадиворӈа’’, хыно’’манзь ӈацекы’’ турцеты’’, ӈэсыхыт’ товы’’ ӈацекы’’ коллектив’’ сценахана маниесьтыва’’.
Тикахана этнокультурный центрава’’ ӈарка мяӈэ’ хэнараха’ ӈэсеты, ханяна яндахат’ товы’’ хибяри’’ харто’ манзаидо’ манэ’’лабтабасеты’’. Округна’’ ӈэсыхыт , хэвхы’ округхат турта’’ мядондина’’ танесеты’’. Хусувэй товы хибяри харта сёмда фестивалян’ тэврасеты.
Ваеравы ныланава яляхана маркы’ Дворец культуры хардахана ӈани’’ хынокад хибяри’’ ядабтамбиць. 2017 по’ «Сава сё» хэбидя яля’ ваерась, ненэцие’’ вадавна хынота’’ хибяри’’ ма’’люрӈаць. Яля’ пэвсюмбы сяс’ ватамбой хибярина’’ нито’ пумна сценахана хыно’’ӈаць. Хынокад нина’’ маймбась ядабтабинаць. Фаина Ледкова, Валентина Тайбарей, Надежда Талеева, Екатерина Тайбарей, Екатерина Ардеева, Татьяна Затукаускене невхы сё’’ мэ’’ӈаць. Ихиня сомбой манзаи’’ народной ансамбль’ песни и танца «Хаяр», «Маймбава», ненэцие’ театр «Илебц», Красной ӈэсыхыд’ «Нянэй сё», «ӈодякоця» фольклорной группа, ӈацекы’’ танцевальной коллектив «Морошки», «Северок», «Северные струны» нюбета детской школа – искусств’ инструментальной ансамбль’ манэ’’лабтаць.
Сценахад сеян’ мэёвна еримберта сё’’ намдурӈаваць. Ваеравы ныланава яляхана «Сава сёхона» манзаравы’’ нина’’ сырманзь, инзелеванзь товы’’ хибяри’’ сею’’ ӈани’’ маймбтейдонзь.
«Тюку яля’ ма’’лёва саць сававна ваерась, манэ’’ӈава’’ сяӈок хынокад’ хибяри’’ яханана’’ иле’’, ханзер’’ хойхана мюсерта’’ нина’’ илевамдо’ минредо’. Хыно’’манзь товы’’ хибяри’’ нидо’ намда’’, танеда серудо’ ӈобкана тасла’’, – тарця вади’’ округна’’ маркад хахаяда ӈэсыхыд товы не’ Анастасия Ледкова хэтась. Анастасия тарця’ фестивалян’ нертеймэвна турӈась. – Теда сава ихиня’ мякан’ хантадм’, Тюку яля’ намдвын’ пон’ сейханан’ илеӈгу’’. Хари’’ тэнз’ культурам’, историям’, традиция’ тенева тара, тю’’у пэрць. Тикахад’ хусувэй хибяри ныхыда ӈадиберӈа.
Нина Баркулёва хынокад’ не, ӈока сёмда намдурцетыва’’. Ваеравы «Сава сёхона» инзелеванзь товы’’ поӈгана мэсь: – Хусувэй тэнз’ ненэця’’ харто’ фольклорамдо’ лэтбидо’. Тикахад’ хибяри’’ иле’’. Хари’’ тэнз’ сё’’, хынс’’, вадако’’ пудана’’ илевндаха’ тэврась тара’’ним.
Тарця’ ихиня сомбой хэбидя яляӈэ’ ваеравы «Сава сёва» пон’ тамна хибярина’’ ихина илеӈгу’’. Пон’ тамна хыно’’мы’’, таравы’’ хибярина’’ тенеӈгуна’’.
Тюку’ мэвахана ненэцие’ сё’’ ӈарка ялям’ хамадавы нина’’ вадамна: – Ненэцие’ сё’’ пилибт’’ танесь. Маня’’ хибярина’’ пилибт’’ хыно’’ӈаць, лаханако’’ мэ’’ӈаць. Тюку яля’ хыно’’мы’’ нина’’ хамадавы манзаидо’ сейхад’ миӈаць, мал’’ пэдоваць, ивъер’ манзараць. Няндо’ сейхад’ минда’’, ӈарка вада! Сидя по’ ваерась нина’’ ӈани’’ «Сава сёхона» манэ’’тына’’. Тарця ялям’ маймбась ӈатеӈгува’’.


Перевод на русский язык

Дивная мелодия в столице округа

В 2000 году впервые в округе прошел конкурс ненецкой песни «Сава сё» («Дивная мелодия»). Инициатором проведения фольклорного фестиваля-конкурса и продвижения самобытной ненецкой песни была Анастасия Фёдоровна Михайлова, в то время заведующая ненецким отделом ЭКЦ. Фестиваль удался, а сотрудники центра, воодушевленные успехом, к последующим фестивалям постоянно радовали участников и зрителей разного рода творческими находками.

Меняя тематическое звучание и формы проведения, мероприятие не утратило со временем своей привлекательности и актуальности. Фольклорный фестиваль проводится раз в два года. И тогда окружной Этнокультурный центр превращается в большой чум, в котором демонстрируют свое удивительное мастерство целые фольклорные коллективы и отдельные исполнители из разных уголков нашего округа и соседних регионов.
В минувшие выходные городской Дворец культуры вновь встречал участников праздника ненецкой песни «Сава сё-2017». На этот раз под аплодисменты зрителей выходили на сцену известные исполнители ненецких песен – Фаина Ледкова, Валентина Тайбарей, Надежда Талеева, Екатерина Тайбарей, Екатерина Ардеева, Татьяна Затукаускене, народные ансамбли песни и танца «Хаяр», «Маймбава», ненецкий театр «Илебц», фольклорные группы «Ненэй сё», «Нодякоця» из Красного, детские танцевальные коллективы «Морошки», «Северок», инструментальный ансамбль детской школы искусств «Северные струны», вокальные группы и певцы-любители.
Со сцены звучали лирические, обрядовые, эпические, личные именные песни. Через них исполнители словно передавали привет от наших предков. Фестиваль – это яркий праздник творчества. Он дарит каждому участнику незабываемые встречи и впечатления, заряд любви и доброты.
– Сегодняшняя встреча – это возможность показать богатое историческое наследие нашего региона, в том числе окунуться в быт и традиции кочевого народа, а для участников фестиваля – обменяться опытом, – поделилась своим мнением зрительница Анастасия Ледкова, впервые приехавшая на фестиваль. – Северный напев содержит в себе тайну и трепет. Когда слушаем участников фестиваля, мы признаем эту тайну, чувствуем в себе трепет, ощущаем ледяное дыхание земли, согретое человеческим сердцем, мудростью, любовью. Мы понимаем величие народной души, принимаем культуру, историю, традиции. И становимся лучше.
Как подчеркнула постоянная участница фольклорных фестивалей Нина Баркулёва, фольклор – это основа того, чем живет народ. Это настоящее, замечательное, корневое. В нем заключается смысл, суть, душа народа.
А организаторы праздника ненецкой песни убеждены, что народная музыка была и будет всегда. И сегодняшние исполнители ненецкой песни говорят с нами не на языке современного мира, а на языке сердца, души и корней. На том языке, который не всегда понимаешь, но всегда чувствуешь. Это и делает фольклорное искусство уникальным, дорогим и бесценным наследием для потомков.