Хибяри савумдамбава сер’ нямна хуркари лаханава’’ ӈока ӈэсеты. Ханяна сейхана ниня сомбой вади’’ мэта’’ танесеты, ханяна сава вада’’ сосеты. Тарем’ ӈэбнанда’ ӈод’’ хаӈгулась лекар’ мят ядсетыва’’, лекарьхад’ нядаӈговам ӈатесетыва’’. Хаӈгулась лекарьт’ енасьтыва’’.

Ханзер’’ пыдо’ манзаяхандо сырӈа’’, тикахад’ маня’’ сенз’ ӈэвава’’ пере.
2011 по’ нарам’ Нина Назаренко саць сававна тенеда. Тикахана Индигахана едэй савумдаӈголава харадм’ миць. Сидя яӈорэй’ харадхана ӈавар пирембавадо’, ӈаволавадо’, лекар’ манзарась лоходо’ няхататто’ яӈгаць. Нина Петровна тамбир’’ харадм’ пон’ ӈатедась. « Тикы нерде ӈока по’’ ямбан невхы хардахана хибярина’’ савумдабинаць. Едэй савумдаӈголава харад’ ӈадима серт’ ӈока ныхыми’ масьтедамзь. – тарця вади’’ Нина Петровна хэтась.
Ӈэсынандо’ савумдаӈголава харад’ мимбвандо’ ёльцяӈгана таняна манзарана’’ хибяри’’ ня ӈока тасалкосьты: ӈамгэм’ ханзер’’ сертась саварка ӈэӈгу, хусувэй сертабада манзаи’’ харта маниейдась. Ӈодьбянда едэй манзарась’ мэта хардамдо’ мипвандо’ ёльцяӈгана сэвханата хайлада ӈадиць. Пыда маймбись, харта ӈэсынанда илена’’ хибярита е’’эмня тарана серм’ серта’’, теда хибяридо’ едэй савумдаӈголава хардан’ турта’’.
Едэй савумдаӈголава харад’ мива’’ нямна ида’ ӈока по’’ манзараванда ямбан няркнась. Ивъер’ манзарана лекар’ манзарава тэри’’ тарем’ нись ваера. Сававна манзараванда е’’эмня «Отличник здравоохранения» знакм’ ня’’мась, «За заслуги перед Отечеством’ 2 степени» орденда таня, 2006 поход «Заслуженный врач РФ» почетной званием’ мэ’’ӈа.
Пыда 45 по’ ямбан ӈэсыхынандо’ савумдаӈголава харад’ ервотаӈэ тарась. Хусувэй хибяри’ ня манзарась теневана, тю’’уна ӈамдёда’’ ерв’’ ня тарана манзаи’’ ёльцьханда таслабсетыда, лекар’ манзаяхана тарана ӈавори’’ ӈэсыхында тэво’’ласеты.
Нина Петровна Назаренко тарця хибяриӈэ’ соявы – пыда сёнзяда’ лата не, ида хусувэй хибяри, хусувэй сер’ нямна пилибт’ ядэрӈа.
Ӈэсынанда си’’ив классм’ ёльце’’махаданда тамна нерня тоходанавась Омск’ март ӈэдалавыць. Омской медицинской институтм’ 1968 похона ёльцесь округхана’’ манзаравась тэвыць. Пыда сита’ соя’’вы яханда, Индиган’ манзаравась ӈэдараць. Нина Петровна ӈопой яхана, ӈопой манзаяхана, Индига ӈэсыхы’ савумдаӈголава харадхана тет ю’’ самляӈг по’’ ямбан манзарась.
– Мань хойхана вадыдамзь, теневадм’ – хоян’ лекар’ това ӈарка яляраха’ ӈэсеты, – тарця вади’’ Нина Петровна хэтби. – Хибяри’’ няна’’ ена’’, маня’’ ӈод’’ хойхана мюсерта нина’’ нядабасьтына’’. Ханя пыдо’ ханта’’, мюсерць яхад’ савумдаӈголава харад’, поликлиника’’ ӈахы’ яхана ним’ ӈа’’. Теда манзарась незеларка, едэй ӈавори’’ ӈадимдана’’.
Невхэна округханана’’ передвижной медицинской отряд’ танець, ӈавнанда пон’ манзаравндаць. Таняна манзарана’’ хибяри’’ хойхана мюсертаха’ тэворӈаць, хойхана хибяри’’ лекар’’ манэ’’саръядонзь.
Тарем’ ӈод’’ хаӈгуртина’’ танесеты’’, Ханяӈэхэна хойхана мюсерта хибяри сенз’ ӈэва ӈопой лекарькад’ нисьты’’ пере’’. Тыбэртя тэтнаванда’ нид’’ хаӈгулась савумдаӈголава хардан’ тось нисьты’’ парумбю’’. Тарця серкана ӈобнзер’’ манзарась серо’’ӈа’’.
Нина Петровна округханана’’ теневана не, общественной манзаям’ илеванда ямбан пэрцеты. Иван Егорович Ледков’ теневана нянда нямна тарця вади’’ хэтась: – Нина Петровна хуркахарт’ манзаяхад’ нисьты хаюр’’, вадари’ сяхарт нисьты ӈа’’, серкана ӈока хибярим нядавы. Ида’ нита’’ нямна няркнасеты. Округна’’ депутатӈэ’ тараванда мальӈгана ӈэсыхына илена’’ хибяри’’ илм’ саваркаӈэ’ сертава е’’эмня ерву’’ поӈгана ӈока лаханасеты. Тыбэртя’’, ӈацекы’’ нямна вадида танесеты.
Валентина Ивановна Дьячкова Индигахана илесь, Нина Петровна’ ня ӈопой ӈэсыхы’ терха. – «Ясавэй» ассоциацияхана нертей яляхат’ манзарась, маня’’ ӈэсыхынана’’ ӈарка общественной манзаям минресь. Хусувэй серт’ ивъер’ сырта не. Илеванда’ ямбан Индигахана иле, сертавэда ӈока.
Нина Петровна теда’ ӈод’’ сертабада серуда тянё’’ ни’’ӈа’’. Ӈани’ сер илесь пыда мале нида’ пирас’’. Ханярина мэбнанда’ ӈод’’ харта янда’ тер нида’’ нисьтыда юрбю, тарабнанда хибярим’ нядаӈгуда, ханяна ихиня сомбой вадам’ няханда хэтаӈгу.
Тюку ирий’ 11 яляхана Нина Петровна Назаренко си’’ив ю’’ самляӈг помда ядабтась. Тад’ нерня’ ӈод’’ илевада сававна миӈая, сенз’ ӈэя!

Перевод на русский язык

Беспокойный доктор

Можно долго критиковать наше здравоохранение, но, когда сталкиваешься с конкретным человеком, дела которого оправдывают высокое звание врача, негатив невольно улетучивается.

…Весна 2011 года по-особому запомнилась Нине Назаренко. В Индиге была сдана в эксплуатацию новая участковая больница. На двух ее этажах разместились кухня, столовая, кабинеты, в которых можно было принимать пациентов. Как выяснилось, все последние годы это и было ее самой заветной мечтой.
– Лечить земляков в столь комфортных условиях никогда раньше не доводилось, – говорит Нина Петровна. – Ради этого стоило жить и работать, для меня это лучшая награда за труд.
Ее мнение было самым авторитетным на всех стадиях строительства больницы – при проектировании, возведении, оснащении нового лечебного учреждения. И не случайно, когда на новостройке торжественно перерезали красную ленту, Назаренко стала, по сути дела, виновницей торжества. И были слезы радости и осознания того, насколько качественно изменилось в ее родной Индиге отношение к здоровью и нуждам жителей.
Она всегда болела за это душой. И безграничная преданность профессии была отмечена знаком «Отличник здравоохранения», орденом «За заслуги перед Отечеством» II степени. В 2006 году Нине Назаренко было присвоено почетное звание «Заслуженный врач РФ».
45 лет она – бессменный руководитель поселковой больницы. Умело выстраивала деловые отношения с вышестоящим начальством, могла убедить в необходимости лучшего оснащения лечебных кабинетов, срочной поставки препаратов.
Такой уж родилась Нина Петровна Назаренко – с неспокойным характером и с большой душой. После 7-го класса Нина уехала на учебу в Омск. В 1968 году, после окончания с отличием Омского медицинского института, она вернулась в Ненецкий округ и была направлена по распределению в родную Индигу. В ее трудовой книжке всего одна запись: принята на должность главного врача Индигской участковой больницы.
– Я выросла в тундре, знаю, какое здесь событие – приезд врача, – рассказывает Нина Петровна. – Люди верят в нас, и мы стараемся помочь тундровикам, живущим за сотни километров от больниц и поликлиник. Конечно, можно работать еще лучше. Мы часто говорим о достижениях современной медицины. Кто спорит, конечно, они есть, но часть тундровиков остается вне поля зрения. В свое время передвижным медицинским отрядам прочили доброе будущее. На то были основания. Первыми они стали обслуживать кочевое население прямо на маршрутах кочевий. Однако здоровье тундровика зависит не только от врача. Все наши усилия будут тщетны, если не изменить условий жизни оленевода. Да и сам пастух не очень-то думает о нем. Врачам не досаждает. Некогда! И мы обязаны всегда находить для него время!
– Нина Петровна известна как неравнодушный человек, болеющий душой за свой народ не на словах, а на деле, – рассказывает Иван Ледков. – Как депутат Совета народных депутатов округа она неустанно ставила перед властью вопросы улучшения жизни и здоровья жителей сельской глубинки, в том числе привлечения узких специалистов. Ее основной заботой были оленеводы, особенно дети.
И сегодня Нина Петровна Назаренко, несмотря на пенсионный возраст, в строю. Хлопот у нее – и общественных, и семейных – как всегда, много.
– А иначе себя не мыслю, как представлю жизнь вне работы. Кажется, тут же она и закончится, – улыбается Нина Петровна.
Она не мыслит себя без коллег, с которыми бок о бок проработала многие годы. По словам пациентов, Нина Петровна была очень внимательным доктором. Где бы ни находился больной, в каком бы городе ни продолжал лечение, всегда позвонит, успокоит, поддержит в трудную минуту.
Вот такой беспокойный доктор живет в Индиге. Поистине, врач на селе больше, чем врач! В эти весенние дни врач Назаренко отметила 75-летие. От всей души поздравляем Нину Петровну с днем рождения, желаем крепкого здоровья, творческих успехов и счастья в доме!