Ваеравы ныланава яляхана округна еркы’ маркана нянэй ненэця’ е’’эмня хамандавы сян’ ма’’лёва ваерась. Округна хусувэй ӈэсыхыт’ товы’’ хибярина маркана манзараць, тыбэртя’’ нина’’ сянаковам’ маниець.

Хибя сямянд’ мереӈа’’? Тарця хибярина ваеравы пирдыр’’махана нюмдець. Хибяри’’, хуний хойхана мюсерць иле’’. Хибяри’’, хуний иринана, хадунана мэ’’мы’’ илм’ нерня минредо’. Тюку ирийна нябимдей яляхана Няръяна маркана «Сямянхат мерета» пирдырма ваерась. «Сямянхат мерета» сянаковахана ныхыдо’ хормась тет ю’’ сидя хасава’’, синдтет не’’ товыць. Мал’’ пыдо’ хойхана илена’’. Харто’ манзаидо’ теневана’’, ныхыта’’ хибяри’’ СПК «Харпхад» таняць, тикахад’ Нюдя яхад’ тыдо’ семейно-родовой общинахана пэртя ненэця’’ товыць. Тарця община нюбедо’ – «Нерута», «Табседа», «Варк», « Сармик», «Вы ту», «Ялумд».

Хойхад’ товы’’ хибярина поӈгандо’ пирдырӈаць. Хасава’’ хан’ тя санарӈаць, тынзям’ моепиць, тэхэ’’на ӈэдалёрӈаць. Хибядо’ тарця серкана нердець? Нюбедо’ ӈани’ яляхана падӈгуна’’. 

Тамна хаювы ныланава яляхана «Ясавэй» ассоциацияна ма’’лёва ваерась, таняна общественной организацияна няхар’’ по’’ ямбан манзаравам’ таславаць’’. Тикахад’ Президентдава тэраваць’’, Советхана манзаравнда ненэцие’ нюмдеӈгуваць’’, Совет старейшин тэраӈгуваць’’, молодёжной Советхана’ манзаравнда ӈацекы’’ нюмдеваць. 

Ненэцие’’ ма’’лёва

Ваеравы ныланава яляхана округна еркы’ маркана нянэй ненэця’ е’’эмня хамандавы сян’ ма’’лёва ваерась. Округна хусувэй ӈэсыхыт’ товы’’ хибярина маркана манзараць, тыбэртя’’ нина’’ сянаковам’ маниець.

Хибя сямянд’ мереӈа’’? Тарця хибярина ваеравы пирдыр’’махана нюмдець. Хибяри’’, хуний хойхана мюсерць иле’’. Хибяри’’, хуний иринана, хадунана мэ’’мы’’ илм’ нерня минредо’. Тюку ирийна нябимдей яляхана Няръяна маркана «Сямянхат мерета» пирдырма ваерась. «Сямянхат мерета» сянаковахана ныхыдо’ хормась тет ю’’ сидя хасава’’, синдтет не’’ товыць. Мал’’ пыдо’ хойхана илена’’. Харто’ манзаидо’ теневана’’, ныхыта’’ хибяри’’ СПК «Харпхад» таняць, тикахад’ Нюдя яхад’ тыдо’ семейно-родовой общинахана пэртя ненэця’’ товыць. Тарця община нюбедо’ – «Нерута», «Табседа», «Варк», « Сармик», «Вы ту», «Ялумд».

Хойхад’ товы’’ хибярина поӈгандо’ пирдырӈаць. Хасава’’ хан’ тя санарӈаць, тынзям’ моепиць, тэхэ’’на ӈэдалёрӈаць. Хибядо’ тарця серкана нердець? Нюбедо’ ӈани’ яляхана падӈгуна’’. 

Тамна хаювы ныланава яляхана «Ясавэй» ассоциацияна ма’’лёва ваерась, таняна общественной организацияна няхар’’ по’’ ямбан манзаравам’ таславаць’’. Тикахад’ Президентдава тэраваць’’, Советхана манзаравнда ненэцие’ нюмдеӈгуваць’’, Совет старейшин тэраӈгуваць’’, молодёжной Советхана’ манзаравнда ӈацекы’’ нюмдеваць.