Вы здесь

Тыбэртя’’ ассоциациядо’ ӈадимя’’

Представители 19 субъектов РФ  приняли участие в работе IV съезда  оленеводов

Россиянана’’ хасую’’яӈганя субъектхана тыбэртя’’ харто’ яханандо’ манзаидо’ пэрӈа’’. Ханярина илена’’ тэхэ’’на’’ мэна’’ ненэця’’ манзаяханандо’ танена’ серудо’ таславась ӈобкана ма’’ласьтыд’’. Тарем’ мале’ Москвахана, Саляхардхана, Няръяна маркана ма’’люрӈаць. Тюку’ мэвахана тыбэрма’ серу’’ тасламбада’’ хибяри’’ Якутск март’ турӈаць, таняна тыбэртя’’ тетимдей съездамдо’ мэ’’ӈаць.

Арктикахана илена’’ хибяри’ ӈод’’ несэйвана илеван’ харва’’. Манзарась ядо’ танебнанда, ханяна тыдо’ пэрта’’. Халяхад, ты’ ӈамзахад хуркари’’ ӈаваро’’ сертабабнандо’. Тарем’ манзарава’’ е’’эмня ӈэрм’ няна илена’’ хибяри’’ нядась тара’’. Тикы’ е’’эмня Закон’’ манзарабнандо’, еся’’ нядма’’ танебнандо’. Тикахана ӈэрм’ ненэця’’ таӈгась харто’ серудо’ нерня’ минреӈгудо’. Манзаяхана тарана’ ӈаворидамдо’ морозильник’’, коптильня’’ ӈэдакы’’, ӈани’’ таранадамдо’ харто’ тэмдабаӈгу’’.
Тюку’ мэвахана съездхана манзаравы’’ хибяри’’ ӈарка ервха’ хонарковидо’ ӈокаць. Хойхана илена’’, манзарана’’ хибяри’’ илӈгана, манзаяхана тарця сер’’ ӈадиберцеты’’, ханяӈы ӈопой хибярихид’ нисьты’’ пере’’. Нумгад товы серкад’ тым’ ханзер’’ лэтраӈгуда. Тад’ ӈэрёй сарё’’пуд я’’ саламбаӈэ ханимбата, сырэй’ мальӈгана сата хад’’ тобнандо’, лэркабт’ хуркари’’ хабця’’ ӈадимбнандо’. Илекахад, тад’ вы’ я’ паранабнанда ханзер’’ тым’ лэтрась. Тарця серу’’ таслава’’ е’’эмня федеральной законодательством’ несэюмдась тара. Ӈэрм’ яхад тэравы’’ депутат’’ Государственной’ Думахана манзара’’. Тыбэртя’’ ненэця’’ харто’ ядо’ ӈэбнанда тара, ханяна тыдо’ пэрта’’. Толырто’ тянё ненэця’’ я’ нямна маня’’ депутатна’’ законодательной инициатива госдумахана небой поход’ ӈа’’. Ӈэрм’ яхана илена’’ хибяри’’ господдержка’ нямна хамадавы Законм’ ӈод’’ ӈате’’. Луца’ вадавна хэтась – северное оленеводство, табунное коневодство манзая’’ нерня’ сававна мимандо’ е’’эмня ӈэрм’ ненэцие’’ есяхана нядась таравам’ съездхана манзаравы’’ хибяри’’ таслабидонзь.
Тыбэртя’’ ма’’лёяхана яндахат товы’’ хибяри’’ ӈокаць, пыдо’ манзаядо’ тыбэрма серкат’ пере. Ямалхад’ ӈарка делегация’ манзарась. Алексей Ситников ЯНАО губернатор’ ӈуда’ ӈылӈэ’ манзара, пыда тарця вадида’’ луца’ вадавна тарем’ со’’: – Необходимо вернуться к вопросу государственного регулирования оборота пантовой и эндокринной продукции оленеводства. Сегодня в России отсутствует порядок выдачи разрешений на заготовку и переработку пантовой и эндокринной продукции, нет необходимых ГОСТов. В результате ценное сырьё попадает на стихийный рынок, при котором государственные бюджеты различных уровней теряют доходы в виде налогов.
Тамна съездхана хойхана манзарана’’ не’ нямна лаханаць. Мяд’ манзаям’ минрена не ныланавам’ ехэрась мякнанда хусувэй манзаям’ пэрӈа, тарем’ ӈод’’ падаркана тикы манзаяӈэ’ ни’’ толю’’. Мяд’ манзая – манзаяӈэ’ толёбнанда тара. Тикахана не луца’ вадавна манзь – социальной гарантиидо’ танеӈгу’’.
Хусувэй съездхана манэ’’сармы сер’’ резолюциян’ падыдонзь. Тамна ӈокаюв’ делегат’’ тарем’ тасладонзь – Ямалхана тыбэрма’ серт’ ивъер’ сырӈа’’. Таняна тыдо’ ӈока’’, хойхана мюсертидо’ иринато’, нисянато’ илевам’ мэ’’ӈа’’. Округхандо’ агропром’ бюджетхана тыбэрма’ серт’ паклевы еся’’ таня. Хасую’’ по’’ тяхана округханандо’ нертей перерабатывающей комбинатм’ нэць, теда’ толырто’ мале тет. Ямалхад’ ты’ ӈамзам’ Финляндиян’, Щвециян’, ФРГэн’ тэврамбидо’.
Тыбэртя’’ тетимдей съездхана маня’’ округхадана’’ Владислав Выучейской’ манзарась, пыда яханана’’ Союз оленеводов манзаям’ нерня’ пэртя.
Ӈэрм’ яхана, Сибирьхана, Дальний Востокхана манзарана’’ тыбэртя’’ е’’эмня съездхана ассоциациям’ ӈадимдець.


Перевод на русский язык

Учреждена Ассоциация оленеводов

Представители органов власти, руководители и работники ведущих оленеводческих предприятий и общин, оленеводы-частники собрались на днях в Якутске на IV съезде оленеводов РФ. Первые три состоялись в Москве, Салехарде и Нарьян-Маре.

Жители Арктики готовы к преобразованиям, им только нужно помочь законодательно, чтобы они имели права на свою землю, могли заниматься не только добычей, но и переработкой добываемой рыбы и оленины.
Делегаты съезда поставили перед федеральным центром ряд вопросов – в частности, о страховании оленей, для чего необходимо внести изменения в федеральное законодательство о страховании животных от гололеда, обильного снегопада, диких животных и пожаров на оленьих пастбищах.
С прошлого года в Госдуме находится законодательная инициатива о закреплении земельных участков за представителями коренных малочисленных народов Севера (КМНС). Жители арктических регионов ждут и принятия закона о господдержке КМНС. На съезде прозвучали также предложения об увеличении финансирования развития северного оленеводства и табунного коневодства.
Первый заместитель губернатора ЯНАО Алексей Ситников предложил вернуться к практике государственного регулирования оборота пантовой и эндокринной продукции оленеводства. Сегодня в России отсутствует порядок выдачи разрешений на заготовку и переработку этой продукции, нет необходимых ГОСТов. В результате бюджеты различных уровней недополучают налоги.
Кроме того, делегаты вновь обозначили свою позицию по поводу отсутствия официального определения роли женщины в тундре. Они настаивают, чтобы понятие «чумработница» было внесено в классификатор рабочих профессий, чтобы предоставить хранительницам сурового тундрового быта надежные социальные гарантии. Все эти предложения вошли в итоговую резолюцию съезда
Еще одним его итогом стало учреждение Ассоциации оленеводов Севера, Сибири и Дальнего Востока. Ее президентом избран первый заместитель председателя Госсобрания Республики Саха (Якутия) Анатолий Добрянцев. По итогам открытого голосования его кандидатуру поддержали 58 делегатов съезда.
Сейчас оленеводством занимаются в 19 субъектах РФ, расположенных в четырех федеральных округах.