Вы здесь

Хари’’ сём’ илӈгананда минре

Егор Лаптандер – участник многих культурных мероприятий округа

Хусувэй хибяри харта мэбебцода таня. Нум’ хибярим’ ӈадимдевысь, пир’’мадамда тавысь. Тавэда ӈока нись’ ӈа’’, тянё нись’ ӈа’’. Тавэда хибяри илӈгана тэврысь, ӈоб’’ пирувна тярмэдась. Тад’ сылась, тярпдада’’ тянёлмы’’. Ханзер’’ ӈэсь? Хаю’’мида’’ тун’ мое’’яда. Тад’ ту тю’’уня хая, тату’’ я’ ни ха’’мыд. Хибям’ тату’’ тэвась, тикы хибяри нум’ пидте’’мэӈэ толы. Нум’ пидтевы манзаям’ пэрӈа.

Егор Лаптандер нюдякоходанда хыноцеты. Нида’’ поӈгнандо’ тарем’ нюмдебасьтыдо’ – маня’’ хынокад нява’’. Харта соя’’мы яхананда илена’’ нида’’ тарем’ лаханасьты’’. Нюдя яхана мэбета хибяри тянё вуни’’ӈа’’.
– Хынабц илеван’ ямбан хэвханан’ миӈа. Ханзер’’ пыдув’ тенев, пили’’ хыноцетыдм’. Хадав’ Лаптандер Парасковья Ипатовна хынокад не ӈэвысь. Ӈацекэӈэ ӈока хадан’ сё намдурцетыдм’, хадан’ хынабцан’ инзелесь немав’ мэцьтыв.- Егор Лаптандер тарця вади хэтась.
Тарцям’ намдурць хасава ӈацекы инда вато’ ӈэсеты. Сём’ намдурпата хаданда ӈуди’ иба сейханда тэвортараха’ ӈэсеты. Тикан’ хасава ӈацекы саць маймбасеты, тамальӈгана няданда ябданарка ӈацекы яӈгуда то’’олха ӈэсеты. Хадахаданда неманда поӈгана ӈока ярабц, сюдбабц, хынс намдась. Хусувэй сёда илӈгад’ миӈась, невхы похо’’на илевы’’ хибяри’’ ханзер’’ илевам’ таняхад намдурцеты.
– Тенад’ хадан’ вабц хаванан’ со, сёмда намдуртарахам’ ӈэсетыдм’, – Егор вадамда нерня’ минреда. – Теда’ тарцям’ ӈэсетыдм’, нюдякоӈэ намдвын’ сёӈэ’ мэ’’ман’ харвасетын. Харвабнанда, сяхаӈгова тикан’ тэвӈгув’’.
Мань’ школа-интернатхана тоходанван’ мальӈгана хыноць пявась. Тенев’’, нертей мэва Победа’ ялян’ хамадавы концертхана «Прощайте скалистые горы» сём’ мэ’’ӈадамзь. Школаханана’’ музыкам’ минрена тохолкодаӈэ Ольга Ионатовна Древецкой тарась, пыда нянан’ манзарась.
Сававна хыно’’мав ӈод’’ пыда сэвтедась. Тикы’ пуд’ сими’ нерняку пэрцеты, нядабасьты, хусувэй концертхана хыноцетыдм’.
– Тохолкодин’ саваць, сими’ нерня’ пэрцеты’’. Тарем’ ненэця’ вадав, ненэця’ сё’’ мэнел’’мав ӈани’’ школахад’ миӈа. Ненэця’ вада тохолкодав, классной руководительми’ Матрена Ивановна Талеева ӈока нядаӈгосеты.
Тены’’ яля’’ ӈэсонд тохолкодахан’ ядсетыдм’. Матрена Ивановна’ ня илм’ нямна лаханакурцетыни’, тарана сер’ таслабсетыни’. Пыда вадида’’, табекуда’’ нянан’ ёльце тара’’, сими’ теда’ ӈод’’илӈганан’ нядабасеты.
Егор Лаптандер Нельмин Саляхана соявы. Небяхаданда, нисяхаданда мер’’ хаёвысь. Евако’’ ӈацекы’’ хардахана вадюданась, школа-интернатхана тоходанась. Маркана хасую’’ классм’ ёльцесь харта соявы’ яханда ӈэдалавыць. Мат’’ яӈганя пота хасава ӈацекы по’ ямбан’ Саляхана илевысь. Ӈэсыхынандо’ манзая яӈгось, нивысь манзара. Нисямда, небямда хуркари серкана нядабавысь. Ёрцеты, ханисэйм’ ня’’амвась ядэрцеты. Нисянда’ хэвхана илеванда’ мальӈгана ӈока хой’ хасава манзаяха’’ тоховысь. Ханзер’’ яӈгом’ мярась, хабэвком’ ня’’мась, поӈгам’ паӈгалць, мярась – тикан’ нисяда тохолавэдась. Сэдорась ӈод’’ тоховысь, теда’ харта пивадамда сэдбасеты, ӈылабасетыда.
Тикы’ пуд Егор маркана профтехучилищехэна миртяӈэ тоходанась. Таняна тоходанвы’’ ӈацекы’’ ӈокаювдо’ «Юность Севера»’ ансамбльхана тараць. Ӈацекы’’ тохоламбада Галина Владимировна Шелыгинской маня’’ хасава ӈацекэва’’ тикы ансамблян’ тараванзь’ хамэдась. Тарем’ Егор тарась пядась.
Теда’ Няръяна маркана иле, «Хаяркана» тара мале няхар’’яӈганя по’’ тара’’. Егор Лаптандер – балетмейстерӈэ манзара. Тикы’ хавна харта хыно’’ӈа, тара’’. Тарця манзаяхана манзарась ӈока ӈамгэм’ теневась тарасеты’’. Профессиональной образованием’ ня’’амва’ е’’эмня ида’ ядэрцеты. 2009 похона Салехард’ маркы училище искусств’ хардан’ тоходанвась хан’’ӈась, валакада тоходанвамда нивэдась ёльце. Харданда’ нямна тябехутвысь, таняна илеванда е’’эмня есякода нивысь’ тэвор’’. По’ пеля тоходанась Няръяна март’ товысь.
Егор илевамда нерня’ харта минреда, илан’ ивъер’ сырӈа. Маркана илесь мята яӈгу, тикы сер’ теда’ таслаби. Ӈока по’’ ямбан’ общежитияхана хэвний хибяри лохокохона иле, тикы е’’эмня есям’ салдаби. Недво’’мы есьта’ пелям’ таня мипида. Ханяӈэхэна нядаӈгода яӈгоб’’ нянанда сибиць нисьты’’ӈа’’.
Тикахана невхэна илевы’’ перенита’’ нямна ибедорцеты. Ханзер’’ пыдо’ илевы’’? Ханзер’’ пыдо’ серудо’ таслабвыдо? Ханзер’’ маня’’ теда’ илебна’’ тара? Ханяхад маня’’ паӈгуна’’ пере’’, тикым’ мань’ теневын.
Теда’ манзаяв’ таня, хыноць мян’’ӈав’ – тикы илӈгад’ тэвравы мядонзэй’ нив’ ӈа’’, мань’ ябув’ ӈэдакы. «Хаяркана» ненэцие’ тарабцона’’ ӈока по’’ ямбан’ манэ’’лабтабива’’, тарця манзаява’’ нерняри минрева’’, пили’’ несэймдамбива’’. Ненэця’ культурам’, ватом’, илм’ ӈани’’ тэнз’ хибярихи манэ’’лабтабива’’.
Ивня’ ӈэда манзая’ танева ӈани’’ яб’ нив’ ӈа’’, – тарем’ Егор Лаптандер тасламбида.


Перевод на русский язык

По жизни с песней народной

Музыкальными способностями Егор Лаптандер был одарен с детства. Про него так и говорили – наш певец. Получить у земляков такой титул – это что-то да значит.

– Песня меня сопровождает на протяжении всей жизни. Очень люблю петь с детства: сколько помню себя, всегда что-то напевал, – вспоминает Егор Лаптандер. – Это все от бабушки. Звали ее Лаптандер Парасковья Ипатовна. Помню, в детстве мы никогда не засыпали без ее песен.
Мальчик в такие минуты замирал от блаженства. Тепло натруженных бабушкиных рук, звуки родного голоса навевали на него чувство домашнего уюта, семейного счастья и сладкой дремоты. Сквозь нее он слышал и невольно запоминал напевы: то лирические, то страстные, взволнованные. Это были талантливые голосовые импровизации – ярабц, сюдбабц, хынабц – песни и легенды ненцев, в которых нараспев рассказывалось что-то из истории или из повседневной жизни народа.
– До сих пор слышу голос бабушки, – признается Егор. – Иногда хочу воспроизвести те мотивы, которые слышал ребенком.
Егор Лаптандер родился в Нельмином Носе. Воспитывался в детском доме, учился в школе-интернате. После окончания 9-го класса вернулся к родителям. Тогда ему было 16 лет. В деревне работы не было. Оставалось только рыбачить и охотиться.
– Отец научил меня многому, что в жизни необходимо каждому мужчине: ставить капканы, силки для ловли куропатки, плести сети. Даже научил меня шить национальную обувь.
Егор начал петь, когда приехал в школу-интернат. Он хорошо помнит первое выступление на сцене городского Дома культуры. Был концерт, посвященный Дню Победы.
– На сцене я исполнил песню «Прощайте, скалистые горы». А подготовила меня учитель музыки нашей школы Ольга Ионатовна Древецкая.
Педагог понимала, насколько Егор музыкально одаренный мальчик, и старалась развивать его.
– Учителя сыграли большую роль в моей жизни. Я полюбил язык, песни своего народа. Особо отмечу Матрёну Ивановну Талееву, классного руководителя. По сей день советуюсь с ней. Обсуждаем иногда серьезные вещи, о судьбе говорим, – рассказывает Егор.
В городском профтехучилище, куда он поступил учиться на строителя, ему предстояла встреча еще с одним уникальным педагогом – Галиной Владимировной Шелыгинской, руководителем ансамбля «Юность Севера». Она сумела раскрыть для сотен мальчишек и девчонок красоту танца, музыки, живописи, помогла многим выразить неосознанную тягу к прекрасному.
После училища судьба вновь свела Егора с Галиной Владимировной – уже в ненецком народном ансамбле «Хаяр», где они вместе работают 13 лет. Егор Лаптандер – балетмейстер, вокалист, артист танцевальной группы.
Задумывается и о получении профессионального образования. В 2009 году поступил в Салехардское училище искусств, полгода проучился и вернулся в Нарьян-Мар. Во-первых, очень скучал по дому, во-вторых, материально помочь было некому. Но, как признается Егор, со временем характер у него только закаляется.
– Возможность заниматься творчеством – подарок от жизни, от судьбы, – размышляет Егор. – В «Хаяре» благодаря стараниям энтузиастов сохранены лучшие традиции танцевального искусства. Мы вовлекаем зрителей в мир обычаев нашего народа, воплощая в пластике его мудрость, доброту, талант, трудолюбие. Вспомним хотя бы, как почтительно – да-да, это точное слово – готовились мужчины к охоте. Никто не хвастался ловкостью или удачей. Ведь зверей почитали за древних предков. Глубину народной истории и культуры людям надо открывать заново. Обращение к творчеству позволяет не только шагнуть вперед, но и понять современность. Тут целая поэма чувств.