Саляхардахана округхы центр национальных культур’ мякана Семен Николаевич Няруй сояма’ яля’ ед хамадавы ма’’лёва ваерась. Тюку по’ Ямал’няна илена сё’’ падбада ненэць’ си’’ив ю’’ пода панысь. Ихид ӈэда вадидо’ хэтванзь хынокад няхандо’ӈока ненэця’’ ма’’лэйдаць, теневана’’ нида’’ ӈокаць, сё’’ мэта’’ таняць.

Няруй со’’яма’ яляхана ӈарка концерт’ ваерась, таняна яханандо’ теневана’’ творческой коллектив’’, «Сыра’ сэв»’ ансамбль’ хыно’’ӈаць, тараць, манзаидо’ мядонзэйӈэ тэврэйдонзь. Семен Няруй тохоламбавы некоця’’ Надежда Сэротэтта, Татьяна Лар, Елена Уфимцева тохолкодандо’падвы сё мэ’’ӈаць, нисянда мядонзэйӈэ’ хасава’ нюда’ Нядма Няруй сян сём’ ханась.
Ӈарка пэвдэй’ ирийна 16 яляхана Семен Няруй си’’ив ю’’ пода панысь, Семен Николаевич – ненэцие’’ профессиональной’ композитор’’, ЯНАО’почетной хибяри, РФ культуры заслуженной манзарана.
Си’’ив ю’’ по’’ тяхана 1946 похона Ямал’ нямна мюсерта ненэця’ Николай Тимофеевич Няруй Обской губа’ вархана нувандо’ мальӈгана пухуцяда хасава’ нюкцямда соябтавысь, Семенӈэ’ нюмдединзь. Нисяда саць хынокад’ хибяри ӈэвысь. Мякнандо’ сём’намдван’ харвана’’ ненэця’’ хусувэйхана ма’’лёвы’’ ӈэсеты’’. Николай Няруй ӈока сюдбабцм’, ярабцм’, хынсам’ теневанась. Сёда тэри’’ сомбовна хайнась. Мякнанда ма’’лёда ненэця’’ инзелевандо’ сер’’ манзаяхатато’ ныланасьты’’.
Ненэцие’ ватовна нюкцяндо’ со’’ява’ сер’ небя, нися мядонзэйӈэ’ сёкоцям’ мэцьты, тарця сёмда хибярир’ илеванда’ ямбан мэтада. Тарця сём’ Семен ӈод’’нисяхаданда ня’’мась. Хасава ӈацекы ебцотакоходанда мякнанда нисянда сё’’ намдурцеты, сён’ инзелесь вадювы. Ӈадьбянда харвабнанда сём’ падбава по’’ ваерась манзаяхаданда хэвакы.
1955 похона небянда, нисянда мядм’ хаесь вындер’ хасава ӈацекы тоходанвась ӈэдалэяць. Интернат’ илм’ торомдась, школахана тоходанась. Тамальӈгана баянхана сянаковам’ харвабтась, сё мэцеты. Музыка’ урокда ивнянда ӈэсеты. Сидндет классм’ ёльцесь, Семен Саляхард маркы’ культпросветшколан’ тамна нерня’ тоходанванзь ӈэдалэяць. Таняна музыкам’ тохоламбван’ таминдя саваркавна сырць пядась, хусувэй сер’’ нянанда мэкадархась. Сольфеджиом’, вокалм’, музыкальной литературам’ ивъер’ тохолабидась. Баянхана, фортепианохона сянаковам’ харвась торомдабидась, тоходанась. Пыда музыкам’ ёльце сававна хамадабидась. Ихинянда хой’ илм’, хуркари хойхана танеда мун’’, хусувэй иленя ӈамгэм’ музыкахана манэ’’лабтаван’ харвадась. Пыда’ ёльце сававна хамадабидась, тарця сер’ сибиць ни’’ӈа’’. Тикы’ е’’эмня ӈокавна тоходанась тара. Семен Няруй тоходанась. 1967 похона Салехардахана культпросветучилищем’ ёльцесь. Тикы’ пуд тамна нерня’ музыкан’ Тюмень’ маркана музыкальной училищехэна, Ленинградхана консерваторияхана манзараванда’ сер тоходанась. Ӈарка музыкальной образованием’ ня’’мась Семен Николаевич ӈока по’’ ямбан Ӈэрм’ ӈацекы’’ Саляхардахана училище’ искусств’ мякана тохолабись. Теда’ мале ӈахакуд пенсияхана мэ, нюкцида нядаби, нюта ню’’ е’’эмня нюкобц’ мэ’’ӈа’’.
Манзаяха’’ната Семен Няруй ӈэрм’ ява паскойӈэ’ манэ’’лабтамбида, сянбирувна ненэця’’ и’ӈута’’ сёхоната’’ маниева’’. Пыда сёхоната’’ хой’ тер’’ нина’’ хусувэй яля’ манзаравам’ маниева’’, ныланава’’ ялуто’ ёльць хамадабива’’; нина’’ хуркари’’ сер’’ нямна ибедормам’ хомбива’’, ӈэрм’ яхана илена’’ хибяри’’ нерня мимам’ маниева’’. Музыкам’ падбада нява’’ нянэювна тикы’ нямна манзара.
Манзараванда’ ямбан сертавэда мале ӈока. Поӈгнандо’ «Ритмы тундры», «Танец с бубнами», «Ероко». Семен Няруй сём’ ёльце харвабтана ненэць’, тикы’ нямна сюдбя паднана. Ниня’’ ӈарка падвы манзаяхананда ӈэрм’ яна паской ӈэвам’ ӈули’’ мэёвна манэ’’лабтаӈгуда, сёнзянда’ мюй хусувэй манзаяханда паклембида. Сидя юр’’ мян’ тарця’ манзаям’ падвы.
Сямянд’ теневана сёкоцяда «Су’’ляко’’», тикы сюдбя сём’ яндаха’’на илена’’ хибяри’’ мэ’’ӈадо’. Ӈока по’’ тяхана Москва’ маркана дом звукозаписи мякана падбэй, тикы’ пуд ӈарка яна’’ хусувэй радиостанцияхана намдурцетыва’’, пластинкаха’’ сертавы. Тикы сё’ вади яндаха’’на теневана ненэцие’ паднана Леонид Лапцуй’ падвы. Музыкада ёльце ихиня сомбой, сата’’ мерцядарев’ я’ нимня сюреденя сё.
Тамна ӈопой пилибт’ хахана намдурта сёда’ «Хамзнами», тикахад выӈгы я’ нямна падвы манзаида луца’ вадавна тарем соӈаха’ – «Серебряный олень», «Обь». «Ехал ненец на оленях» сём’ намдурпана’’, сэвна тяхана’’ хувы синё’ тяхана паской якоцява маниесьтыва’’. Ина’ вато’ ӈэсетыва’’.
Тюку ялян’ лаханая, Семен Няруй падвы сё мэта’’ хибяри’’ тянё’’ ни’’ӈа’’, поӈгнандо’ ӈарка хынокад хибяри’’, творческой коллектив’’ таня. Семен Николаевич ихиня сомбой сёкоцям’ хасава нюкцяханда тэврадась. Теда’ Нядмада ӈобтарем’ хыно’’ӈа’’. Ханяӈэхэ’’на нисянда ня’ ӈобкана тад’ сёкоцямди’ ханаӈгуди’, тарцям’ намдась вынд’ тэвнархан’ ӈэӈгун’. Сёди’ ӈахы яхана сосьты.
Со’’яма яляхананда Семен Няруй округандо’ губернаторкад’ знакм’ «Почетный гражданин ЯНАО» ня’’мась. Тамбир’’ ӈарка нювм’ минресь нерня’ илеӈгу, тарця знакм’ ӈарка манзаям’ сертабавахананда недво’’мы.
Теда’ ӈод’’ ненэця’ композитор падвы сё’’ мэта’’ хибяри’’ ханярина иле’’. Хусувэй концертхана падвы манзаида сосьты’’. Семен Николаевич тохолабвы хибяри’’ теда’ культурахана манзара’’, тохолкодамдо’ тенедо’.

Перевод на русский язык

Пусть никогда не кончается песня

16 декабря исполнилось 70 лет первому профессиональному ненецкому композитору, почетному гражданину ЯНАО, заслуженному работнику культуры РФ Семёну Нярую.

В Салехарде в окружном Центре национальных культур состоялся его юбилейный вечер. Поздравить земляка пришли сотни ямальцев. В концертной программе приняли участие известные творческие коллективы, национальный ансамбль танца «Сыра’ сэв», ученики Семена Николаевича – Надежда Сэротэтта, Татьяна Лар, Елена Уфимцева, несколько песен исполнил сын композитора Нядма Няруй.
В далеком 1946 году на берегу Обской губы в чуме ямальского оленевода Николая Тимофеевича Няруя и его жены Марии родился первенец-сын Семён. Отец будущего композитора был знатоком ненецкого фольклора, в его чуме всегда собиралось много народу, чтобы послушать эпические песни – это были сюдбабцы, ярабцы, хынобцы, которые повествовали об истории народа. Песни, сказки, былины украшали однообразную жизнь тундровиков.
Испокон века мать и отец дарили ребенку песню как талисман-хранитель в жизни. Такую песню подарили родители и Семёну. Он с младенчества слушал ее в исполнении отца, он вырос с песнями. Может быть, поэтому у него проявились музыкальные способности уже с первого дня обучения в школе.
В 1955 году, оставив родной чум, родителей, младших братьев, он переселился на долгие годы в поселок Яр-Сале. Жил в школьном интернате, учился в средней школе. Здесь начал играть на школьном баяне, на слух подбирал понравившиеся мелодии, пел пионерские песни со школьной сцены. И очень любил уроки музыки.
После окончания восьмого класса Семён поступает в Салехардское культпросветучилище, где полностью окунулся в мир музыки. Серьезно знакомился с сольфеджио, музыкальной литературой и с основами вокала. С увлечением осваивал практику игры на баяне и фортепиано. Он горел желанием рассказать посредством музыкальных звуков о собственных мыслях и чувствах, воспевать жизнь во всех ее проявлениях, через музыку отображать краски окружающего мира. И прекрасно понимал, что для этого надо долго и терпеливо учиться, ежедневно заниматься на музыкальных инструментах.
В 1967 году Няруй окончил Салехардское культпросветучилище, затем Тюменское областное музыкальное училище и Ленинградскую консерваторию. Долгие годы преподавал в Салехардском межокружном училище культуры и искусства, сейчас находится на заслуженном отдыхе.
В своем творчестве Семён Няруй отражает красоту северного края и мудрость своего народа. Композитор бережно хранит музыкальное своеобразие языка, сочетающееся с национальным фольклором. В песне ему удается выразить и красоту Севера, и мудрость его народа, и искорку собственной души. Если собрать все песни, появившиеся в разные годы и в разных уголках тундры, то их наберется не менее двухсот.
Разные песни – разные образы: «Суляко» («Оленёнок») – наиболее популярная песня Семёна Няруя, первая из записанных в Московском доме звукозаписи и разошедшаяся по всем радиостанциям страны, а затем появившаяся и на пластинках с песнями народов Севера. Слова к ней написал известный ненецкий поэт Леонид Лапцуй.
Не обойдена в песенном творчестве композитора и воспеваемая во все времена тема любви. Например, у песни «Хазнами» («Любимая») – светлая лирическая мелодия. Любовью к родному краю, тревогой за окружающую среду проникнуты песни «Серебряный олень», «Обь».
Сколько песен – столько неповторимых северных картин. Как образно воспринимается песня «Ехал ненец на оленях»! Перед глазами слушателя – бескрайние горизонты тундры в дымке утренних туманов.
Сегодня произведения Семёна Няруя звучат в исполнении прославленных ямальских солистов и творческих коллективов. Продолжает музыкальные семейные традиции сын Нядма. И вот уже в два голоса отец и сын ведут по жизни долгий песенный аргиш, где отражается жизнь маленького стойкого тундрового народа. Внешне эта жизнь сурова, а внутренне – чиста и красива, наполнена бесконечным движением.
В день юбилея глава региона Дмитрий Кобылкин вручил ненецкому композитору знак «Почетный гражданин ЯНАО». Присвоение высокого звания – признание творческих заслуг знаменитого земляка.
Семён Няруй внес огромный вклад в развитие и популяризацию традиционной культуры народов Севера. Еще ни один ямальский творческий сольный проект не обошелся без музыкального материала Семёна Николаевича. Десятки его воспитанников трудятся в сфере культуры региона.
В эти дни в музее-квартире Л.В. Лапцуя открыта выставка «Пензер над тундрой звучит», где посетителям представлены фотографии из личного архива юбиляра и фондов МВК имени Шемановского, музыкальные сборники, методические пособия.