Василий Ананьевич Канюков Канин’ выӈгана соявы ненэць’, мэбета тыбэртя. Тюку ирийна тетимдей яляхана ӈарка ненэць’ 80 помда ядабтась. Илеванда’ ямбан ӈокавна манзаравы, иламда мэёвна нерня’ минревы. Теда’ ӈод’’ хусувэй ӈамгэн’ ивъер’’ сырта.

– Ненэця’ тым’ вэваковна сяхаӈгарт нида пэрт’’, – тарем’ тыбэртя таслабида, – мань’ илеван’ ямбан тэхэ’’на’’ мэдм’, хойхана мя’’ми таня, хойхана хар’’н соядамзь, нелеюваць, нюн’’ хойхана вадыць.
Ненсянда’ ӈод’’ тарця. Василий Ананьевич илеванда’ ямбан хойхана мэсь, бригадирӈэ’ «Северный полюс» колхозхана манзарась. Пыда ӈэсыхынанда серудо’ сава ӈэсьты’’, тыбэртя’’ тыдо’ сававна лэтбасьтыдо’. Хусувэй серкана нерняри’ минзьты’’. Василий Ананьевич харта манзаямда теневадась, ӈани’’ нида’’ ӈод’’ нерняри’ пэрцеты’’. Манзараванда’ е’’эмня сидя ӈарка орден ня’’мась – Трудового Красного знамени, «Знак почёта».
Теда’ пыда хардахана не’ нюнда хэвхана иле. Хойхана манзаранаӈэ’, тыбэртяӈэ’ хасава нюхуюда, нита’’ ню’’ тара’’. Ириндо’ пэрмы ты’’ пыдо’ пэръядо’. Тыбэрць тэри’’ тарем’ тохова ни’’ ӈа’’, тыбэрман’ ханяхартахана ни’’ тохоламбю’’. Тикы’ илевахад’ миӈа. Хойхана соясь тара, хойхана вадёсь, илесь; хой’ илм’ нюдакоход’ маниесь. Хой’ илм’, тыкоци лэтбавам’ тикахана теневаӈгур.
Василий Ананьевич харта илеванда ямбан’ ӈокавна манзаравы. Ӈока ӈацембой ненэцям’ тыбэрма серт’ хэвхананда тохолась. Хусувэй харта теневанамда няндо’ серкана маниесь тэврадась. Тюку ялян’ хэтась, Канин’ выӈгана Канюков паӈгхад’ перена ненэця’ мюсерӈа’’. Мал’ пыдо’ тэкоцидо’ сянзь, ямдо’ лэтбась иле’’, манзаидо’ пэрӈа’’. Нюкцидо’ ӈод’’ нюдякоходандо’ хоян’ тэвраби’’. Хой’ илм’ теневабнандо’, нибнандо’ юрбю’’. Вадёсь, тыбэрма’ серт’ манзаравась тобнандо’. Сава тыбэртяӈэ’ хэсь по’’ тара’’. Хойхана илева’’ е’’эмня ӈока ӈамгэм’ теневась тара.
Тым’ ня’’мась, тынзям’ моепась – тохось незел’’ ни’’ӈа. Сехэры’ поӈгана хад’ сит поепата, хад’ мадась тарабнанда, пихиня’ сензярць еримбнанд? Вэвако нумӈгана ты’’ е’’эмня хэӈгцям’ хось, илекахат лэтрась.Тикым’ хусувэй ненэця’ теневабнанда тара’’ нив’’. Хойхана вадювы хибярир’ нюдякоданда тарцян’ тоходана.
Василий Ананьевич’ нюда’’, нита’’ ню’’ теда’ тохолабась ни’’ тара’’, хусувэй серм’ пэрць тенева’’.
Теда’ лаханахая, Канин’ выӈгана мюсерта’’ поӈгана ӈацембой хасава’’ тянё’’ ни’’ ӈа’’, тыбэртидо’ тэворӈа’’. Ӈармбэй хибяри’’ нюто’ ню’’ ӈод’’ харвась хоян’ танаӈга’’, тэхэ’’на манзараван’ харвавадо’ таня’’. Пыдо’ варёмдо’ мэць явнандо’ мюсерӈа’’, харто’ ямдо’ сахарамбась илевамдо’ мэ’’ман’ харвадо’. Нянандо’ хуркари’’ тоенана сер’ мадава – сер’’ ни’’ӈа’’. Хуркари’’ нумгана евась ӈэдалёрӈа’’, тыдо’ лэтби’’. Ялэ’’, пий’’ ямбан маниейдо’.
Харто вадамдо’ тенева’’, харто паӈгадо’ лэтби’’. Василий Ананьевич невхы ярабц, хынас, вадако теневана ненэць’. Мал’ тикым’ нюта’’, нюта’ ню’’, перенита’’, ненэцие’’ тэнз’ хибяри’’ теневава’’ е’’эмня мэцьтыда. Сяхаӈгова пыда’ сёда’’ Финляндияхад’ турмы ученой, вадам’ нерня’ минрена Яркко Ниэми падвыдась. Теда’ хусувэй теневанамда ӈацембой хибярихи’’, нерняна илевнда хибяри’’ теневава е’’эмня ваде’’цетыда,
– Невхы похот’, иринана’’ няна’’ тэвравы вада’’ нерня’ илева’’ е’’эмня ӈацембой хибярихи’’ вадець тара. Василий Ананьевич тикы пилибт’’ ихинянда ӈа’’, ханзер’’ тунда ибакодрев сита юдамби’’. Тыта’ сарпя ӈока по таняӈгу’’. Ӈока хибяри’’ тикы туда юдаӈгу.

Перевод на русский язык

Его дом – свобода и ветер

Путь к профессионализму, сделавшему его известным оленеводом, Василий Анань-евич однозначно связывает с воспитанием в семье, с отцом, опыт которого стал для него главным.
– С оленями нельзя худо работать, – говорит с улыбкой ветеран. – Столько лет кочую! Тундра – мой дом, здесь я родился, здесь женился, детей вырастил.
Всякий год его бригада добивалась самой высокой сохранности молодняка, олени в стаде были крупными, упитанными – знак того, что дело свое Василий Ананьевич знает отлично, не зря он награжден орденами Трудового Красного Знамени и «Знак Почета».
Стадо, которое он берег семь десятков лет, теперь на Канине держат его родственники и ученики. Занятие оленеводством никогда не было просто профессией. Это образ жизни. Специфическая культура, в которой нужно родиться, в которую нужно врасти, но которой в полной мере нельзя просто научиться.
Василий Канюков – личность известная не только своими трудовыми успехами. Он обучил мастерству доб-рый десяток молодых пастухов, передал им свои бесценные знания. Благодаря ему в тундре сегодня работает династия Канюковых. Сыновья, племянники, того и гляди внуки придут на смену. У старших Канюковых отличные организаторские способности.
Ветеран убежден: при-учать ребятишек к условиям тундры следует как можно раньше. Летними месяцами дети оленеводов кочуют вместе с родителями, познавая азы профессии и образ жизни на практике.
– Чтобы стать хорошим пастухом нужны годы, – считает ветеран. – Ведь даже тынзей бросать – непросто научиться. А застанет в пути пурга? Устроить себе жилище в снегу, укрыть в надежном месте оленей, уберечь их от коварных и сильных полярных волков – все должен уметь пастух. Иной раз олени отобьются на десятки километров от стада. Чтобы найти их, надо знать и повадки животных, и окрестные земли.
Сегодня ни на шаг не отстают от Василия Ананьевича юные преемники, смело управляются с оленями, умеют готовить, шить, поддерживать огонь в костре.
На Канине молодые охотно остаются работать в тунд-ре – здесь нет недостатка в пастухах, чего не скажешь о многих других хозяйствах округа. Внуки, может быть, пока еще не осознают, каким богатством владеют. Нет, не оленями, хотя именно так они и считают. Не этими легкими чумами из жердей и шкур, хотя без них в тундре не выжить. Они владеют свободой, небом, до которого можно дотянуться рукой, землей, по которой их упряжки скользят легко, будто их несет ветер. Они чувствуют себя в тундре вольготно, поскольку здесь нет улиц, вся тундра – одна бесконечная дорога. Где время течет не по часам и минутам. Оно не тикает. Встает солнце, и ночной пастух-караульщик гонит стадо к стойбищу. В стужу люди пробуждаются не от пения птиц, а от звука оленьих копыт.
Василий Ананьевич передал детям, внукам любовь к родной земле и оленям. Они понимают, что олень – основа жизни ненцев, и дело деда продолжать им. Богатство для них – это сказки и загадки своего народа. И, конечно, богатство – это речь, певучая, плавная.
Сам Василий Ананьевич – талантливый исполнитель, знаток ненецкого фольклора. Много канинских песен записал у него финский языковед Яркко Ниэми. Ветеран старается передать молодым все, что знает и умеет.
– Сейчас очень важно сохранить знания, которые достались нам от наших дедов и отцов, – убежден Василий Ананьевич. – Наша задача – передать их будущим поколениям.
Эти мысли неотступно следуют за ним. Будто ощущение тепла костра – огня, который он так искусно поддерживал. Тепло походного костра на длинной оленьей тропе. Его хватит на всех.