Округна толаӈгова’ хардахана ӈэрм’ тер’’ ненэцие’’ отделкана манзарана нина’’ ӈарка манзаям’ сертамби’’. Манзарась’ лохондо’ ненэцие’’ хуркари’’ ихид хамадавы’’ мероприятияха’ ма’’лабсетыдо’.
Вы здесь
Ялумд’’
Тюку яля’ «Харючи вэсако» лаханако’ пудана пелям’ толара’’. Хибя тюку лаханаком’ наӈгадяӈэ’ толаван’ харвабнанда. Хаювы яляхана ӈадибермы «Ялумдхана» ӈани’ пелядо’ хоӈгуда’’.
Саляхардахана «Ямал потомкам» ассоциация ма’’лёван’ яндахат’ товы’’ хибяри’’ ӈокаць. Я’мал хусувэй маркана, хусувэй районхана общественный организация’ отделение’’ манзаидо’ пэрӈа’’. Тазовский районхана тарця отделениедо’ ӈоб’ сидя ю’’ самляӈг по’’ ямбан манзара. Тикы нямна Роман Хасавович Яндо’ няюв лаханамась, тикы ненэць сян по’’ ямбан отделение’ манзаям’ нерня пэрӈась.
Маня’’ яханана мел’’ хибярина ханярина иле’’. Округна хусувэй ӈэсыхына ӈудидо’ мэта’’ нина’’ таня’’, маркана ӈод’ тянё вани’’ӈа’’. Тарця нина’’ манзаи’’ хуркари’’ выставкахана маниесьтына’’, ханяӈэна мел’’ нина’’ мастер-класс’ манэ’’лабтабасьты’’.
Алексей Ильич Пичков ненэцие’’ паднана. Илеванда ямбан падвы’’ манзаида маля ӈока, пыда книгида округна толаӈго’ хардахана лэтбидо’, пыда стихда’ ӈацекы’’ толабидо’. Паднанава илевы ӈэбнанда сидя ёнар’’ тетимдей яӈганя по’ март’ ирий няхар’’юдимдей толыркана сиднтет ю’’ пода пангусь.
Мел’’мана сэдорана не’’ ханярина таня’’. Няръяна маркана тарця не’’ тянё ни’’ӈа’’.
Тандая тамна ӈопой пом’ мадава’’. Сидя ёнар’’ тетимдей яӈганя по’ вэва нись’ ӈа’’. Теда, пуняюв’ сылась хусувэва’’ ибедорӈа: хаювы по’ нянан’ хурка ӈэса? По’ пудана яляха’’на округна хибяри’’ тарця сер’ нямна хонрабидамзь’.
Нянэй ненэця’’ тенз’ мэта хибяри’’ ӈэрм’ яхана ханярина иле’’. Тыдо’ пэрць вымна сян’ юр’’ по’’ ямбан мюсерӈа’’. Пудана юр’’ по’’ ямбан ӈока несэй ненэцие’’ илевахана ӈадимяць. Ненэця’’ луци’’ манзаи’’ торомда’’, харто’ паднава серуна ӈадимя’’. Вадакуна’’ ма’’ламбада хибярина книги’’ падби’’. Нейко Янгасова вадако’’ книгам’ ма’’лась.
Нёр Туӈгосе’’э ӈани’ тарем’ ма: – Пыдар сидя хабтаркамд тэмд’ ми’’ӈанаси’’. Хурка мань ӈод’’ сидя хабтарками тэхэюни митадм’. Пыдар мяканд хэхэр’’.
Лаханавэюм’ тальняю’ пыда ӈэдалэй’’. Пон’ нись мы’’ пой ӈутокани нултавонода. Тарем’ мамонода.
Сидя ю’’ самляӈг по’’ тяхана ӈэрм’ яхана янда’’хана толырто’ тянё ненэця’’ ӈобт’ ма’’лёсь ассоциации’’ ӈадимдець. Таняна манзарана’’ хибяри’’ хари’ яханандо’ илена’’ ненэциедо’ хуркари’’ серкана нядабавась таславыць.
Таймыркана илена’’ харто’ ассоциациямдо’ сертаць. Тарця сер’ нямна Раиса Яптунэм’ хонрамбимась: – Яхананда ассоциацияра’ ся’’ӈы ӈадимясь?
Ӈарка пэвдэй ирийхана Няръяна маркана округна ӈэсыхы’ школахана манзарана’’ тохолкода’’ ма’’лыць. Ӈокаюв’ пелядо’ ненэцие’’ вадам’ пэртя’’, пыдо’ ӈацекына ненэця’’ вадан’ тохоламбидо’.
Тюку по’ театрм’ манзаям’ нерня минрена Серафима Петровна Дуркина харта нянда со’’яма ялян’ нись’ ерив. Ныланавась’ хэванда нерцю редакцияхана тюӈгась. Пыда харта сава не нянда со’’яма ялян’ тарця вади’’ падвысь.
Маня’’ яханана ӈока тарця хибярина иле’’, манзара’’, хуний тюку яхана сояць, вадыць. Тикахад’ варёмдо’ мэць харто’ соявы яханандо’ таромдо’ мэць ив’ ер манзара. Няръяна маркана ӈод тарця хибярина тянё вани’’ӈа’’.
Тамна ӈопой’ вадам’ мэта Лариса Тайбери. Тикы некоця Саля’хардахана иле, мутра’ манзаям’ пэртя’’. Тюку яля’ округна хибярихи’ тарця вади’’ хэтби’’.
Раиса Яптунэ Таймыр’ яхана соявы не, харта яхананда нянэй вада’ нямна маля пон’ манзара. Маня’’ телевиденияна 25 поданда хая’’. 89 похона сертавы, мань’ тикана сидя ю’’ по’’ манзарадм’.
Нюртей 94 похона, ты’’ ниць ирыхана тодамзь. Тамальӈгана художественный редакцияхана манзарадамзь’. Ӈаркая передачи’’ сертабасьтыва’’, мань’ нянэй вадам’ сертабидамзь’. Сидя вадам’ мэцьтыва. Тыбэртина’’ ила’’ нямна лаханамась, тыбэрти’’ падбидамзь. Тарця манзаями’ ехэравась, мань’ учительӈэ 23 по’’ манзарадамзь, школа директорӈэ’ тарадамзь.
Теда мадабада пова’яханана культура поӈэ’таславысь. По’ ямбан ханярина, маркана ӈэя, округна ӈэсыхына культурахад’ перена’’ сер’’ ӈокаць. Тикым’ маня’’ маркана иленаӈэ’ маниеваць, ӈока ваеравы мероприятияхана мэвава’’ танясь.
Страницы
- « первая
- ‹ предыдущая
- …
- 53
- 54
- 55
- 56
- 57
- 58
- 59
- 60
- 61
- …
- следующая ›
- последняя »
